ମୁମ୍ବାଇ, ୩ା୭ (ପି.ଟି.)- ଭାରତର ଷ୍ଟାର ଓପନର ସ୍ମୃତି ମନ୍ଧାନା ୨୦୧୯ ସିଜନ ପାଇଁ ପୁନର୍ବାର କିଆ ସୁପର ଲିଗ୍ (କେଏସ୍ଏଲ୍)ରେ ଯୋଗ ଦେଇଛନ୍ତି। ଫ୍ରାଞ୍ଚାଇଜ୍ ତରଫରୁ ମଙ୍ଗଳବାର ଏହା ଘୋଷଣା କରାଯାଇଛି। ଓ୍ବେଷ୍ଟର୍ନ ଷ୍ଟର୍ମ ଏହାର ଟ୍ବିଟର ହ୍ୟାଣ୍ଡଲ୍ରେ କହିଛି ୨୦୧୯ କିଆ ସୁପର ଲିଗ୍ ପାଇଁ ସ୍ମୃତି ମନ୍ଧନା ଆମ ଦଳରେ ଯୋଗଦାନ କରୁଥିବାରୁ ଆମେ ଆନନ୍ଦିତ। କେଏସ୍ଏଲ୍ର ଗତ ସଂସ୍କରଣରେ ୨୨ ବର୍ଷୀୟା ମନ୍ଧାନା ଓ୍ବେଷ୍ଟର୍ନ ଷ୍ଟର୍ମ ପାଇଁ ପ୍ରମୁଖ ଭୂମିକା ଗ୍ରହଣ କରିଥିଲେ। ଏହି ଦଳ କ୍ରମାଗତ ତୃତୀୟ ସିଜନ ପାଇଁ ଫାଇନାଲରେ ପ୍ରବେଶ କରିଥିଲା। ବିଶ୍ୱର ନମ୍ବର ଓ୍ବାନ ବ୍ୟାଟ୍ସମ୍ୟାନ ମନ୍ଧାନା ଗତବର୍ଷ କେଏସ୍ଏଲ୍ର ଅଗ୍ରଣୀ ସ୍କୋରର ଥିଲେ। ସେ ଏକ ଶତକ ସହ ୬୦.୧୪ ଆଭରେଜରେ ମୋଟ ୪୨୧ ରନ ସଂଗ୍ରହ କରିଥିଲେ।
