ମୁମ୍ବାଇ: ବଲିଉଡ୍ ଷ୍ଟାର୍ ସାରା ଅଲି ଖାନ୍ ଏବଂ କାର୍ତ୍ତିକ ଆର୍ୟନ୍ଙ୍କ ଫ୍ୟାନ୍ସଙ୍କ ପାଇଁ ଏକ ଦୁଃଖ ଖବର। ବଲିଉଡ୍ର ଏହି କ୍ୟୁଟ୍ ଲଭ୍-ବାର୍ଡଙ୍କ ବ୍ରେକ୍ଅପ୍ ହୋଇଯାଇଥିବା ଶୁଣାଯାଉଛି। ବ୍ୟସ୍ତତା ଓ ସମୟ ଅଭାବ କାରଣରୁ ଏମାନଙ୍କ ବ୍ରେକ୍ଅପ୍ ହୋଇଯାଇଥିବା ଜଣାପଡ଼ିଛି।
ଏକ ସାକ୍ଷାତ୍କାରରେ କାର୍ତ୍ତିକ ତାଙ୍କୁ ଅନ୍ୟମାନଙ୍କ ତୁଳନାରେ ଅଧିକ ପସନ୍ଦ ବୋଲି କହିବାପରେ କାର୍ତ୍ତିକ ମଧ୍ୟ ଏକ ସାକ୍ଷାତ୍କାରରେ ସାରା ତାଙ୍କୁ ପସନ୍ଦ ବୋଲି କହିଥିଲେ। ଏହାପରେ ବିଭିନ୍ନ ସ୍ଥାନରେ ଉଭୟଙ୍କୁ ଏକାଠି ଦେଖିବାକୁ ମିଳିଥିଲା। ଉଭୟଙ୍କ ରିଲେସନଶିପ୍ ଚର୍ଚ୍ଚା ମଧ୍ୟ ଜୋର୍ ଚାଲିଲା। ହେଲେ ଏବେ ନିଜ ନିଜର ବ୍ୟସ୍ତ ଜୀବନଶୈଳୀ ଯୋଗୁ ଉଭୟେ ଅଲଗା ହୋଇଯାଇଥିବା ଜଣାପଡ଼ିଛି। ତେବେ ବ୍ରେକ୍ଅପ୍ ପୂର୍ବରୁ ଉଭୟେ ରିଲେସନଶିପ୍ ବଜାୟ ରଖିବାକୁ ଚେଷ୍ଟା ମଧ୍ୟ କରିଥିଲେ। ଦୁହେଁ ପରସ୍ପରର ଶୁଟିଂ ସେଟ୍କୁ ଯାଇ ଦେଖା କରୁଥିଲେ। ବ୍ୟସ୍ତତା ମଧ୍ୟରେ ବି ପରସ୍ପର ପାଇଁ ସମୟ ବାହାର କରିବାକୁ ଚେଷ୍ଟା କରୁଥିଲେ। ହେଲେ ଏପରି କରିବା ଦ୍ୱାରା ସେମାନେ କ୍ୱାଲିଟି ଟାଇମ୍ ପାଇପାରିଲେ ନାହିଁ। ଏବେ ଏକ ସୂତ୍ରରୁ ଜଣାପଡ଼ିଛି, ଏଭଳି ରିଲେସନଶିପ୍ରେ ନ ରହି କେବଳ ବନ୍ଧୁ ହୋଇ ରହିବାକୁ ନିଷ୍ପତ୍ତି ନେଇଛନ୍ତି କାର୍ତ୍ତିକ-ସାରା। କୌଣସି ତିକ୍ତତା ନ ଥାଇ ପରସ୍ପର ସହ ବୁଝାମଣାରେ ଏହି ବ୍ରେକ୍ଅପ୍ ହୋଇଛି। ଆଗକୁ କେବଳ ବନ୍ଧୁ ହୋଇ ରହିବେ ଏବଂ କ୍ୟାରିୟର ପ୍ରତି ସମ୍ପୂର୍ଣ୍ଣ ଧ୍ୟାନ ଦେବାକୁ ନିଷ୍ପତ୍ତି ନେଇଛନ୍ତି କାର୍ତ୍ତିକ-ସାରା। ଅନ୍ୟପକ୍ଷରେ ଫିଲ୍ମ ‘ଆଜ୍ କଲ୍’ରେ ଏମାନଙ୍କୁ ଏକାଠି ଦେଖିବାକୁ ମିଳିବ। ଫିଲ୍ମର ପ୍ରମୋଶନ ପାଇଁ ସେମାନେ ପ୍ରସ୍ତୁତ ହେଉଛନ୍ତି। ଏହାପରେ କାର୍ତ୍ତିକ ଫିଲ୍ମ ‘ଦୋସ୍ତାନା-୨’ ଓ ସାରା ‘କୁଲି ନମ୍ବର ୧’ ଫିଲ୍ମ ପାଇଁ ବ୍ୟସ୍ତ ରହିବେ।
