ଆଉ ଲୋଡ଼ା ପଡ଼ିବେ ନାହିଁ ରାଜ୍ୟ ବାହାର ହାର୍ଭେଷ୍ଟର ଚାଳକ

ସମ୍ବଲପୁର,୧୫।୫ (ବ୍ୟୁରୋ)-ଆଉ ଲୋଡ଼ା ପଡିବେ ନାହିଁ ରାଜ୍ୟ ବାହାର ଚାଳକ ା ଧାନ ଅମଳ ପାଇଁ ହାର୍ଭେଷ୍ଟର ଚଳାଇବା ପାଇଁ ୫୦ଜଣଙ୍କୁ ତାଲିମ ଦେଇ ସ୍ବାବଲମ୍ବୀ କରିଛି ଜିଲା କୃଷି ବିଭାଗ ା ଏହାପରେ ଧାନ ଅମଳ ଚିନ୍ତାରୁ ମୁକ୍ତି ପାଇଛନ୍ତି ଜିଲାର ଚାଷୀମାନେ ା କୃଷି ବିଭାଗର ଏପରି ପଦକ୍ଷେପକୁ କୃଷକମାନେ ସ୍ବାଗତ କରିଛନ୍ତି ା
କରୋନା କଟକଣା ତଥା ଲକ୍‌ଡାଉନ ଯୋଗୁ ରାଜ୍ୟ ବାହାର ଶ୍ରମିକ ଓ ହାର୍ଭେଷ୍ଟର ଚାଳକ ଆସିବା ସମ୍ଭବ ହୋଇପାରି ନ ଥିଲା। ଫଳରେ ଚାଷୀଙ୍କ ଧାନ ଅମଳ ଚିନ୍ତା ବଢ଼ିଥିଲା। ଚାଷୀମାନେ ରାଜ୍ୟ ଓ ଜିଲା ବାହାର ଶ୍ରମିକଙ୍କ ଉପରେ ନିର୍ଭର କରୁଥିଲେ ା ସେଥିପାଇଁ ସେମାନେ କରୋନା କଟକଣା କୋହଳ କରିବାକୁ ଦାବି କରୁଥିଲେ । ରାଜ୍ୟ ଭିତରେ ଶ୍ରମିକମାନଙ୍କୁ ଆଣିବା ପାଇଁ ପାସ୍‌ ଦିଆଯାଇଥିଲା ା ତଥାପି ଏହି ସମସ୍ୟାର ସମାଧାନ ହୋଇପାରି ନ ଥିଲା। ତେଣୁ କୃଷି ବିଭାଗ ଜିଲା ଅଣଜଳସେଚିତ ଓ ଜଳସେଚିତ ଅଞ୍ଚଳର ହାର୍ଭେଷ୍ଟର ମାଲିକମାନଙ୍କୁ ଏକାଠି କରି ଧାନ ଅମଳ ଆରମ୍ଭ କରିଥିଲା । ହେଲେ ହାର୍ଭେଷ୍ଟର ଚାଳକମାନେ ମୁଖ୍ୟତଃ ରାଜ୍ୟ ବାହାରର ହୋଇଥିବାରୁ ସେମାନେ ଆସିପାରୁ ନ ଥିବାରୁ ସମସ୍ୟା ଦେଖାଗଲା । ତେଣୁ କୃଷି ବିଭାଗ ଜିଲାର ୫୦ ଯୁବକଙ୍କୁ ହାର୍ଭେଷ୍ଟର ଚଲାଇବା ପାଇଁ ତାଲିମ ପ୍ରଦାନ କରିଛି । ମାନେଶ୍ୱର ବ୍ଲକ୍‌ ଗୁଣ୍ଡେରପୁରଠାରେ ହାର୍ଭେଷ୍ଟର ଚଲାଇବା ପାଇଁ ତାଲିମ ପ୍ରଦାନ ଦିଆଯାଇଥିଲା । ଏହି ତାଲିମ କାର୍ଯ୍ୟକ୍ରମରେ କମ୍ପାନୀର ଇଞ୍ଜିନିୟର, ଅନ୍ୟ ଚାଳକ, କୃଷି ବିଭାଗ ଅଧିକାରୀ, ଚାଷୀମାନେ ମଧ୍ୟ ଉପସ୍ଥିତ ରହିଥିଲେ। ତାଲିମପ୍ରାପ୍ତ ଚାଳକମାନଙ୍କୁ ହାର୍ଭେଷ୍ଟର ଚଲାଇବା ପାଇଁ ମାଲିକମାନେ ନିଯୁକ୍ତି ପ୍ରଦାନ କରିଥିଲେ।
ଜିଲା ମୁଖ୍ୟ କୃଷି ଅଧିକାରୀ ସନ୍ତୋଷ ରାୟ କହିଛନ୍ତି, ଶ୍ରମିକମାନଙ୍କ ସମସ୍ୟା ଯୋଗୁ ରବି ଫସଲ ହାର୍ଭେଷ୍ଟରରେ କଟାଯାଉଛି । ଏବେ ପ୍ରାୟ ୩୦ ପ୍ରତିଶତ ଧାନ ଅମଳ ହୋଇଛି । ମୋଟ ୨୫୦ ହାର୍ଭେଷ୍ଟର ଆମ ପାଖରେ ଥିବା ବେଳେ ୧୫୦ ଚାଳକ ଅଛନ୍ତି ା ଫଳରେ ଅବଶିଷ୍ଟ ହାର୍ଭେଷ୍ଟର ମାଲିକଙ୍କ ଘରେ ପଡି ରହୁଥିଲା ା ଏହି ସମସ୍ୟା ନେଇ ମାଲିକମାନେ ବାରମ୍ବାର ଅଭିଯୋଗ କରିଥିଲେ । ରାଜ୍ୟ ବାହାରୁ ଚାଳକ ଆଣିବା ପାଇଁ ଅନୁମତି ଦେବା ପାଇଁ ମାଲିକମାନେ ଆବେଦନ କରିଥିଲେ । ହେଲେ କରୋନା କଟକଣା ଯୋଗୁ କୃଷି ବିଭାଗ କୌଣସି ପଦକ୍ଷେପ ଗ୍ରହଣ କରି ପାରି ନ ଥିଲା ା ତେଣୁ ବିଳକ୍ପ ବ୍ୟବସ୍ଥା ଗ୍ରହଣ କରାଯାଇଥିଲା। ବିଭିନ୍ନ ଅଞ୍ଚଳରୁ ୫୦ ଯୁବକଙ୍କୁ ତାଲିମ ପ୍ରଦାନ କରାଯାଇଛି । ଅଧିକ ସମୟ ହାର୍ଭେଷ୍ଟର ଚାଲିଲେ ଅମଳ ଶୀଘ୍ର ହେବ ା ଅନ୍ୟପକ୍ଷେ ଜିଲା ବାହାରୁ ଶ୍ରମିକ ଆଣିବା ପାଇଁ ପାସ ବ୍ୟବସ୍ଥା ରହିଛି । ଭିଏଡବ୍ଲ୍ୟୁଙ୍କ ଜରିଆରେ ଚାଷୀମାନେ ଆବେଦନ କରିପାରିବେ ବୋଲି ସେ ସ୍ପଷ୍ଟ କରିଛନ୍ତି ା
ସୂଚନାଯୋଗ୍ୟ, ସମ୍ବଲପୁର ଜିଲାରେ ରବି ଫସଲ ମୁଖତଃ ହୀରାକୁଦ ଡ୍ୟାମ ଜଳସେଚନ ଉପରେ ନିର୍ଭର କରିଥାଏ। ମାନେଶ୍ୱର ବ୍ଳକ, ଧନକଉଡା, ଯୁଯୁମୁରା, ରେଙ୍ଗାଲି ବ୍ଲକରେ କେନାଲ ପାଣି ଦ୍ୱାରା ଚାଷ ହୋଇଥାଏ ।


