Posted inଖେଳ

‘ଆଇଏସଏଲରେ ଶ୍ରେଷ୍ଠ ପ୍ରଦର୍ଶନ ପ୍ରଥମ ଲକ୍ଷ୍ୟ’

ଶୁଭମ୍‌ ଷଡ଼ଙ୍ଗୀ, ଜାତୀୟ ଫୁଟବଲରେ ଏବେ ଏକ ପରିଚିତ ନାମ। ପୂର୍ବରୁ ଇଣ୍ଡିଆନ ସୁପର ଲିଗ୍‌ (ଆଇଏସଏଲ)ରେ ଦିଲ୍ଲୀ ଡାଇନାମସ ପକ୍ଷରୁ ଖେଳି ଆସିଥିଲେ ଏହି ଓଡ଼ିଆ ଖେଳାଳି। ଏହି ଫୁଟବଲ କ୍ଲବ ଏବେ ଓଡ଼ିଶା ଏଫସିରେ ପରିଣତ ହୋଇଛି। ତେଣୁ ଘରୋଇ ପରିବେଶରେ ଖେଳିବାକୁ ବ୍ୟଗ୍ର ବାଲେଶ୍ୱର ସୋରୋ ଅଞ୍ଚଳର ମା’ ଅନୀତା ଓ ପିତା ପ୍ରୀତିକାନ୍ତ ଷଡ଼ଙ୍ଗୀଙ୍କ ପୁତ୍ର ଏହି ଫୁଟବଲ ପ୍ରତିଭା। ବୁଧବାର ଓଡ଼ିଶା ଏଫସିର ଜର୍ସି ଉନ୍ମୋଚନ ଉତ୍ସବ ଅବସରରେ ଶୁଭମ୍‌ ପ୍ରକାଶ କରିଛନ୍ତି ନିଜ ମନର କଥା।

