ଆଦିବାସୀ ଯୁବକ ନିର୍ମାଣ କଲେ ସ୍ବୟଂଚାଳିତ ପେଟ୍ରୋଲ ପମ୍ପ

କଳିଙ୍ଗନଗର,୨୩ା୧(ଡି.ଏନ୍‌.ଏ.):ମାଟ୍ରିକ ପାସ୍‌ ପରେ ଅର୍ଥ ଅଭାବରୁ ପାଠପଢ଼ା ବନ୍ଦ ହୋଇଯାଇଥିଲା। ତେଣୁ କିଛି ରୋଜଗାର କରିବା ଲକ୍ଷ୍ୟରେ ନିକଟରେ ଥିବା ବ୍ରାହ୍ମଣୀ ପାଳ ବଜାରରେ ପେଟ୍ରୋଲ ଟାଙ୍କିରୁ ପେଟ୍ରୋଲ ଆଣି ବିକ୍ରି କଲେ। ହେଲେ ଏଠାରେ ତେଲ ଦେବାକୁ କେହି ନ ଥିବାବେଳେ ଲୋକେ ଅସୁବିଧାର ସମ୍ମୁଖୀନ ହେଉଥିଲେ। ବ୍ରାହ୍ମଣୀପାଳଠାରୁ ପ୍ରାୟ ୧୫/୧୬ କିଲୋମିଟର ଦୂରରେ ପେଟ୍ରୋଲ ପମ୍ପ ଅବସ୍ଥିତ। ତେଣୁ ଏହିସବୁ ଅସୁବିଧାକୁ ଦୂର କରିବା ପାଇଁ କବାଡ଼ିଆ ଲୁହାରେ ନିର୍ମିତ ହୋଇଛି ପେଟ୍ରୋଲ ପମ୍ପ ଆକୃତିର ଏକ ମେଶିନ। ମେଶିନରୁ ତୈଳ ଭରିବା ଭଳି ପାଇପ୍‌ ବାହାରକୁ ଲମ୍ବିଛି। ହ୍ୟାଣ୍ଡେଲ ନୋଜଲ ବି ପମ୍ପ ଅନୁରୂପ ସେମିତି ଖଞ୍ଜାଯାଇଛି। ପମ୍ପଠାରୁ ଅପେକ୍ଷାକୃତ ଛୋଟ ହେଲେ ବି ଏହା ଯେ ଏକ ଇନ୍ଧନ ଭରା ଯାଉଥିବା ପମ୍ପ ତାହା ଜାଣିବାକୁ ଆଦୌ ଅସୁବିଧା ହେଉନାହିଁ। ମାତ୍ର ଏଠାରେ ତୈଳ ଦେବା ପାଇଁ କେହିନାହାନ୍ତି। ମେଶିନ ସମ୍ପୂର୍ଣ୍ଣ ସ୍ବୟଂଚାଳିତ, ଯାହାର ପେଟ୍ରୋଲ ଆବଶ୍ୟକ ସେ ନିଜେ ନେଇ ଗାଡ଼ିରେ ଭରିପାରୁଛନ୍ତି। ମେଶିନରୁ ଥରକରେ ୧୦୦ ଟଙ୍କାର ପେଟ୍ରୋଲ ବାହାରୁଛି। ମେଶିନରେ ପ୍ରଥମେ ୧୦୦ ଟଙ୍କାର ଏକ ନୋଟ ଭରିବାକୁ ପଡ଼ିଥାଏ। ଏହାବ୍ୟତୀତ ଏଠାରେ ବାର୍‌ କୋଡ୍‌ ସ୍କାନିଂ ମାଧ୍ୟମରେ ବି ଟଙ୍କା ଦେବାର ବ୍ୟବସ୍ଥା ରହିଛି। ଟଙ୍କା ପ୍ରାପ୍ତ ହେବା ପରେ ଯାଇ ମେଶିନ ତୈଳ ଦେଉଛି। ଏମିତି ଏକ ବିକଳ୍ପ ଯନ୍ତ୍ରର ଉଦ୍ଭାବକ ହେଉଛନ୍ତି ଆଦିବାସୀ ଯୁବକ ଜିତେନ୍ଦ୍ର ହେମ୍ବ୍ରମ। ତାଙ୍କ ଘର ଯାଜପୁର ଜିଲା କିଆଝର ପଞ୍ଚାୟତ ଭାଲୁବସା ଗ୍ରାମରେ। କାହ୍ନୁ ଚରଣ ହେମ୍ବ୍ରମଙ୍କ ପୁଅ ଜିତେନ୍ଦ୍ରଙ୍କ ବୟସ ଏବେ ୨୩ ବର୍ଷ। ଅନେକ ଥର ଭଙ୍ଗା ଗଢ଼ା ପରେ ସେ ଏହି ଯନ୍ତ୍ରଟି ବିକଶିତ କରିପାରିଛନ୍ତି।
ଟିକିଏ ଆଶ୍ଚର୍ଯ୍ୟ କରିବା ଭଳି ଏହି ଯନ୍ତ୍ରଟି ରହିଛି ଯାଜପୁର ଓ କେନ୍ଦୁଝର ଜିଲା ସୀମାନ୍ତ ବ୍ରାହ୍ମଣୀପାଳ ବଜାରରେ। ଆଖପାଖରେ ପେଟ୍ରୋଲ ମିଳୁ ନ ଥିବାରୁ ଲୋକେ ପିଲା ଛୁଆ ପରିବାର ସହିତ ରାସ୍ତାରେ ଅନେକ ସମୟରେ ଗାଡ଼ି ଗଡାଇ ଗଡ଼ାଇ ଯିବାକୁ ବାଧ୍ୟ ହୁଅନ୍ତି। ତେଣୁ ଏଠାରେ ୨୪ ଘଣ୍ଟିଆ ସେବା ଦେବା ଭଳି ପେଟ୍ରୋଲ ପମ୍ପ ନିର୍ମାଣ ନିଶା ହିଁ ଜିତେନ୍ଦ୍ରଙ୍କୁ ଏହି ବିକଳ୍ପ ସାଧନ ପାଇଁ ବାଟ ଦେଖାଇଥିଲା। ଜିତେନ୍ଦ୍ର ଲିଟର ପ୍ରତି ୮ଟଙ୍କା ଲାଭ ରଖି ଲୋକଙ୍କୁ ପେଟ୍ରୋଲ ଦେଉଛନ୍ତି। ତାଙ୍କ କହିବା ମୁତାବକ, ଏହି ମେଶିନରୁ ଦୈନିକ ୪୦ରୁ ୫୦ ଲିଟର ତେଲ ବିକ୍ରି ହେଉଛି। ସେଥିରେ ତାଙ୍କ ପରିବାର ପ୍ରତିପୋଷଣ ହେଉଛି। ତେଲ ଭରିବା ସମୟରେ ପରିମାଣ ଓ ମୂଲ୍ୟ ସୂଚୀ ପ୍ରଦର୍ଶନ କରୁଥିବା ଡିସପ୍ଲେ ଟିକୁ ଅଧିକ ବିକଶିତ ପାଇଁ ସେ ପରୀକ୍ଷାନିରୀକ୍ଷା ଚଳାଇଛନ୍ତି। ମେଶିନକୁ ସମ୍ପୂର୍ଣ୍ଣ ସୁରକ୍ଷିତ ଭାବେ ନିର୍ମାଣ କରିଛନ୍ତି। କେବଳ ଶହେ ଟଙ୍କିଆ ବ୍ୟତୀତ ଅନ୍ୟ ଯେ କୌଣସି ଟଙ୍କା ଦେଲେ ମେଶିନଟି ଫେରାଇ ଦେଉଛି। ଅନ୍ୟପକ୍ଷରେ ଡିଜିଟାଲ ପେମେଣ୍ଟ ହେବା ପରେ ଯାଇ ମେଶିନର ଚାବି ଖୋଲିଯାଉଛି। ଜିତେନ୍ଦ୍ରଙ୍କ ଏହି ମେଶିନ ଅଧିକ ନିର୍ମାଣ ହୋଇ ପାରିଲେ ଅନେକ ଅପହଞ୍ଚ ଇଲାକାରେ ଆବଶ୍ୟକତା ମେଣ୍ଟିପାରନ୍ତା। ଏ ଦିଗରେ ରାଜ୍ୟ ସରକାର ତାଙ୍କୁ ସହଯୋଗର ହାତ ବଢ଼ାେଇଲ ଜିତେନ୍ଦ୍ର ଅଧିକ ମେଶିନ ନିର୍ମାଣ କରିପାରନ୍ତେ ବୋଲି ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଘର ଉଚ୍ଛେଦ ସମୟରେ ଉତ୍ତେଜନା: ଅଧିକାରୀଙ୍କ ଗୋଡ଼ ଧରିଲେ ମହିଳା

