ଆଙ୍କର-ଆକ୍ଟର ସୁବାସ

ଯାତ୍ରା ଦେଖିବାକୁ ଯାଉଥିବା ଦର୍ଶକଟିଏ ପ୍ରଥମେ ଯାହାର କଣ୍ଠସ୍ବର ଶୁଣେ ଆଉ ଯାହାକୁ ସର୍ବପ୍ରଥମେ ମଞ୍ଚରେ ଭେଟେ ସେ ହେଉଛି ଆଙ୍କର ବା ଘୋଷକ। ଓଡ଼ିଆ ଯାତ୍ରା ଜଗତର ସେହିଭଳି ଜଣେ ଆଗଧାଡ଼ିର ଆଙ୍କର ହେଉଛନ୍ତି ସୁବାସ ଚନ୍ଦ୍ର ଜେନା ଓରଫ୍‌ ଚଗୁଲୁ। ଓଡ଼ିଶାର ପ୍ରତିଷ୍ଠିତ ଯାତ୍ରାନୁଷ୍ଠାନ ବାଘାଯତୀନ ଲୋକନାଟ୍ୟରେ କାର୍ଯ୍ୟରତ ଏହି ଯୁବ ଘୋଷକଙ୍କ ଘର ବାଲେଶ୍ୱର ଜିଲା ସୋର ଅନ୍ତର୍ଗତ ବାଗୁଡ଼ି ଗ୍ରାମରେ। ପାଠ ତ ଭଲ ପଢୁଥିଲେ। ଏଥିସହିତ କଳା ପ୍ରତି ଅଧିକ ରୁଚି ଥିଲା। ଗଁା ଡ୍ରାମାରେ ପାର୍ଟ କରୁଥିଲେ। ସମସ୍ତେ କହୁଥିଲେ, ଏ ପିଲା କଳା ଲାଇନ୍‌ରେ ଆଗକୁ ଯିବ। ଏତିକିବେଳେ ଆଗକୁ ଆଗେଇ ଆସିଲେ ବଡ଼ଭାଇ ମାନସ କୁମାର ଜେନା। ସାନଭାଇ ଯାତ୍ରାକୁ ଯାଉ। ଖୁବ ସୁନାମ ଅର୍ଜନ କରୁ। ଏହା ଥିଲା ବଡ଼ଭାଇଙ୍କର ଲକ୍ଷ୍ୟ। ବଡ଼ଭାଇଙ୍କର ପ୍ରେରଣାରେ ସୁବାସ ଆସିଲେ ଯାତ୍ରାକୁ। ମାନସ କେବଳ ସୁବାସଙ୍କୁ ଯେ ଯାତ୍ରାକୁ ପଠେଇ ଦେଲେ ସେକଥା ନୁହେଁ, ପ୍ରାଥମିକ ପର୍ଯ୍ୟାୟରେ ଯାତ୍ରାରେ ଯେତିକି ମିଳୁଥିଲା ସେତିକିରେ ଚଳିବା ସୁବାସଙ୍କ ପାଇଁ ସମ୍ଭବ ନ ଥିଲା। ସେଥିଲାଗି ବଡ଼ଭାଇ ତାଙ୍କ ପାଖକୁ ନିୟମିତ ଟଙ୍କା ପଠାଉଥିଲେ। ଫଳରେ ଯାତ୍ରାରେ ରହିପାରିଲେ ସୁବାସ। ସୁବାସ କହନ୍ତି : ଆଜି ସେ ଯାହା ହୋଇଛନ୍ତି ବଡ଼ଭାଇଙ୍କ ପାଇଁ । ସେ ହେଉଛନ୍ତି ତାଙ୍କ ପାଇଁ ସାକ୍ଷାତ ରାମଚନ୍ଦ୍ର। ବାପାଙ୍କୁ ହରେଇ ମଧ୍ୟ ସେ ବାପାଙ୍କର ଅଭାବ ଅନୁଭବ କରିନାହାନ୍ତି। କାରଣ ବଡ଼ଭାଇ ତାଙ୍କ ପାଇଁ ବାପା ହୋଇ ଯାଇଛନ୍ତି। ୨୦୦୫ରେ ସୁବାସ ଆସିଲେ ଯାତ୍ରାକୁ। ପ୍ରଥମ ପାର୍ଟି ଥିଲା ମୁକ୍ତେଶ୍ୱର ଅପେରା। ଇଚ୍ଛାଥିଲା ଅଭିନୟ କରିବେ। ମାତ୍ର ସେତିକିବେଳେ ପାର୍ଟିରେ ଜଣେ ଘୋଷକର ଆବଶ୍ୟକତା ପଡ଼ିଲା। ସୁବାସଙ୍କ ଭଏସ ବେଶ୍‌ ଥିଲା ଆଙ୍କରିଂ କରିବା ପାଇଁ। ପୁଣି ଗଁା ଯାତ୍ରାରେ ସେ ଆଙ୍କରି କରୁଥିଲେ। ବାସ୍‌, ସେ ସମ୍ଭାଳିନେଲେ। ତାଙ୍କ ଦେହରେ ଆଙ୍କର୍‌ର ମୋହର ଲାଗିଗଲା। ତେବେ ସେ ଯେ ଅଭିନୟକୁ ଛାଡ଼ିଦେଲେ ସେକଥା ନୁହେଁ, ସମାନ୍ତରାଳ ଭାବରେ ଚାଲିଲା ଆଙ୍କରିଂ ଆଉ ଆକ୍ଟିଂ। ପରେ ପରେ ସେ ଆସିଲେ ବାଘାଯତୀନ ଲୋକନାଟ୍ୟକୁ। ବାଘାଯତୀନ ଲୋକନାଟ୍ୟର ମାଲିକ ରବୀନ୍ଦ୍ର ରାୟ, ପରିଚାଳକ ରାଜେନ୍ଦ୍ର ମହାନ୍ତି ଓରଫ୍‌ ଫକ ମଉସା ଏବଂ ଆକ୍ସନ ଷ୍ଟାର ବାପି ପଣ୍ଡାଙ୍କ ଉତ୍ସାହ, ପ୍ରେରଣା ତଥା ଭଲପାଇବା ତାଙ୍କ ଉପରେ ଅଜାଡ଼ି ହୋଇପଡ଼ିଲା। ଆଉ ବାଘାଯତୀନ ହିଁ ତାଙ୍କ ପାଇଁ ଆଣିଦେଲା ସମ୍ମାନ ସ୍ବୀକୃତି ପ୍ରତିଷ୍ଠା। ଚଳିତବର୍ଷ ବାଘାଯତୀନ ଲୋକନାଟ୍ୟର ଚାରିଗୋଟି ନାଟକରେ ସେ ଅଭିନୟ କରିଛନ୍ତି। ସେଗୁଡ଼ିକ ମଧ୍ୟରେ ରହିଛି ‘କାହାଣୀ କାନ୍ଦୁଛି ଆଖି ଲୁଚେଇ’, ‘ପାକିସ୍ତାନୀ ଝିଅ-ଭାରତ କେ ଲିୟେ ସହିଦ’, ‘ମୃତ୍ୟୁଦଣ୍ଡ’ ଏବଂ ‘କଳାଓଢ଼ଣି’। ସୁବାସଙ୍କ ସମ୍ବନ୍ଧରେ ଆଉ ଏକ ଖାସ୍‌ କଥା ହେଉଛି ସେ ବହୁ ଲୋକପ୍ରିୟ ଅଭିନେତାଙ୍କର ଅବିକଳ ମିମିକ୍ରି ବା ସ୍ବର ନକଲ କରିପାରନ୍ତି। ସେହି ଅଭିନେତାଙ୍କ ମଧ୍ୟରେ ଓଡ଼ିଆରେ ରାଇମୋହନ, ହର ପଟ୍ଟନାୟକ, ମୀନକେତନ, ବିଜୟ ମହାନ୍ତି, ଦୁଃଖୀରାମ ସ୍ବାଇଁ, ହେମନ୍ତ ଦାସ, ଜୟୀରାମ ସାମଲ, କୁନା ତ୍ରିପାଠୀ, ବ୍ରଜ ସିଂ ଏବଂ ହିନ୍ଦୀରେ ଅମିତାଭ୍‌ ବଚ୍ଚନ, ରାଜ କୁମାର, ନାନା ପାଟେକର, ଅମରେଶ ପୁରୀ, ପରେଶ ରାଓ୍ବଲ ଏବଂ ଅମଜାଦ ଖାନ୍‌ଙ୍କ ନକଲ କରି ଦର୍ଶକଙ୍କୁ ସ୍ତମ୍ଭୀଭୂତ କରିଦିଅନ୍ତି। ସୁବାସଙ୍କ ପତ୍ନୀ ପ୍ରମିଳା ଜେନା ମଧ୍ୟ ଯାତ୍ରା ସିଙ୍ଗର।


Enter your email to get our daily news in your inbox.

All Right Reserved By Dharitri.Com

ରାମ କେବଳ ଏକ ଧର୍ମର ନୁହନ୍ତି, ସବୁ ଭାରତୀୟଙ୍କ ରକ୍ତରେ ଅଛନ୍ତି: ଚର୍ଚ୍ଚାରେ ଜାଭେଦ ଅଖତରଙ୍କ ମନ୍ତବ୍ୟ

ବିଶିଷ୍ଟ ଗୀତିକାର ଓ ପଟ୍ଟକଥା ଲେଖକ ଜାଭେଦ ଅଖତର ଭଗବାନ ଶ୍ରୀରାମଙ୍କ ପ୍ରଶଂସା କରି କହିଛନ୍ତି। ରାମ ଏକ ପୂଜନୀୟ ବ୍ୟକ୍ତିତ୍ୱ। ତାଙ୍କ ମହତ୍ତ୍ୱ କୌଣସି ଗୋଟିଏ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?