ଆଜି ଅନ୍ତର୍ଜାତୀୟ ଭିନ୍ନକ୍ଷମ ଦିବସ: ମନୋବଳ ଆଗରେ ହାର ମାନିଛି ଅକ୍ଷମତା

ଭୁବନେଶ୍ୱର,୩ା୧୨(ବ୍ୟୁରୋ): ୩୧ ବର୍ଷୀୟ ମିଥିଲେଶ୍‌ ପଟ୍ଟନାୟକ। ଓଡ଼ିଶୀ ନୃତ୍ୟ ଜଗତର ଜଣେ ପରିଚିତ ଚେହେରା। ଅନ୍ୟମାନଙ୍କ ଭଳି ଶାରୀରିକ ଓ ମାନସିକଭାବେ ସେ ସାଧାରଣ ନୁହନ୍ତି। ହେଲେ ତାଙ୍କ ପ୍ରତିଭା ଓ ଦୃଢ଼ ମାନସିକତା ଆଜି ତାଙ୍କୁ ଜଣେ ଆଦର୍ଶଭାବେ ଗଢ଼ିତୋଳିଛି। ଦିବ୍ୟାଙ୍ଗ ହୋଇ ମଧ୍ୟ ସେ ସମାଜ ପାଇଁ ଉଦାହରଣ ପାଲଟିଛନ୍ତି। ତାଙ୍କ ଅଦ୍ୟମ ଇଚ୍ଛାଶକ୍ତି ଆଗରେ ଅକ୍ଷମତା ହାର ମାନିଥିବାବେଳେ ସମସ୍ତ ପ୍ରତିବନ୍ଧକ ସତ୍ତ୍ୱେ କିଭଳି ଆଗକୁ ବଢ଼ିହୁଏ, ସେ ପ୍ରମାଣିତ କରିଦେଖାଇଛନ୍ତି।
ନୃତ୍ୟ ପ୍ରତି ରହିଛି ତାଙ୍କର ପ୍ରଗାଢ଼ ନିଶା। ଦେଶ, ବିଦେଶର ମଞ୍ଚରେ ନୃତ୍ୟ ପରିବେଷଣ କରି ନିଜକୁ ଜଣେ ପ୍ରତିଷ୍ଠିତ ନୃତ୍ୟଶିଳ୍ପୀଭାବେ ପରିଚିତ କରାଇଛନ୍ତି। ଭୁବନେଶ୍ୱରର ଶୁଭ୍ରାଂଶୁ ପଟ୍ଟନାୟକ ଓ ମିନତି ପଟ୍ଟନାୟକଙ୍କ ଏକମାତ୍ର ପୁତ୍ର ମିଥିଲେଶ୍‌ ଜନ୍ମରୁ ମାନସିକ ସ୍ତରରେ ଭିନ୍ନକ୍ଷମ। ପିଲାବେଳୁ ରୋଗ ସମ୍ପର୍କରେ ଜଣାପଡ଼ିଥିଲେ ମଧ୍ୟ ତାହାର କୌଣସି ଚିକିତ୍ସା ସମ୍ଭବ ହୋଇପାରି ନ ଥିଲା। ଘରେ ହିଁ ବିଭିନ୍ନ ଶିକ୍ଷାଦେଇ ମିଥିଲେଶଙ୍କୁ ଭଲ କରିହେବ ବୋଲି ଡାକ୍ତର କହିବା ପରେ ଏକମାତ୍ର ପୁଅକୁ ଭଲ ମଣିଷଭାବେ ଗଢ଼ି ତୋଳିବାକୁ ଲାଗିପଡ଼ିଥିଲେ ମା’ ମିନତି। ଅନ୍ୟ ପିଲାଙ୍କ ଭଳି ସେ କୌଣସି ସ୍କୁଲ କିମ୍ବା କଲେଜରେ ପାଠ ପଢ଼ି ନ ଥିଲେ। ହେଲେ ନୃତ୍ୟ, ସଙ୍ଗୀତ ଭଳି ଅନ୍ୟାନ୍ୟ କ୍ଷେତ୍ରରେ କିନ୍ତୁ ସେ ଅନ୍ୟମାନଙ୍କଠାରୁ ବେଶ୍‌ ଆଗୁଆ ଥିଲେ। ପିଲାବେଳୁ ଓଡ଼ିଶୀ ନୃତ୍ୟ ପ୍ରତି ତାଙ୍କର ଅହେତୁକ ଆଗ୍ରହ ରହିଥିବା ଦେଖି ଘରଲୋକ ତାଙ୍କୁ ବିଶିଷ୍ଟ ଓଡ଼ିଶୀ ନୃତ୍ୟଗୁରୁ ସହଦେବ ପାଢ଼ୀଙ୍କ ନିକଟକୁ ନୃତ୍ୟ ଶିଖିବାକୁ ପଠାଇଥିଲେ। ବାସ୍‌ ତା’ପରେ ଆଉ ପଛକୁ ଫେରି ଚାହିଁ ନ ଥିଲେ ମିଥିଲେଶ୍‌। ଚଣ୍ଡୀଗଡ଼ସ୍ଥିତ ପ୍ରାଚୀନ କଳାକେନ୍ଦ୍ରରୁ ସଙ୍ଗୀତ ବିଶାରଦ ପ୍ରଥମଖଣ୍ଡ କରିବାପରେ ଓଡ଼ିଶୀ ନୃତ୍ୟ କରି ସେ ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କଠାରୁ ପୁରସ୍କୃତ ହୋଇଥିଲେ। କେବଳ ଏତିକି ନୁହେଁ, ନୃତ୍ୟ ପାଇଁ ସେ ନୂଆଦିଲ୍ଲୀସ୍ଥିତ ସେଣ୍ଟର ଫର୍‌ କଲ୍‌ଚରାଲ୍‌ ରିସୋର୍ସ ଆଣ୍ଡ୍‌ ଟ୍ରେନିଂ ପକ୍ଷରୁ ୨୦୦୧ରେ ନ୍ୟାଶନାଲ ସ୍କଲାରଶିପ୍‌ ଆୱାର୍ଡ ମଧ୍ୟ ପାଇଛନ୍ତି। ମହିଳା ଓ ଶିଶୁ ବିକାଶ ବିଭାଗ ପକ୍ଷରୁ ୨୦୦୨ରେ ଆୟୋଜିତ ରାଜ୍ୟସ୍ତରୀୟ ଉତ୍ସବ ‘କ୍ଷମତା’ରେ ମିଥିଲେଶ୍‌ ଏକକ ଓ ଦଳଗତ ନୃତ୍ୟ ପରିବେଷଣ କରି ‘କ୍ଷମତା’ ପୁରସ୍କାର ହାସଲ କରିଥିଲେ। ରାଜ୍ୟ ଓ ରାଜ୍ୟ ବାହାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମରେ ନୃତ୍ୟ ପରିବେଷଣ କରି ସେ ପ୍ରଶଂସିତ ହୋଇଛନ୍ତି। ସାଧାରଣଭାବେ ତାଙ୍କ ମାନସିକ ବିକାଶ ହୋଇ ନ ଥିଲେ ବି ନୃତ୍ୟ କଲାବେଳେ ତାଙ୍କୁ ଦେଖିଲେ ଏହା ଯେ କେହି ଅନୁମାନ କରିପାରିବେ ନାହିଁ। ପିଲାବେଳେ ଟିଭି ଆଗରେ ନାଚୁଥିବା ଏହି ଦିବ୍ୟାଙ୍ଗ ପ୍ରତିଭା ଯେ ଦିନେ ବାପା, ମା’ଙ୍କୁ ଏଭଳି ଗର୍ବିତ କରିବ ତାହା କେହି ଚିନ୍ତା କରି ନ ଥିଲେ। ନିଜେ ନୃତ୍ୟଶିକ୍ଷା କରିବା ସହ ଏବେ ସେ ସାଇ ଇଣ୍ଟରନ୍ୟାଶନାଲ୍‌ ସ୍କୁଲରେ ନୃତ୍ୟ ଶିକ୍ଷକଭାବେ କାର୍ଯ୍ୟରତ। ‘ନାଟ୍ୟ’ ନାମକ ଅନୁଷ୍ଠାନ କରି ଦିବ୍ୟାଙ୍ଗମାନଙ୍କୁ ସେ ନୃତ୍ୟ ଶିକ୍ଷା ଦେଉଛନ୍ତି। କେବଳ ଏତିକି ନୁହେଁ, ମିଥିଲେଶ୍‌ ଏବେ ମା’ ମିନତି ପଟ୍ଟନାୟକଙ୍କୁ ମଧ୍ୟ ନୃତ୍ୟ ଶିଖାଉଥିବା ବାପା ଶୁଭ୍ରାଂଶୁ ପଟ୍ଟନାୟକ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ସଙ୍ଗରୋଧରେ ପୋଲିସ, ଫାଇଦାରେ ଲୁଟେରା

