ନୂଆଦିଲ୍ଲୀ,୧୩।୭: ଏସିଆର ଶ୍ରେଷ୍ଠ ୧୦ ସୁନ୍ଦର ସହର ମଧ୍ୟରେ ରାଜସ୍ଥାନର ୨ ସହର ରହିଛନ୍ତି। ଏନେଇ ପର୍ଯ୍ୟଟନ ପ୍ରତିକା ଟ୍ରାଭେଲ ପ୍ଲସ୍ ରେଜର ମାଗାଜିନ୍ରେ ରିପୋର୍ଟ ପ୍ରକାଶ ପାଇଛି। ରାଜସ୍ଥାନର ଉଦୟପୁର ତାଲିକାରେ ୬ଷ୍ଠ ସ୍ଥାନରେ ଥିବାବେଳେ ଜୟପୁର ୧୦ମ ସ୍ଥାନରେ ରହିଛି। ତାଲିକାରେ ପ୍ରଥମ ସ୍ଥାନରେ ଭିଏତ୍ନାମ୍ର ହୋଇ ଇନ୍ ରହିଛି। ସେହିପରି ଦ୍ୱିତୀୟରେ ଥାଇଲାଣ୍ଡ୍ର ଚିୟାଙ୍ଗ୍ ମାୟ ଅଛି। ତୃତୀୟରେ ଇଣ୍ଡୋନେସିଆର ଉବୁଦ୍, ୪ର୍ଥରେ ଜାପାନର ଟୋକିଓ ଏବଂ ୫ମରେ ଜାପାନର କୟୋଟା ସହର ରହିଛି। ସେହିପରି ୭ମରେ ଥାଇଲାଣ୍ଡର ବ୍ୟାଙ୍କକ୍, ୮ମରେ ଜାପାନର ଓସାକା ଏବଂ ୯ମରେ କାମ୍ବୋଡ଼ିଆର ସିମ୍ ରିପ୍ ସହର ରହିଛି। ପର୍ଯ୍ୟଟକଙ୍କ ଅନୁଭବ ଆଧାରରେ ଏହି ତାଲିକା ପ୍ରସ୍ତୁତ କରାଯାଇଛି। ରାଜସ୍ଥାନର ଉଦୟପୁରକୁ ପ୍ରତିବର୍ଷ ୧୦ ଲକ୍ଷ ଘରୋଇ ପର୍ଯ୍ୟଟକ ଏବଂ ୨ଲକ୍ଷରୁ ଅଧିକ ବିଦେଶୀ ପର୍ଯ୍ୟଟକ ଆସୁଥିବା ଏହି ରିପୋର୍ଟରେ ଦର୍ଶାଯାଇଛି।