ନିରାକାରପୁର,୨୧ା୮(ଡି.ଏନ୍‌.ଏ.): ତହସିଲଦାର କୋର୍ଟଙ୍କ ନିର୍ଦ୍ଦେଶକ୍ରମେ ପୁରୀ ଜିଲା ଗଡ଼ିଶାଗୋଦା ଥାନା ଅନ୍ତର୍ଗତ ଗଡ଼ଖାରଦ ପଞ୍ଚାୟତ ଘଣ୍ଟପୁର ଅଞ୍ଚଳରେ ହୋଇଥିବା ବେଆଇନ ଘର, ଗୁହାଳ ଏବଂ ଦୋକାନକୁ...

କୁଡ଼ିଆରେ ଜଳିଗଲେ ମହିଳା

ଢେଙ୍କାନାଳ ଅଫିସ/ କାମାକ୍ଷାନଗର(ଡି.ଏନ.ଏ.), ୬।୨: ଢେଙ୍କାନାଳ ଜିଲା କଙ୍କଡ଼ାହାଡ଼ ଥାନା କଣ୍ଟାପାଳ ପଞ୍ଚାୟତ ଅନ୍ତର୍ଗତ ଚୁନରଗଡ଼ି ଗ୍ରାମର ଜଣେ ମହିଳାଙ୍କ ଅର୍ଦ୍ଧଦଗ୍ଧ ମୃତଦେହ କୁଡ଼ିଆରୁ ଶୁକ୍ରବାର...