ପ୍ର: ଓଡ଼ିଶାରେ ଫୁଟବଲର ଏକ ନୂଆ ଟିମ୍‌ ସୃଷ୍ଟି ହେଲା, ନୂଆ ଧାରା ଆରମ୍ଭ ହେଲା। ଫ୍ୟାନ୍‌ କ୍ଲବ ମଧ୍ୟ ପ୍ରଥମଥର ଗଠନ ହେଲା। କ’ଣ ଭାବୁଛନ୍ତି, ଓଡ଼ିଶା ଫୁଟବଲକୁ ଏହା କେତେ ଆଗକୁ ନେଇ ପାରିବ।
ଉ: ଏ ବର୍ଷ ଓଡ଼ିଶା ଏଫସି ଆତ୍ମ ପ୍ରକାଶ କରିଛି। ଯେବେ ନୂଆ ଟିମ୍‌ ଆସେ ସେତେବେଳେ ତା’ଠାରୁ ବହୁତ କିଛି ଆଶା ରହିଥାଏ। ଜଣେ ଖେଳାଳିଭାବେ ଶ୍ରେଷ୍ଠ ପ୍ରଦର୍ଶନ କରିବା ଆମର ଲକ୍ଷ୍ୟ। ଆମେ ସେଥିରେ କିଛି କମ୍‌ କରିବୁନି। ଓଡ଼ିଶା ଫୁଟବଲକୁ ଏହା ନିଶ୍ଚିତ ଫାଇଦା ଦେବ। ଆଗାମୀ ୫ ବର୍ଷ ମଧ୍ୟରେ ନିଶ୍ଚିତ ଓଡ଼ିଶାରୁ କ୍ୱାଲିଟି ଫୁଟବଲ ଖେଳାଳି ବାହାରିବେ। ରାଜ୍ୟ ସରକାର ଯେପରି କ୍ରୀଡ଼ାକୁ ସମର୍ଥନ କରୁଛନ୍ତି ସେଥିରୁ କେବଳ ଫୁଟବଲ ନୁହେଁ ସବୁ କ୍ରୀଡ଼ାରେ ନିଶ୍ଚିତ ଉନ୍ନତି ହେବ।
ପ୍ର: ଏଥର ଶୁଭମ୍‌ ଘରୋଇ ପରିବେଶରେ ଆଇଏସଏଲର କେତେକ ମ୍ୟାଚ ଖେଳିବେ। ବ୍ୟକ୍ତିଗତଭାବେ କହିଲେ କ’ଣ ଟାର୍ଗେଟ ରହିଛି।
ଉ: ମୁଁ ଯେତେ ବି ମ୍ୟାଚ ଖେଳିବାକୁ ସୁଯୋଗ ପାଇବି ସେଥିରେ ପ୍ରଦର୍ଶନର ଛାପ ଛାଡ଼ିବାକୁ ଚେଷ୍ଟା କରିବି। ପାସ୍‌ କରିବି, ଆସିଷ୍ଟ କରିବି, ଗୋଲ କରିବି। ଯେତେଶୀଘ୍ର ସମ୍ଭବ ଜାତୀୟ ଦଳ ପକ୍ଷରୁ ଖେଳିବା ମୋର ବ୍ୟକ୍ତିଗତ ଲକ୍ଷ୍ୟ।
ପ୍ର: ଓଡ଼ିଶା ଏଫସି ସମ୍ଭାବ୍ୟ ଦଳରେ ଆଉ ଜଣେ ଓଡ଼ିଆ ଖେଳାଳି ଅଙ୍କିତ ଭୂୟାଁ ଅଛନ୍ତି, ତାଙ୍କ ସମ୍ପର୍କରେ କ’ଣ କହିବେ।
ଉ: ଅଙ୍କିତ ନୂଆ କରି ଦଳକୁ ଆସିଛନ୍ତି। ସେ ଭଲ ଖେଳୁଛନ୍ତି, ଆଗାମୀ ଦିନରେ ସେ ନିଶ୍ଚିତ ଆହୁରି ଭଲ ଖେଳିବେ ବୋଲି ମୋର ଆଶା। ଦିନେ ସେ ଓଡ଼ିଶା ଏଫସିର ଜଣେ ନାମୀ ଗୋଲକିପର ହୋଇ ପାରିବ ଏବଂ ଲୋକମାନେ ତାଙ୍କୁ ଭଲ ପାଇବେ।
ପ୍ର: ତୁମେ ଦିଲ୍ଲୀ ଡାଇନାମସ ପକ୍ଷରୁ ପୂର୍ବରୁ ଖେଳି ଆସୁଥିଲ, ଏବେ ଓଡ଼ିଶା ଏଫସିର ନାମ ପରିବର୍ତ୍ତନ ପରେ ଏଠାରେ ଅଭ୍ୟାସ ଚାଲିଛି। କିଛି ଭିନ୍ନତା ଲକ୍ଷ କରୁଛନ୍ତି କି ?
ଉ: ଓଡ଼ିଶା ଏଫସିର ମ୍ୟାଚ ଆରମ୍ଭ ହୋଇନାହିଁ। ପୂର୍ବରୁ ଡାଇନାମସ ଦଳରେ ଯେଉଁ ଖେଳାଳିମାନେ ଥିଲେ ସେମାନେ ମଧ୍ୟ ଏଠାରେ ଅଛନ୍ତି। ଦଳରେ ଅନେକ ବିଦେଶୀ ଖେଳାଳି ଅଛନ୍ତି। ଆମ ନିକଟରୁ ପ୍ରଶଂସକମାନେ ଏଠାରେ ଅଧିକ କିଛି ଆଶା କରୁଥିବା ଆମେ ଅନୁଭବ କରୁଛୁ। ତେଣୁ ଆମେ ନିଜ ନିଜର ଶ୍ରେଷ୍ଠ ପ୍ରଦର୍ଶନ ପାଇଁ ବ୍ୟଗ୍ର ଅଛୁ। କୋଚ୍‌ ଜୋସେପ୍‌ ଗୋମ୍ବାଉ ଦଳକୁ ନେଇ ଅନେକ ଆଶା ରଖିଛନ୍ତି। ଦଳୀୟ ସନ୍ତୁଳନ ଭଲ ଅଛି। ତେଣୁ ଏଥର ନିଶ୍ଚିତ ପ୍ରଦର୍ଶନ ହେବା ଆଶା।
ପ୍ର: ଦେଶର ଅନ୍ୟତମ ସମ୍ମାନଜନକ ଆଇ-ଲିଗ୍‌ ଦ୍ୱିତୀୟ ଡିଭିଜନ୍‌ ପ୍ରତିଯୋଗିତା ହେବା ଶୁଣା ଯାଉଛି। ଭାରତୀୟ ଫୁଟବଲ ପାଇଁ ଏହା କେତେଦୂର ଯୁକ୍ତିଯୁକ୍ତ ହେବ।
ଉ: ଆଇ-ଲିଗ୍‌ ଏକ ଭଲ ପ୍ରତିଯୋଗିତା, ଏଥିରେ ଦ୍ୱିମତ ନାହିଁ। ତେବେ ଏହା ଦ୍ୱାରା ଭଲ ବି ହେବ ବୋଲି ମୁଁ ଭାବୁଛି। କାରଣ ପ୍ରମୋଶନ ଓ ରିଲିଗେଶନ ରହିଲେ ପ୍ରତିଦ୍ୱନ୍ଦ୍ୱିତା ବଢ଼ିବ। ପରୋକ୍ଷରେ ଏହା ଭାରତୀୟ ଫୁଟବଲକୁ ସହାୟକ ହୋଇପାରିବ। ଏହାଦ୍ୱାରା ସବୁ ଦଳ ଭଲ ପ୍ରଦର୍ଶନ ଉପରେ ନଜର ରଖିବେ। ଆଇଏସଏଲର କୌଣସି ଦଳ ଭଲ ପ୍ରଦର୍ଶନ ନ କଲେ ଆଇ-ଲିଗ୍‌କୁ ଖସିବ। ସେପରି ଆଇ-ଲିଗ୍‌ର ଭଲ ପ୍ରଦର୍ଶନକାରୀ ଦଳ ପ୍ରମୋଶନ ପାଇବ। ଏହା ନିଶ୍ଚିତ ଭଲ କଥା ହେବ।
ପ୍ର: କିଛିଦିନହେବ ତୁମେ କଳିଙ୍ଗ ଷ୍ଟାଡିୟମରେ ଅଭ୍ୟାସ କରି ଆସୁଛ, କେମିତି ସୁବିଧା ସୁଯୋଗ ଅଛି ?
ଉ: ଆମେ ଟ୍ରେନିଂ ଗ୍ରାଉଣ୍ଡରେ ଅଭ୍ୟାସ କରି ଆସୁଛୁ। ସେଠାକାର ସୁବିଧା ସୁଯୋଗ ବହୁତ ଭଲ। ଏହାର ଭଲ ରକ୍ଷଣାବେକ୍ଷଣ କରାଯାଉଛି। ଜିମ୍‌ ମଧ୍ୟ ଉନ୍ନତମାନର। ହାଇପରଫରମାନ୍ସ ସେଣ୍ଟର ମଧ୍ୟ ସହାୟକ ହେବ। ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

