ସ୍ବିଜରଲାଣ୍ଡର ଜ୍ୟୁରିଖରେ ରହିଛି ଏମିତି ଏକ ରେଷ୍ଟୁରାଣ୍ଟ ଯେଉଁଠି ଶହେ ବର୍ଷରୁ ଊର୍ଦ୍ଧ୍ୱ ସମୟ ହେଲା ଆମିଷ ଅବା କ୍ଷୀରରେ ତିଆରି ଖାଦ୍ୟ ପରସା ଯାଇନାହିଁ। ଯଦିଓ ଏଠାରେ ବିଭିନ୍ନ ଦେଶର ଖାଦ୍ୟ ମିଳିଥାଏ ହେଲେ ସେସବୁ ସମ୍ପୂର୍ଣ୍ଣ ଶାକାହାରୀ। ସ୍ବିଜରଲାଣ୍ଡରେ ନନ୍ ଭେଜ୍ ଲୋକଙ୍କର ପ୍ରଥମ ପସନ୍ଦ ହୋଇଥିଲେ ସୁଦ୍ଧା ଏହି ରେଷ୍ଟୁରାଣ୍ଟ ଭଲ ବିଜନେସ୍ କରେ ବୋଲି କୁହାଯାଏ। ଦ କଲିନାରୀ ହେରିଟେଜ୍ର ଲେଖକ କୁହନ୍ତି ଏହି ରେଷ୍ଟୁରାଣ୍ଟଟି ତିଆରି ହେବା ପଛରେ ଏକ ରୋଚକ କାହାଣୀ ମଧ୍ୟ ରହିଛି। ଜର୍ମାନୀର ଟେଲର ଏମ୍ବ୍ରୋସିୟସ ହିତଲ ଆଣ୍ଠୁଗଣ୍ଠି ସମସ୍ୟାରେ ପୀଡିତ ଥିଲେ। ଡାକ୍ତର ତାଙ୍କୁ ଆମିଷ ଖାଇବାକୁ ସମ୍ପୂର୍ଣ୍ଣ ବାରଣ କରିଥିଲେ। ଏହି ସମୟରେ ୨୪ବର୍ଷୀୟ ହିତଲଙ୍କୁ ଏବଷ୍ଟିନେସ୍ କାଫେ ନାମକ ଏକ ରେଷ୍ଟୁରାଣ୍ଟ ମିଳିଥିଲା। ଯେଉଁଠି କେବଳ ଶାହାକହାରୀ ଭୋଜନ ପ୍ରସ୍ତୁତ କରାଯାଉଥିଲା। ଏହାପରଠାରୁ ହିତଲଙ୍କୁ ଏହା ପସନ୍ଦ ଆସିବା ସହ ସେ ସେଠାରେ ନିୟମିତ ଭାବେ ଖାଇବା ଆରମ୍ଭ କଲେ। କିଛିଦିନ ପରେ ସେଠାକାର ମୁଖ୍ୟ ରୋଷେୟା ଥିବା ଜଣେ ମହିଳା ମାର୍ଥା ନ୍ୟୁପେଲଙ୍କ ପ୍ରେମରେ ପଡିଯାଇଥିଲେ ହିତଲ। ଆଉ ଶେଷରେ ସେ ବିବାହ ମଧ୍ୟ କରିଥିଲେ। ଏହାପରେ ୧୯୦୪ରେ ଉକ୍ତ ରେଷ୍ଟୁରାଣ୍ଟକୁ କିଣିନେଇ ଏହାର ନାଁ ପରିବର୍ତ୍ତନ କରି ହାଁସ ହିତଲ ରଖିଥିଲେ। ସେବେଠାରୁ ଏହି ରେଷ୍ଟୁରାଣ୍ଟ ଶାକାହାରୀ ରେଷ୍ଟୁରାଣ୍ଟ ଭାବେ ଭଲ ବ୍ୟବସାୟ କରୁଥିବା କୁହାଯାଏ।
