ଆଦାୟ ହେଉଛି ରାଜସ୍ବ, ସୁଧୁରୁନି ହାଟର ଅବସ୍ଥା

ରସୁଲପୁର,୩୧-୧(ଡିଏନଏ):ସାପ୍ତାହିକ ହାଟ ଗ୍ରାମାଞ୍ଚଳ ଲୋକଙ୍କ ବିକାକିଣାର ମାଧ୍ୟମ ହୋଇଆସୁଛି। ଚାଷୀ, ବ୍ୟବସାୟୀ, ଖାଉଟି ସଭିଏଁ ଗାଁ ହାଟରେ ଏକାଠି ହୁଅନ୍ତି। ନିଜ ଆବଶ୍ୟକତା ମୁତାବକ ଜିନିଷ କାରବାର କରି ଫେରିଯାଆନ୍ତି। ଏକଦା ସାପ୍ତାହିକ ହାଟକୁ କାରବାର ପାଇଁ ଲୋକଙ୍କୁ ଅନେକ ବାଟ ଯିବାକୁ ପଡୁଥିଲା। ହାଟ ଗୋଟିଏ ସ୍ଥାନ ଯେଉଁଠି ସବୁପ୍ରକାର ମନପସନ୍ଦର ଜିନିଷ ମିଳିବାର ସୁଯୋଗ ସୃଷ୍ଟି କରୁଥିଲା। ଅତ୍ୟାଧୁନିକ ଯୁଗରେ ଗମନାଗମନର ସୁବିଧା ଯୋଗୁଁ ଗାଁ ଗଣ୍ଡାରେ ଛକ ବଜାରରେ ଲୋକଙ୍କ ଆବଶ୍ୟକତା ପୂରଣ ହୋଇଯାଉଛି। ଆଉ ହାଟକୁ ଅପେକ୍ଷା କରିବାକୁ ପଡୁନାହିଁ। ବ୍ୟବସାୟୀମାନେ ଗାଡ଼ି ଧରି ଚାଷୀଙ୍କ କ୍ଷେତରେ ପହଞ୍ଚତ୍ ଯାଉଛନ୍ତି। ତଥାପି ହାଟର ଆବଶ୍ୟକତା ଯେ ରହିଛି ତାହାକୁ ଅସ୍ବୀକାର କରିହେବ ନାହିଁ। ହାଟର ବାର ଅନୁସାରେ ଲୋକେ କାରବାର ପାଇଁ ହାଟ ସ୍ଥଳରେ ଏକାଠି ହେଉଛନ୍ତି। ପ୍ରତିବର୍ଷ ହାଟଗୁଡିକୁ ନିଲାମ କରାଯାଉଛି। ଏ ବାବଦରେ ପଞ୍ଚାୟତଗୁଡିକ ରାଜସ୍ବ ଆଦାୟ କରୁଛନ୍ତି। ଏହାଛଡା ପଞ୍ଚାୟତଗୁଡିକର ଆୟ ବଢାଇବା ପାଇଁ ସରକାରୀ ଅନୁଦାନ ବି ଆସୁଛି। ଏ ସବୁ ସତ୍ତ୍ୱେ ପୁରୁଣା ସାପ୍ତାହିକ ହାଟର ଅବସ୍ଥା ସୁଧୁରିବା ବଦଳରେ ଭୁଶୁଡିବାରେ ଲାଗିଛି। ଏଭଳି ଚିତ୍ର ରସୁଲପୁର ବ୍ଲକ ଅଞ୍ଚଳରେ ଥିବା ୯ଟି ନିଲାମ ହାଟର ସ୍ଥିତି ପରଖିବାରୁ ସ୍ପଷ୍ଟ ହୋଇଯାଇଛି।
ପଞ୍ଚାୟତର ଭିତ୍ତିଭୂମି ବିକାଶ ପାଇଁ କୋଟିକୋଟି ଟଙ୍କା ବ୍ୟୟ କରୁଛନ୍ତି। ତେବେ ଉଭୟ କେନ୍ଦ୍ର ଓ ରାଜ୍ୟ ସରକାର ପଞ୍ଚାୟତକୁ ପଞ୍ଚବର୍ଷିୟ ଯୋଜନାରେ ପଞ୍ଚାୟତଗୁଡିକୁ ଆସୁଥିବା ଅର୍ଥକୁ ମନଇଚ୍ଛା ଖର୍ଚ୍ଚ ନ କରିବାକୁ ନିର୍ଦ୍ଦେଶ ଦେଇଛନ୍ତି। ପଞ୍ଚାୟତର ନିଜସ୍ବ ରାଜସ୍ବ ବୃଦ୍ଧି କରିବା ଦିଗରେ ପ୍ରାଧାନ୍ୟ ଦିଆଯାଇ ପ୍ରକଳ୍ପ ଚୟନ କରାଯିବ। ଉକ୍ତ ପ୍ରକଳ୍ପଗୁଡିକରୁ ରାଜସ୍ବ ଆଦାୟ ହେବ। ଉକ୍ତ ଅର୍ଥରେ ପଞ୍ଚାୟତର ଭିତ୍ତିଭୂମି ବିକାଶ କରାଯିବ ବୋଲି ଲକ୍ଷ୍ୟ ରହିଛି। ତେବେ ସରକାରଙ୍କ ଉଦେଶ୍ୟ ପଞ୍ଚାୟତଗୁଡିକରେ ଠିକ୍‌ ଭାବରେ ପାଳନ ହେଉ ନ ଥିବା ଜଣାପଡିଛି। ଏହିକ୍ରମରେ ଗ୍ରାମାଞ୍ଚଳ ସାପ୍ତାହିକ ହାଟଗୁଡିକର ସ୍ଥିତି ହିଁ ବାସ୍ତବ ଚିତ୍ର ବୟାନ କରୁଛି। ଏହି ବ୍ଲକର ନଠୁଆବର ପଞ୍ଚାୟତରେ ନଠୁଆବର ସାପ୍ତାହିକ ହାଟ, ବଡ କଇଁଚି ପଞ୍ଚାୟତରେ ମଧୁବନ ହାଟ, ସାମନ୍ତରାପୁରର ହାଟ, ରାଉତରାପୁର ପଞ୍ଚାୟତ ହାଟ, ଲକ୍ଷ୍ମୀନଗର ପଞ୍ଚାୟତର ତରାପୁର ହାଟ, ବାରବାଟୀ ପଞ୍ଚାୟତର ବାଙ୍କ ବିହାରୀ କୃଷକ ବଜାର, ବନ୍ଧଡିହ ହାଟ, ନରସିଂହପୁର ପଞ୍ଚାୟତର ହରିପୁର ହାଟ, କଲଣ ପଞ୍ଚାୟତ ହାଟ ପ୍ରମୁଖ ପଞ୍ଚାୟତ ଅଧୀନରେ ରହିଛି। ଏହି ହାଟଗୁଡିକରୁ ବର୍ଷକୁ ଲକ୍ଷାଧିକ ଟଙ୍କାର ରାଜସ୍ବ ଆଦାୟ ହେଉଛି। ସେଥିରୁ ଅଧିକାଂଶ ହାଟରେ ଭଙ୍ଗା ଚାଳିଆ, ଗଳିକନ୍ଦି ରାସ୍ତା, ଅଳିଆ ଆବର୍ଜନାକୁ ଠିକ୍‌ ଭାବେ ପରିଚାଳନା ନ କରିବା ଭଳି ସ୍ଥତି ଦେଖାଯାଉଛି। ପକ୍କା ପିଣ୍ଡି ଓ ଛାମୁଣ୍ଡିଆ ନ ଥିବାରୁ ବ୍ୟବସାୟୀମାନେ ଖରାବର୍ଷାରେ ବ୍ୟବସାୟ କରିବାରେ ନାନା ଅସୁବିଧାର ସମ୍ମୁଖୀନ ହେଉଛନ୍ତି। ହାଟ ମଧ୍ୟରେ ପକ୍କା ରାସ୍ତା ନ ଥିବାରୁ ଗ୍ରାହକମାନେ ବର୍ଷାଦିନରେ ନାନା ହଇରାଣ ହେଉଛନ୍ତି। ଏହାଛଡା ପ୍ରତ୍ୟେକ ପାଳିରେ ହାଟରୁ ବାହାରୁଥିବା ଅଳିଆଆବର୍ଜନାକୁ ଠିକ୍‌ ଭାବେ ପରିଚାଳନା କରାଯାଉ ନାହିଁ। ଫଳରେ ଅସ୍ବାସ୍ଥ୍ୟକର ପରିବେଶ ସୃଷ୍ଟି କରୁଛି। ଏ ସବୁ ସ୍ଥାନରେ ହାଟର ଭିତ୍ତିଭୂମୀ ସଜାଡିବା ଦିଗରେ ଗୁରୁତ୍ୱ ଦେବାକୁ ସାଧାରଣରେ ଦାବି ହେଉଛି। ଏହାଛଡା ବାରବାଟୀ ଗଣେଶ ବଜାରରେ ଥିବା ଆଞ୍ଚଳିକ କୃଷକ ବଜାର, ବ୍ରହ୍ମବରଦା ସାପ୍ତାହିକ ହାଟ, କୁଆଖିଆ ବଜାରର ଦୈନିକ ପରିବା ହାଟ, ଗୋପାଳପୁର ଗାଁ ବଜାରରେ ବସୁଥିବା ହାଟଗୁଡିକ ପଞ୍ଚାୟତ ଓ ବ୍ଲକ ଅଧିନରେ ନାହିଁ। ତେବେ ଏହି ହାଟଗୁଡିକର ତତ୍ୱାବଧାରକ କିଏ ଓ ସେଥିରୁ ଆଦାୟ ହେଉଥିବା ଲକ୍ଷ ଲକ୍ଷ ଟଙ୍କାର ରାଜସ୍ବ କେଉଁଆଡେ ଯାଉଛି; ସେଥିପ୍ରତି କାହାରି ନଜର ନାହିଁ। ଖୋଲାମେଲାରେ ଏ ସବୁ କାର୍ଯ୍ୟ ଚାଲୁଥିବାବେଳେ ପ୍ରଶାସନ ପକ୍ଷରୁ କାହିଁକି ଆବଶ୍ୟକ ପଦକ୍ଷେପ ନିଆଯାଉ ନାହିଁ ସେ ନେଇ ସାଧାରଣରେ ସନ୍ଦେହ ପ୍ରକଟ ହୋଇଛି। ଦେଶରେ ମାନ୍ଦାବସ୍ଥା ଚାଲିଥିବାବେଳେ ଗରିବ ଚାଷୀ ଓ କ୍ଷୁଦ୍ର ବ୍ୟବସାୟୀଙ୍କଠାରୁ ମାହାସୁଲ ଆଦାୟ ହେଉଛି। ହେଲେ ତାହା ସର୍ବସାଧାରଣଙ୍କ ହିତରେ ଲାଗିପାରୁ ନାହିଁ। ଏଭଳି କାର୍ଯ୍ୟକୁ ବିଭିନ୍ନ ମହଲରେ ନିନ୍ଦା କରାଯିବା ସହ ଅର୍ଥ ଆଦାୟ କରୁଥିବା ଅନୁଷ୍ଠାନଗୁଡିକର ବୈଧତାକୁ ପରଖିବା ସହ ଆୟବ୍ୟୟର ହିସାବ ସମୀକ୍ଷା କରିବାକୁ ସାଧାରଣରେ ଦାବି ହେଉଛି।