କରୋନାରେ ପ୍ରାଣ ହାରିଲେ ଲେଗ୍‌ ସ୍ପିନର ବିବେକ ଯାଦବ

ଜୟପୁର,୭।୫(ପି.ଟି.): କୋଭିଡ୍‌- ୧୯ ଆଗରେ ଆଉ ଜଣେ କ୍ରିକେଟର ହାର ମାନିଛନ୍ତି। ରାଜସ୍ଥାନ ପୂର୍ବତନ ଲେଗ୍‌ ସ୍ପିନର ତଥା ରଣଜୀ ଟ୍ରଫି ବିଜେତା ଦଳର ସଦସ୍ୟ...

‘ମୁଁ ପୁଣି ହ୍ୟାଟ୍ରିକ କାହିଁକି ନେଇପାରିବି ନାହିଁ’

ଲଣ୍ଡନ,୨୭।୫(ପିଟି)- ୨୦୦୭ ବିଶ୍ୱକପ୍‌ରେ ଦକ୍ଷିଣ ଆଫ୍ରିକା ବିପକ୍ଷ ମ୍ୟାଚ୍‌ରେ ଶ୍ରୀଲଙ୍କା ପେସର ଲସିଥ ମାଲିଙ୍ଗା କ୍ରମାଗତ ୪ ଉଇକେଟ ନେଇଥିଲେ। ଚଳିତ ବିଶ୍ୱକପ୍‌ରେ ମଧ୍ୟ ହ୍ୟାଟ୍ରିକ...