ରେଲ୍‌ଓ୍ବେ ଜମି ଜବରଦଖଲ ମୁକ୍ତ କରି ଉନ୍ନୟନ କାର୍ଯ୍ୟ ହେଉ

ଗୁଣପୁର,୩୦।୬(ଡି.ଏନ୍‌.ଏ.): ପୂର୍ବତଟ ରେଳପଥ ଅର୍ନ୍‌ଗତ ବିଶାଖାପାଟଣା ଡିଭିଜନର ଡିଆର୍‌ଏମ୍‌ ଅନୁପ କୁମାର ଶତପଥୀ ବୁଧବାର ସ୍ବତନ୍ତ୍ର ଟ୍ରେନ୍‌ ଯୋଗେ ଗୁଣପୁର ଗସ୍ତକରି ଏଠାରେ ଚାଲିଥିବା ବିଭିନ୍ନ ଉନ୍ନୟନ...

ମାସ୍କ ନ ପିନ୍ଧିବାରୁ ଜରିମାନା: ୩୮ ଜଣଙ୍କଠାରୁ ୮,୫୦୦ ଟଙ୍କା ଆଦାୟ

ରାଇକିଆ,୨୭।୪(ଡି.ଏନ୍‌.ଏ.): କରୋନା(କୋଭିଡ-୧୯)ରୁ ରକ୍ଷା ପାଇଁ ମାସ୍କ ପିନ୍ଧିବାକୁ ପ୍ରାଥମିକତା ଦିଆଯାଉଛି। ବାରମ୍ବାର ସଚେତନ କରାଯିବା ପରେ ମଧ୍ୟ କିଛି ଅମାନିଆ ଏହାକୁ ମାନୁ ନାହାନ୍ତି। ଏହି...

ଓସିଏସ୍‌ ପରୀକ୍ଷାରେ ସତ୍ୟଜିତ୍‌ଙ୍କ ସଫଳତା

କେନ୍ଦୁଝର,୮ା୧୦(ସ୍ବ.ପ୍ର.): କେନ୍ଦୁଝର ସହରର ମାଇନିଂ ରୋଡ୍‌ସ୍ଥିତ ସତ୍ୟଜିତ୍‌ ପଟ୍ଟନାୟକ ୧୩୦ ର଼୍ୟାଙ୍କ ରଖି ଚଳିତ ବର୍ଷ ଓଡ଼ିଶା ଲୋକସେବା ଆୟୋଗ ଦ୍ୱାରା ପରିଚାଳିତ ଓଡ଼ିଶା ସିଭିଲ...

ଡାଇଭର୍ସନ ଯୋଗୁ ବିଚ୍ଛିନ୍ନ ହେବ ଝୁମ୍ପୁରା-ଉଖୁଣ୍ଡା ରାସ୍ତା

ଝୁମ୍ପୁରା,୨ା୯(ଡି.ଏନ.ଏ.)- କେନ୍ଦୁଝର ଜିଲା ଝୁମ୍ପୁରା ବ୍ଲକ କାର୍ଯ୍ୟାଳୟ ନିକଟରେ କାନପୁର ବୃହତ ଜଳସେଚନ ପ୍ରକଳ୍ପର ଗୋଟିଏ ପାର୍ଶ୍ୱର ମୁଖ୍ୟ କେନାଲ ଅତିକ୍ରମ କରୁଛି। ଏହି ସ୍ଥାନରେ...

ଭୋଜି କରିବାକୁ ଯାଇ ନଦୀରେ ବୁଡ଼ିଗଲେ ଛାତ୍ର

ନିରାକାରପୁର,୨୮ା୧୦(ଡି.ଏନ୍‌.ଏ.): ବୁଧବାର ଅପରାହ୍ନରେ ଖୋର୍ଦ୍ଧା ଜିଲା ନିରାକାରପୁର ଥାନା ଅନ୍ତର୍ଗତ ରାମେଶ୍ୱର ଗାଁ ନିକଟରେ ଥିବା ମନ୍ଦାକିନୀ ନଦୀରେ ବୁଡ଼ି ଜଣେ ଯୁକ୍ତ ଦୁଇ ବିଜ୍ଞାନ...

ଭଦ୍ରକର ବିଭିନ୍ନ ମାର୍କେଟରୁ ୧୦୦ରୁ ଊର୍ଦ୍ଧ୍ୱ ବାଇକ ଜବତ

ଭଦ୍ରକ ଅଫିସ, ୭।୪: କରୋନାକୁ ହରାଇବାର ଏକମାତ୍ର ବିକଳ୍ପ ହେଉଛି ସଚେତନତା ଓ ସାମାଜିକ ଦୂରତ୍ୱ। ତେଣୁ ସମସ୍ତେ ଘରେ ରହି ଘାତକ ଭୂତାଣୁ ‘କୋଭିଡ୍‌-୧୯’...

Advertisement
Archives

Model This Week