Enter your email to get our daily news in your inbox.

All Right Reserved By Dharitri.Com

ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ରକୁ ଗଲେ ହାଇଦ୍ରାବାଦରୁ ଆସିଥିବା ୪୦ ପ୍ରବାସୀ

ଭବାନୀପାଟଣା/କୋକସରା,୧୬।୫(ଡି.ଏନ୍‌.ଏ.)-ହାଇଦ୍ରାବାଦରେ ଫସି ରହିଥିବା କଳାହାଣ୍ଡି ଜିଲାର ୪୦ ଜଣ ପ୍ରବାସୀ ଓଡ଼ିଆ ଶୁକ୍ରବାର ଏକ୍‌ ବସ୍‌ରେ ଆସି କୋକସରା ବ୍ଲକ ଅଫିସ ସମ୍ମୁଖରେ ପହଞ୍ଚିଥିଲେ। ବିଡିଓ...

୪୩୦ କି.ମି.ଚାଲି ପାଇକମାଳରେ ପହଞ୍ଚିଲେ ୨୦ ଶ୍ରମିକଙ୍କ ପରିବାର

ପାଇକମାଲ, ୧୯।୪ (ଡି.ଏନ.ଏ.)-ଗଞ୍ଜାମ ଜିଲା ଆସିକାର ଏକ ଇଟାଭାଟିରେ କାମ କରୁଥିବା ୨୦ ଦାଦନ ଶ୍ରମିକଙ୍କ ପରିବାରର ମୋଟ ୨୮ ସଦସ୍ୟ ଶନିବାର ପାଇକମାଲ ବ୍ଲକ...

ଲଗାଣ ବର୍ଷାରେ ଘର କାନ୍ଥ ଭୁଶୁଡ଼ିଲା: ସ୍ବାମୀ ମୃତ; ସ୍ତ୍ରୀ,ଜ୍ୱାଇଁ ଗୁରୁତର

କେନ୍ଦୁଝର/ଢେଙ୍କିକୋଟ, ୨୫ା୧୦(ଡି.ଏନ.ଏ./ସ୍ବ.ପ୍ର.)-କେନ୍ଦୁଝର ଜିଲା ହରିଚନ୍ଦନପୁର ବ୍ଲକ ମିଶ୍ରମାଳରେ ଲଗାଣବର୍ଷା ଯୋଗୁ ଘରର କାନ୍ଥ ଭୁଶୁଡ଼ି ପଡିବାରୁ ସେଥିରେ ଚାପି ହୋଇ ଜଣଙ୍କ ମୃତ୍ୟୁ ଘଟିଛି ା...

ମାଲକାନଗିରିରେ କଂଗ୍ରେସର ମାଲା ମାଢ଼ି ଆଗୁଆ

ମାଲକାନଗିରି,୨୩ା୫(ସ୍ବ.ପ୍ର.): ମାଲକାନଗିରି ବିଧାନସଭା ନିର୍ବାଚନମଣ୍ଡଳୀର ତୃତୀୟ ରାଉଣ୍ଡରେ ଭାଜପା ପ୍ରାର୍ଥୀ ଆଦିତ୍ୟ ମାଢ଼ି ଆଗୁଆ ଥିବାବେଳେ ଚତୁର୍ଥ ରାଉଣ୍ଡରେ ଆଗେଇଛନ୍ତି କଂଗ୍ରେସର ମାଲା ମାଢ଼ି। ୩ୟ...

ବମିଖାଲରୁ କାଦପଡା ଯାଇଛନ୍ତି ଯୁବକ

ଆଠମଲ୍ଲିକ, ୪ା୪(ଡି.ଏନ.ଏ.)- ଭୁବନେଶ୍ୱର ସ୍ଥିତ ବମିଖାଲରେ କରୋନା ଆକ୍ରାନ୍ତ ଚିହ୍ନଟ ହେବା ପରେ ଏହି ଅଞ୍ଚଳକୁ ପ୍ରଶାସନ ପକ୍ଷରୁ ସମ୍ପୂର୍ଣ୍ଣ ସିଲ କରାଯାଇଛି । ହେଲେ...

ଜିଲା ପ୍ରଶାସନର ହସ୍ତଗତ ହେଲା ସରକାରୀ ନିର୍ଦ୍ଦେଶନାମା:୭୫ ମିଟର ଉଚ୍ଛେଦ ପାଇଁ ଆଜିଠୁ ସର୍ଭେ

ପୁରୀ ଅଫିସ,୨୮-୮:ଶ୍ରୀମନ୍ଦିର ସୁରକ୍ଷା ପାଇଁ ମେଘନାଦ ପାଚେରିଠାରୁ ୭୫ ମିଟର ପରିଧି ମଧ୍ୟରେ ଥିବା ନିର୍ମାଣ ଉଚ୍ଛେଦ ଲାଗି ସରକାରୀ ନିର୍ଦ୍ଦେଶନାମା ମଙ୍ଗଳବାର ଜିଲା ପ୍ରଶାସନର...

ଡ୍ରେନ୍‌ ନ ହେଲେ ଅବରୋଧ ଚେତାବନୀ

କୋଲାବନଗର,୩୦।୪(ଡି.ଏନ୍‌.ଏ.): କୋରାପୁଟ ସଦର ବ୍ଲକ ଅନ୍ତର୍ଗତ ବଡ଼କେରେଙ୍ଗା ପଞ୍ଚାୟତରେ ଡ୍ରେନ୍‌ ଅଭାବରୁ ଅସୁବିଧା ଭୋଗୁଛନ୍ତି ମାଦଳାସାହୀ ଗ୍ରାମବାସୀ। ପ୍ରଧାନମନ୍ତ୍ରୀ ସଡ଼କ ଯୋଜନାରେ ସ୍ଥାନୀୟ ହନୁମାନ ମନ୍ଦିରରୁ...

କରୋନା ମୁକାବିଲା: ୩.୪୯ ଲକ୍ଷ ଲୋକଙ୍କ ସ୍ବାସ୍ଥ୍ୟାବସ୍ଥା ବୁଝିଲାଣି ଗଞ୍ଜାମ ଜିଲା ପ୍ରଶାସନ, ୨୨୧ଜଣଙ୍କ କୋଭିଡ୍‌ ଟେଷ୍ଟିଙ୍ଗ ରିପୋର୍ଟକୁ ଅପେକ୍ଷା

ଛତ୍ରପୁର, ୨୫/୪(ଡିଏନଏ )- ଗଞ୍ଜାମ ଜ଼ିଲାରେ ଶୁକ୍ରବାର ସୁଦ୍ଧା ୧୦୭୪ ଜଣଙ୍କ ସ୍ବାବ ପରୀକ୍ଷା କରାଯାଇଛି। ଏଥିରୁ ୮୫୩ ଜଣଙ୍କ ରିପୋର୍ଟ ଆସିଥିବାବେଳେ କେହି ପଜିଟିଭ୍‌...

Advertisement


Archives

Model This Week