Enter your email to get our daily news in your inbox.

All Right Reserved By Dharitri.Com

ଛାତ୍ରୀଛାତ୍ରଙ୍କ ଘରେ ବହି ପହଞ୍ଚିଲା

ସୁନ୍ଦରଗଡ଼,୧୭ା୪(ଡି.ଏନ୍‌.ଏ.)-ଲକ୍‌ଡାଉନ ଯୋଗୁ ଛାତ୍ରୀଛାତ୍ରଙ୍କ ଶିକ୍ଷାଦାନ ବ୍ୟବସ୍ଥା ପ୍ରଭାବିତ ହୋଇଛି। ଏଭଳି ସ୍ଥିତିରେ ପିଲାଙ୍କ ଭବିଷ୍ୟତ ନେଇ ଉଭୟ ଅଭିଭାବକ ଓ ଶିକ୍ଷୟିତ୍ରୀ ଶିକ୍ଷକମାନେ ଚିନ୍ତିତ ଥିବା...

କବିସୂର୍ଯ୍ୟନଗର, କୋଦଳାରେ ଇଣ୍ଡୋର ଷ୍ଟାଡିୟମ ପ୍ରସ୍ତାବ: ମୁଖ୍ୟମନ୍ତ୍ରୀଙ୍କ ସହ କଥା ହେଲେ ବିଧାୟିକା

ଛତ୍ରପୁର,୨୩।୬(ଡି.ଏନ୍‌.ଏ.): ଗଞ୍ଜାମ ଜିଲା ଛତ୍ରପୁରସ୍ଥିତ ଜିଲାପାଳଙ୍କ କାର୍ଯ୍ୟାଳୟରେ କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ଭିଡିଓ କନଫରେନ୍ସିଂ ମାଧ୍ୟମରେ ଆଲୋଚନା କରିଛନ୍ତି।...

ପରୀ ହତ୍ୟାକାଣ୍ଡ ଘଟଣା: ମା’ ବାପାଙ୍କୁ ଆକ୍ରମଣ କରି ୧୪ ଗିରଫ

ନୟାଗଡ଼ ଅଫିସ,୨୬।୧୦: ନୟାଗଡ଼ ସଦର ଥାନା ଅଧୀନ ଯଦୁପୁର ଗାଁରେ ଘଟିଥିବା ପରୀ ହତ୍ୟାକାଣ୍ଡ ଧୀରେଧୀରେ ବିବାଦୀୟ ହୋଇଚାଲିଛି। ଏଭଳିସ୍ଥଳେ ମୃତ ପରୀଙ୍କ ମା’ ବାପାଙ୍କୁ...

କୋଭିଡ୍‌ ଗାଇଡ୍‌ଲାଇନ୍‌ ସହ ଶେଷ ହେଲା ନୂଆଗୁଡ଼ା ଫଗୁ ମହୋତ୍ସବ

ଜୁନାଗଡ଼,୨୯।୩(ଡିଏନଏ): କଳାହାଣ୍ଡି ଜିଲା ଜୁନାଗଡ଼ ବ୍ଲକ ନୂଆଗୁଡା ଗ୍ରାମରେ ଗତ କିଛି ଦିନ ହେଲା ଚାଲିଥିବା ଫଗୁମହୋତ୍ସବ ସୋମବାର ହୋଲି ଉତ୍ସବ ସହ ଶେଷ ହୋଇଯାଇଛି।...

ସରକାରୀ ଖାତାରେ ବଢ଼ୁନି ସଂଖ୍ୟା

ଅନୁଗୋଳ ଅଫିସ, ୧୧ା୫ ଅନୁଗୋଳ ଜିଲାରେ କରୋନାକୁ ବର୍ଷେ ପୂରଣ ହୋଇଛି। ୨୦୨୦ ମେ ୧୦ ଅର୍ଥାତ୍‌ ଠିକ୍‌ ବର୍ଷକ ତଳେ ଏକାବେଳେ ଜିଲାରୁ ୧୫ଜଣ...

ଉନ୍ନତି, ଉପକୃତଙ୍କ ସମ୍ପର୍କରେ ମାଗିଲେ ରିପୋର୍ଟ

ଅନୁଗୋଳ ଅଫିସ/କଣିହଁ।, ୧୧।୧ – ସାମାଜିକ ନିରାପତ୍ତା ଓ ଭିନ୍ନକ୍ଷମ ସଶକ୍ତୀକରଣ କମିଶନର ତଥା ସଚିବ ଭାସ୍କର ଜ୍ୟୋତି ଶର୍ମା ଅନୁଗୋଳ ଗସ୍ତର ଦ୍ୱିତୀୟ ଦିନରେ...

ଭୋକ ଉପାସରେ ୧୫୭୯ କଳାକାର

କେନ୍ଦ୍ରାପଡ଼ା ଅଫିସ, ୧୧ା୧: ଗାଁରେ ଆଉ କେନ୍ଦରା  ସ୍ବର ଶୁଭୁନାହିଁ। ପାଲା, ଦାସକାଠିଆରେ ଲୋକଙ୍କ ରାତି ଆଉ ପାଉ ନାହିଁ। କଣ୍ଢେଇ ଲୋକ କଳା ବିଲୁପ୍ତ...

ବିଶୋଧିତ ହେଲା ଏରେଇଁ ଅଞ୍ଚଳ

ଭଦ୍ରକ ଅଫିସ, ୭ା୪- ସୋମବାର ସକାଳୁ ତୃତୀୟ ଦିନରେ ଭଦ୍ରକ ଉପକଣ୍ଠ ଏରେଇଁ ଅଞ୍ଚଳକୁ ଅଗ୍ନିଶମ ବିଭାଗ ଦ୍ୱାରା ବିଶୋଧିତ କରାଯାଇଛି। ଜିଲା ଅଗ୍ନିଶମ ଅଧିକାରୀ...

Advertisement
Archives

Model This Week