କଣ୍ଟିଲୋ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର: ୧୦୨ ଆମ୍ବୁଲାନ୍ସ ବନ୍ଦ ପରେ ପ୍ରସୂତି ସେବା ବାଧାପ୍ରାପ୍ତ

ଖଣ୍ଡପଡ଼ା,୩ା୭(ସ୍ବ.ପ୍ର)-ଗତ ମେ ୩୧ ତାରିଖଠାରୁ ଖଣ୍ଡପଡା ବ୍ଲକ ଅନ୍ତର୍ଗତ କଣ୍ଟିଲୋ ସରକାରୀ ସ୍ବାସ୍ଥ୍ୟକେନ୍ଦ୍ର ତଥା ପ୍ରସୂତି ସେଣ୍ଟରରେ ୧୦୨ ଆମ୍ବୁଲାନ୍ସ ସେବା ବନ୍ଦ ହୋଇଯିବା ପରେ ଏଠାରେ ପ୍ରସୂତି ସେବା ବାଧାପ୍ରାପ୍ତ ହୋଇଛି। ଫଳରେ ଏଠାକୁ ଆସୁଥିବା ଗର୍ଭବତୀମାନେ ନାନା ସମସ୍ୟାର ସମ୍ମୁଖୀନ ହେଉଛନ୍ତି।
ପ୍ରକାଶ ଯେ, କଣ୍ଟିଲୋ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ଉପରେ କଣ୍ଟିଲୋ, ବାଣପୁର, ସିଧାମୂଳା, ବେଣାଗାଡିଆ, ପଥରଚକଡା, କେନ୍ଦୁପଲ୍ଲୀ, ଧାନଚେଙ୍ଗଡା, ବାଉଁଶବାଟି ଆଦି ୮ ପଞ୍ଚାୟତର ପ୍ରାୟ ୫୦ରୁ ୬୦ ହଜାର ଲୋକ ଚିକିତ୍ସା ସେବା ପାଇଁ ନିର୍ଭର କରିଥାନ୍ତି। ନୂଆଗଡିଆସାହି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଅଧୀନରେ ଥିବା ଏହି ସ୍ବାସ୍ଥ୍ୟକେନ୍ଦ୍ରଟି ପ୍ରସୂତି କେନ୍ଦ୍ର (ଡେଲିଭରି ପଏଣ୍ଟ) ଭାବେ ପରିଚିତ। ପ୍ରତି ମାସରେ କଣ୍ଟିଲୋ ତଥା ଆଖପାଖ ଅଞ୍ଚଳରୁ ୧୫ରୁ ଊର୍ଦ୍ଧ୍ୱ ଗର୍ଭବତୀ ଏଠାକୁ ଆସିଥାନ୍ତି। ଅବସ୍ଥା ଅଣାୟତ୍ତ ହେଲେ କେତେକଙ୍କୁ ଏଠାରେ ଥିବା ୧୦୨ ଆମ୍ବୁଲାନ୍ସ ଯୋଗେ ଖଣ୍ଡପଡ଼ା କିମ୍ବା ନୟାଗଡ଼ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥାଏ। ଏହାଦ୍ୱାରା ପ୍ରସୂତିମାନେ ତ୍ୱରିତ ସେବା ପାଇ ପାରିଥାନ୍ତି ା ମାତ୍ର ଉକ୍ତ ୧୦୨ ଆମ୍ବୁଲାନ୍ସୁକୁ ଗତ ମେ ୩୧ ତାରିଖରୁ ବନ୍ଦ କରି ଦିଆଯାଇଛି। ଫଳରେ ଏଠାକୁ ଆସୁଥିବା ଗର୍ଭବତୀମାନେ ତ୍ୱରିତ ସେବା ପାଇପାରୁ ନାହାନ୍ତି। ଜରୁରୀ ଆବଶ୍ୟକତା ସମୟରେ ୪ଚକିଆ ଯାନ ଉପଲବ୍ଧ ନ ହେବାରୁ ସେମାନଙ୍କୁ ଅଟୋ ରିକ୍ସାରେ ଅନ୍ୟତ୍ର ସ୍ଥାନାନ୍ତର କରିବାକୁ ପଡୁଛି ା ବିଭାଗୀୟ କେତେକ କର୍ମଚାରୀଙ୍କ ସୂତ୍ରରୁ ମିଳିଥିବା ସୂଚନା ଅନୁଯାୟୀ, କଣ୍ଟିଲୋଠାରେ ଥିବା ମାରୁତି ଗାଡିରେ ୧୦୨ ଆମ୍ବୁଲାନ୍ସ ବନ୍ଦ କରାଯାଇ ଏହା ପରିବର୍ତ୍ତେ ବୋଲେରୋରେ ୧୦୮ ଆମ୍ବୁଲାନ୍ସ ସେବା ଯୋଗାଇବା ବ୍ୟବସ୍ଥା କରାଯାଉଛି ା କଣ୍ଟିଲୋ ଭଳି ଏକ ପର୍ଯ୍ୟଟନ କ୍ଷେତ୍ର ତଥା ପ୍ରସୂତି ସେଣ୍ଟରରେ ଯଦି ଉକ୍ତ ଆମ୍ବୁଲାନ୍ସ ରଖା ନ ଯାଏ ତେବେ ଆଗାମୀ ଦିନରେ ଆନ୍ଦୋଳନାମତ୍କ ପନ୍ଥା ଗ୍ରହଣ କରାଯିବ ବୋଲି ସାଧାରଣରୁ ସୂଚନା ମିଳିଛି ା ଏ ସମ୍ପର୍କରେ ନୟାଗଡ଼ ଜିଲା ମୁଖ୍ୟ ଚିକିତ୍ସାଧିକାରୀ ଡ. ଶ୍ୱେତ କୁମାର ମହାପାତ୍ରଙ୍କୁ ପଚାରିବାରୁ ସେ କହିଥିଲେ, ୧୦୨ ମାରୁତି ଆମ୍ବୁଲାନ୍ସ ପରିବର୍ତ୍ତେ ୧୦୮ ବୋଲେରୋ ଆମ୍ବୁଲାନ୍ସ ସେବା ବ୍ୟବସ୍ଥା କରାଯାଇଛି ା ଉକ୍ତ ଆମ୍ବୁଲାନ୍ସ ଗାଡି ଦେଉଥିବା ବ୍ୟକ୍ତି ଏମ୍‌ଓୟୁରେ ଦସ୍ତଖତ କରିବା ପରେ ଆସନ୍ତା ୧୦/୧୫ ଦିନ ମଧ୍ୟରେ ଉକ୍ତ ସେବା ଯୋଗାଇ ଦିଆଯିବ ଏବଂ ଗାଡିଟି କଣ୍ଟିଲୋ ସେଣ୍ଟରରେ ରହିବ ବୋଲି ସେ ସୂଚନା ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?