ଫିଫା ମହିଳା ବିଶ୍ୱକପ୍‌:ଫ୍ରାନ୍ସ ବିଜୟ ଅଭିଯାନ

ପ୍ୟାରିସ, ୮ା୬- ଫିଫା ମହିଳା ବିଶ୍ୱକପ୍‌ ଆରମ୍ଭ ହୋଇଯାଇଛି। ଆୟୋଜକ ଫ୍ରାନ୍ସ ସମ୍ପୂର୍ଣ୍ଣ ଷ୍ଟାଇଲରେ ବିଜୟ ସହ ଅଭିଯାନ ଆରମ୍ଭ କରିଛି। ପ୍ରଥମ ମ୍ୟାଚ୍‌ରେ ଆୟୋଜକ...

ସେହ୍ବାଗଙ୍କ ଉପରେ ଭରସା କରୁ ନ ଥିଲେ ଏହି ପ୍ରସିଦ୍ଧ କ୍ରିକେଟର୍‌

ଭାରତୀୟ କ୍ରିକେଟ୍‌ ଦଳର ପୂର୍ବତନ ଖେଳାଳି ବୀରେନ୍ଦ୍ର ସେହ୍ବାଗ ବିସ୍ଫୋରକ ବ୍ୟାଟିଂ ପାଇଁ ଜଣାଶୁଣା ଥିଲେ। ଦିନିକିଆ କ୍ରିକେଟ ହେଉ କିମ୍ବା ଟେଷ୍ଟ କ୍ରିକେଟ, ସେହ୍ବାଗ...

ଦକ୍ଷିଣ ଆଫ୍ରିକାର ଇନିଂସ ବିଜୟ

ସେଞ୍ଚୁରିଅନ, ୩୦ା୧୨- ସ୍ଥାନୀୟ ସୁପର ସ୍ପୋର୍ଟ ପାର୍କଠାରେ ଚାଲିଥିବା ଶ୍ରୀଲଙ୍କା ବିପକ୍ଷ ପ୍ରଥମ କ୍ରିକେଟ ଟେଷ୍ଟରେ ଦକ୍ଷିଣ ଆଫ୍ରିକା ୧ ଇନିଂସ ଓ ୪୫ ରନରେ...

ଜାତୀୟ ସିନିୟର ଭଲିବଲ୍‌ ଚାମ୍ପିୟନଶିପ୍‌: ପୁରୁଷରେ ଓଡ଼ିଶା, ୟୁପି, ଏମ୍‌ପି, ଗୁଜରାଟ, ଆନ୍ଧ୍ର, ପଶ୍ଚିମବଙ୍ଗ ବିଜୟୀ

ଭୁବନେଶ୍ୱର,୭।୩(ସ୍ପୋର୍ଟ୍ସ ବ୍ୟୁରୋ): କିଟ୍‌ର ବିଜୁ ପଟ୍ଟନାୟକ ଇନ୍‌ଡୋର ଷ୍ଟାଡିୟମରେ ଚାଲିଥିବା ୬୯ତମ ଜାତୀୟ ସିନିୟର ଭଲିବଲ୍‌ ଚାମ୍ପିୟନଶିପ୍‌ରେ ଶନିବାର ଅନୁଷ୍ଠିତ ପୁରୁଷ ବିଭାଗ ମ୍ୟାଚ୍‌ଗୁଡିକରେ ଓଡ଼ିଶା,...

୧୦ ମିନିଟ୍‌ରେ ସ୍ଥିର ହେଲା ଆଇପିଏଲ୍‌ ଭାଗ୍ୟ: ଜାଣନ୍ତୁ କେମିତି

ନୂଆଦିଲ୍ଲୀ,୫।୫: ଆଇପିଏଲ ୨୦୨୧ର ୧୪ତମ ସିଜିନକୁ ଆୟୋଜନ କରିବା ପାଇଁ ମାସ ମାସ ଧରି ଯୋଜନା ଚାଳିଥିଲା। ଖେଳାଳି ଏବଂ ସପୋର୍ଟ ଷ୍ଟାଫଙ୍କ ପାଇଁ କଠିନ...

ହୋଲିରେ ଧୋନୀଙ୍କ ପରିବା ଅଫର

ରାଞ୍ଚି,୧୭।୩: ଭାରତର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ ନିଜ ସହରବାସୀଙ୍କୁ ହୋଲିରେ ଏକ ଦମ୍‌ଦାର ଅଫର ଦେଇଛନ୍ତି। ଚଳିତ ଥର ଧୋନୀ ରାଞ୍ଚିବାସୀଙ୍କ ସହ...

Advertisement
Archives

Model This Week