ଭୁବନେଶ୍ୱର, ୮।୮(ବ୍ୟୁରୋ): କରୋନା ଲଢ଼େଇରେ ଆଗଧାଡ଼ିର ଯୋଦ୍ଧା ସାଜିଛି ପୋଲିସ। ସଂକ୍ରମଣ ରୋକିବାକୁ ଦିନରାତି କାର୍ଯ୍ୟ କରୁଥିବା ପୋଲିସ ଏବେ ନିଜେ ସଂକ୍ରମଣର ଶିକାର ହୋଇଛି।...

ଆବାସ ଯୋଜନାରୁ ବଁଚିତ୍‌ ଲାଲଦୀପ: ପରହର ବାରନ୍‌ଡାରେ ବିତୁଛେ ଜୀବନ୍‌

ଖପ୍ରାଖୋଲ, ୨୪।୮(ଡି.ଏନ୍‌.ଏ.): କେନ୍ଦ୍ର ଆର ରାଏଜ୍‌ ସରକାର ଗରିବ୍‌ ଦୁଖି, ବାସହୀନ ପରିବାରମାନକୁ ଅନେକ ଯୋଜନାରେ ପକାଘର ଯୁଗେଇ ଦେଉଛନ୍‌। ହେଲେ ଅନେକ ଜାଗାରେ ଭିନେ...

ହସ୍ପିଟାଲରେ ବଢୁଛି ସଂକ୍ରମଣ

କଟକ ଅଫିସ,୩୦।୬: ରୋଗୀଙ୍କୁ ଆରୋଗ୍ୟ କରୁଥିବା ହସ୍ପିଟାଲରେ ଏବେ କରୋନା ସଂକ୍ରମଣ ବଢ଼ିବାରେ ଲାଗିଛି। କେବଳ ରୋଗୀ ନୁହନ୍ତି, କରୋନା ଯୋଦ୍ଧା ମଧ୍ୟ କରୋନା ସଂକ୍ରମଣର...

ଟ୍ରେନ ହେଲା ଅନ୍ତୁଡିଶାଳ

ଭୁବନେଶ୍ୱର,୨୪ା୬(ବ୍ୟୁରୋ)- ପୂର୍ବତଟ ରେଳପଥ ପକ୍ଷରୁ ପୁଣିଥରେ ମିଳିଛି ଖୁସି ଖବର। ରେଳବାଇ ଡାକ୍ତର ଏବଂ ସ୍ବାସ୍ଥ୍ୟ କର୍ମଚାରୀଙ୍କ ସହାୟତାରେ ସିକନ୍ଦରାବାଦ-ହାଓଡ଼ା ସ୍ପେଶାଲ ଟ୍ରେନରେ ଏକ ଶିଶୁପୁତ୍ର...

ଧନ୍‌ତେରସରେ ଜମୁଛି ଗହଣା କ୍ରୟ, ଶୋ’ରୁମ୍‌ରେ ଗ୍ରାହକଙ୍କ ଭିଡ

ଭୁବନେଶ୍ୱର,୨୫।୧୦(ବ୍ୟୁରୋ): ଆଜି ଧନ୍‌ତେରସ। ଏହି ଦିନ ସୁନା କିଣିଲେ ଶୁଭ ବୋଲି କୁହାଯାଉଥିବାରୁ ରାଜ୍ୟର ପ୍ରମୁଖ ଶୋ’ରୁମ୍‌ଗୁଡ଼ିକରେ ଗ୍ରାହକଙ୍କ ଭିଡ ପରିଲକ୍ଷିତ ହେଉଛି। ଗ୍ରାହକଙ୍କ ଚାହିଦାକୁ...

ଦଧିବାମନଜୀଉ ମନ୍ଦିରରୁ ରାଧାକୃଷ୍ଣଙ୍କ ମୂର୍ତ୍ତି ଚୋରି: ବର୍ଷକ ତଳେ ମୁଖ୍ୟ ମନ୍ଦିରରୁ ଚୋରି ସୁନା ଚିତାର ଟେର ପାଇନି ପୋଲିସ

ଆନନ୍ଦପୁର,୧୬। ୭(ସ୍ବ.ପ୍ର.)-କେନ୍ଦୁଝର ଜିଲା ଆନନ୍ଦପୁରର ପୁରାତନ ଦଧିବାମନଜୀଉ ମନ୍ଦିର ବେଢ଼ାରୁ ପିତ୍ତଳ ନିର୍ମିତ ରାଧାକୃଷ୍ଣଙ୍କ ଯୁଗଳମୂର୍ତ୍ତି ମଙ୍ଗଳବାର ପୂର୍ବାହ୍ନରେ ଚୋରି ହୋଇଯାଇଛି। ଗତ ବର୍ଷ ଜୁନ୍‌...

ଆଉ ୨ ମାସ ଜାରି ରହିବ ଏସି ମୋ ବସ୍‌ର ଭଡ଼ା ରିହାତି

ଭୁବନେଶ୍ୱର, ୩୦ା୧(ବ୍ୟୁରୋ): କଟକ, ଭୁବନେଶ୍ୱର ଓ ଖୋର୍ଦ୍ଧାରେ ଚଳାଚଳ କରୁଥିବା ଶୀତତାପ ନିୟନ୍ତ୍ରିତ (ଏସି) ମୋ ବସ୍‌ର ଭଡ଼ା ରିହାତି ଆସନ୍ତା ୨ ମାସ ପାଇଁ...

ଭଙ୍ଗାହେଲା ୧୦ ମନ୍ଦିର

କଟକ ଅଫିସ,୧୩ା୨: କଟକସ୍ଥ ଶ୍ରୀରାମଚନ୍ଦ୍ର ଭଞ୍ଜ (ଏସ୍‌ସିବି) ଭେଷଜ ମହାବିଦ୍ୟାଳୟ ଏବଂ ଚିକିତ୍ସାଳୟର ସଂପ୍ରସାରଣ ଓ ଉନ୍ନତୀକରଣ ଯୋଜନା କାର୍ଯ୍ୟକାରୀ କ୍ରମରେ ଏହାର ଆଖପାଖ ଅଞ୍ଚଳକୁ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *