ଅବ୍ୟବସ୍ଥିତ ବ୍ୟାଙ୍କସେବା ପାଇଁ ସୁଫଳ ଦେଉନି ‘କାଳିଆ’

ବୈପାରୀଗୁଡ଼ା,୧୭।୧(ଡି.ଏନ୍‌.ଏ.) – ଚାଷୀଙ୍କ ଆର୍ଥିକ ବିକାଶ ପାଇଁ ରାଜ୍ୟ ସରକାର କାଳିଆ ଯୋଜନା କରିଥିବା ବେଳେ କେନ୍ଦ୍ର ସରକାର ପିଏମ୍‌ କିଷାନ ଯୋଜନା କରିଛନ୍ତି। କିନ୍ତୁ ଏହି ଦୁଇଟି ଯୋଜନାର ଲାଭ ଚାଷୀ ପାଇପାରୁ ନାହାନ୍ତି। ଯୋଜନା ଓ ସଫଳତା ଭିତରେ ବାଧକ ସାଜିଛି ଅବ୍ୟବସ୍ଥିତ ବ୍ୟାଙ୍କସେବା। ବୈପାରୀଗୁଡ଼ା ବ୍ଲକର ଚାଷୀ ଏଭଳି ସମସ୍ୟା ଭୋଗୁଥିବା ଅଭିଯୋଗ ବାଢ଼ିଛନ୍ତି।
ବୈପାରୀଗୁଡ଼ା ବ୍ଲକ ସଦରରେ ୨ଟି ରାଷ୍ଟ୍ରାୟତ୍ତ ବ୍ୟାଙ୍କ ଇଣ୍ଡିଆନ ଓଭରସିଜ୍‌ ବ୍ୟାଙ୍କ ଓ ଷ୍ଟେଟ୍‌ ବ୍ୟାଙ୍କ ଅଫ ଇଣ୍ଡିଆ ରହିଛି। ଓଭରସିଜ୍‌ ବ୍ୟାଙ୍କ ଶାଖା ପୁରୁଣା ହୋଇଥିବାରୁ ବହୁ ସରକାରୀ ଯୋଜନାରେ ସଂପୃକ୍ତ ହିତାଧିକାରୀଙ୍କ ଜମାଖାତା ଏଠାରେ ରହିଛି। କାଳିଆ ଯୋଜନା, ଆବାସ ଯୋଜନା, ପି.ଏମ୍‌. କିଷାନ ଯୋଜନା, କେନ୍ଦୁପତ୍ର ତୋଳାଳିଙ୍କ ପାଉଣା, ମଣ୍ଡିରେ ଧାନବିକା ଅର୍ଥ ଜମାଖାତାକୁ ଆସେ। କିନ୍ତୁ ବ୍ୟାଙ୍କ ପରିଚାଳନାରେ ଅବ୍ୟବସ୍ଥା ଯୋଗୁ ଯୋଜନାର ସୁଫଳ ହିତାଧିକାରୀ ପାଇପାରୁ ନାହାନ୍ତି। ବ୍ୟାଙ୍କରେ କାମ ବୋଝ ବଢୁଥିବା ବେଳେ ଆବଶ୍ୟକ କର୍ମଚାରୀ ନ ଥିବା କାରଣରୁ ହିତାଧିକାରୀ ବ୍ୟାଙ୍କ ଗଲେ ସେମାନଙ୍କୁ ଉପେକ୍ଷା କରାଯାଉଥିବା ଅଭିଯୋଗ ହେଉଛଇ। ଜମାଖାତାରେ କାରବାର ଓ ବ୍ୟାଙ୍କ ବାଲାନ୍ସ ତଥ୍ୟ ଦେବାକୁ ମନା କରାଯାଉଛି। ବର୍ତ୍ତମାନ କାଳିଆ ଯୋଜନାରେ ଅନଲାଇନ୍‌ ଗ୍ରିଭେନ୍ସ ପାଇଁ ଅପଡେଟ୍‌ ପାଶବୁକ୍‌ କପି ଦାଖଲ କରିବାକୁ ପଡୁଛି। କିନ୍ତୁ ଖାତା ଅପଡେଟ୍‌ କରିବାକୁ ଯାଉଥିବା ଜମାକାରୀଙ୍କୁ ପ୍ରିଣ୍ଟର ଅଚଳ କହି ଫେରାଇ ଦିଆଯାଉଛି। ଏଠାରୁ ୨୨ କିମି ଦୂର ଜୟପୁର ବ୍ରାଞ୍ଚକୁ ଯାଇ କରିବାକୁ କୁହାଯାଉଛି। ନିରକ୍ଷରତା ହେତୁ ଅନେକ ସମୟରେ ଗରିବ ଓ ଆଦିବାସୀ ହିତାଧିକାରୀ ଟଙ୍କା ଉଠାଇବା ବେଳେ ଅନ୍ୟମାନଙ୍କ ସାହାରା ନିଅନ୍ତି। ସେହି ସୁଯୋଗରେ ଅନେକ ଦଲାଲ ସେମାନଙ୍କ ଖାତାରୁ ଟଙ୍କା ହଡ଼ପ କରୁଛନ୍ତି। ଯେଉଁ ଜମାକାରୀ ଟଙ୍କା ଉଠାଇବା ଫର୍ମରେ ଟିପଚିହ୍ନ ଦେଉଛନ୍ତି, ସେମାନଙ୍କୁ ବାହାରେ ବାୟୋମେଟ୍ରିକ ମେଶିନ ଦ୍ୱାରା ଆଧାର କାର୍ଡ ନମ୍ବରରେ ଅର୍ଥ ଉଠାଇବାକୁ କୁହାଯାଉଛି। ବାହାରେ ଅର୍ଥ ଉଠାଣରେ ହଜାରକୁ ୬ ଟଙ୍କା କମିସନ ଦେବାକୁ ପଡୁଛି।
ଗତ ସୋମବାରର ଘଟଣା। ବୈପାରୀଗୁଡ଼ା ବ୍ଲକ ମାଝିଗୁଡ଼ା ପଞ୍ଚାୟତ ଭାଟିପଡ଼ା ଗ୍ରାମର କାଳିଆ ଯୋଜନା ହିତାଧିକାରୀ ଦୈତାରୀ ଗାଦବା ଓ ଗୋରା ଗାଦବା ନିଜ ଖାତାରେ କେତେ ଟଙ୍କା ଅଛି ଜାଣିବା ପାଇଁ ବ୍ୟାଙ୍କ ଯାଇଥିଲେ। ଜଣେ କର୍ମଚାରୀ ବିନା ଯାଞ୍ଚରେ ପ୍ରିଣ୍ଟର ଖରାପ ଥିବା ଆଳ ଦେଖାଇ ଖାତା ଅପଡେଟ୍‌ କରିବାକୁ ଜୟପୁର ଯିବା ପାଇଁ କହିଥିଲେ। ନେଟ୍‌ରେ ଯାଞ୍ଚ କରିବା ବେଳେ ଦୈତାରୀଙ୍କ ଖାତାରେ ଗତ ବର୍ଷ ଫେବୃଆରୀ ୨୧ରେ ପ୍ରଥମ କିସ୍ତି ଓ ନଭେମ୍ବର ୬ରେ ଦ୍ବିତୀୟ କିସ୍ତିରେ ମୋଟ ୧୦ ହଜାର ଟଙ୍କା ଆସିଥିବା ଜଣାପଡ଼ିଥିଲା। କାଳିଆ ଟଙ୍କାରେ ଛେଳି କିଣି ଗୁଜୁରାଣ ଚଳାଇବାକୁ ଆଶା ରଖିଥିବା ଦୈତାରୀ ବ୍ୟାଙ୍କକୁ ବାରମ୍ବାର ଆସି ନିରାଶ ହେଉଥିବା କହିଛନ୍ତି। ବାଲିଗଁା ପଞ୍ଚାୟତ ସିନ୍ଧିଗଁାର ଗୁରୁ ଗୌଡ଼ ଗତ ବର୍ଷ କାଳିଆ ଯୋଜନାରେ ଆବେଦନ କରିଥିଲେ। ଗତ ନଭେମ୍ବର ୭ରେ ତାଙ୍କୁ ପ୍ରଥମ କିସ୍ତି ସହାୟତା ମିଳିଥିବା ନେଟ୍‌ରେ ଯାଞ୍ଚ ବେଳେ ଜଣାପଡ଼ିଛି। କିନ୍ତୁ ବ୍ୟାଙ୍କ ଗଲେ ଟଙ୍କା ନ ଥିବା କହି ଫେରାଇ ଦିଆଯାଉଥିବା ସେ ଅଭିଯୋଗ କରିଛନ୍ତି। ଏନେଇ ଓଭରସିଜ୍‌ ବ୍ୟାଙ୍କ ଶାଖା ପରିଚାଳକଙ୍କ ସହ ଯୋଗାଯୋଗ କରିବାରୁ ୩ ମାସ ହେବ ଜମାକାରୀଙ୍କ ପାଇଁ ଥିବା ପ୍ରିଣ୍ଟର ଖରାପ ଥିବା କଥା ସେ ସ୍ବୀକାର କରିଥିଲେ। ବ୍ୟାଙ୍କରେ ଅନ୍ୟ ଏକ ପ୍ରିଣ୍ଟର ଥିଲେ ବି କର୍ମଚାରୀ ଅଭାବରୁ ତାହା ଅପରେଟ ହୋଇପାରୁ ନ ଥିବା ସେ କହିଛନ୍ତି। ସ୍ଥାନୀୟ କୃଷି ଅଧିକାରୀ ନନ୍ଦୁ ଜାନି କହିଛନ୍ତି, ତାଙ୍କ ନିକଟରେ ଏପରି ଅଭିଯୋଗ ରହିଛି। ବ୍ୟାଙ୍କ କର୍ତ୍ତୃପକ୍ଷଙ୍କୁ ବାରମ୍ବାର କହିବା ସତ୍ତ୍ବେ ଅବସ୍ଥା ସୁଧୁରୁନି।
ଉଲ୍ଲେଖଯୋଗ୍ୟ, ଚଳିତ ମାସ ବ୍ଲକ କାର୍ଯ୍ୟାଳୟରେ ଅନୁଷ୍ଠିତ ଅଭିଯୋଗ ଶୁଣାଣି ବେଳେ ବ୍ୟାଙ୍କର ସମସ୍ୟା ଅଭିଯୋଗ ହୋଇଥିଲା। ଜିଲାପାଳଙ୍କ ନିର୍ଦ୍ଦେଶକ୍ରମେ ବିଡିଓ ରଜନୀକାନ୍ତ ଦାସ ସଂପୃକ୍ତ ବ୍ୟାଙ୍କ ମ୍ୟାନେଜରଙ୍କୁ ଡାକି ତାଗିଦ୍‌ କରିଥିଲେ। କିନ୍ତୁ ଏଯାବତ୍‌ ଅବସ୍ଥାରେ କୌଣସି ସୁଧାର ଆସିନାହିଁ। ଅନ୍ୟପକ୍ଷରେ ଖାତା ଅପଡେଟଡ୍‌ ନ ହେବା କାରଣରୁ କାଳିଆ ଯୋଜନାରେ ଆବେଦନ କରୁଥିବା ବହୁ ଚାଷୀ ବାଦ୍‌ ପଡ଼ିବା ଆଶଙ୍କା ସୃଷ୍ଟି ହୋଇଛି।


Enter your email to get our daily news in your inbox.

All Right Reserved By Dharitri.Com

ମାଓବାଦୀପ୍ରବଣ, ସୀମାନ୍ତ ଅଞ୍ଚଳ ପ୍ରତି ସ୍ବତନ୍ତ୍ର ନଜର

ଛତ୍ରପୁର,୧୮ା୪(ଡି.ଏନ.ଏ)- ଗଞ୍ଜାମ ଜିଲାରେ ଗୁରୁବାର  ଦ୍ୱିତୀୟ ପର୍ଯ୍ୟାୟରେ ଆସିକା ଲୋକ ସଭା ଆସନ ଓ ଏହା ଅଧୀନରେ ଥିବା ଆସିକା, କବିସୂର୍ଯ୍ୟନଗର, ସୋରଡା, ସାନଖେମୁଣ୍ଡି, ହିଞ୍ଜିଳି,...

ବର୍ତ୍ତିକା ପେଟ୍ରନ ଆଓ୍ବାର୍ଡ ପାଇବେ ମୀନା ମହାନ୍ତି

ବାରିପଦା ଅଫିସ, ୨୭ା୧୦(ଡି.ଏନ.ଏ.)-ମୟୂରଭଞ୍ଜ ଜିଲା ବାରିପଦା ସହର ବାଘଡାରୋଡର ମୀନା ମହାନ୍ତିଙ୍କୁ ମିଳିବ ବର୍ତ୍ତିକା ପେଟ୍ରନ ଆଓ୍ବାର୍ଡ-୨୦୧୯। ଓଡ଼ିଶା ହସ୍ତତନ୍ତ କାର୍ଣ୍ଣିଭାଲ କାର୍ଯ୍ୟକ୍ରମରେ ତାଙ୍କୁ ଏହି...

ଦନ୍ତା ହାତୀର ମୃତଦେହ ଠାବ

ସାତମାଇଲି,୧୨।୬(ଡି.ଏନ୍‌.ଏ.): ଢେଙ୍କାନାଳ ଜିଲା ହିନ୍ଦୋଳ ଉପଖଣ୍ଡ ବାଲିମି ଥାନା ଅନ୍ତର୍ଗତ କଡ଼ଲାଠାରେ ବୁଧବାର ଗୋଟିଏ ଦନ୍ତାହାତୀର ମୃତଦେହ ଠାବ କରାଯାଇଛି। ଶିକାରି ଦ୍ୱାରା ଏକ ବିଲରେ...

ମଦ ଭାଟି ମ୍ୟାନେଜରଙ୍କଠାରୁ ୫ ଲକ୍ଷ ଲୁଟ୍‌ ଘଟଣା : ଡକାୟତି ଗ୍ୟାଙ୍ଗର ୪ ଗିରଫ, ୩ ଫେରାର

ବଅଁରପାଳ, ୭।୭ (ଡି.ଏନ୍‌.ଏ) – ହିନ୍ଦୋଳ ମଦଭାଟି ମ୍ୟାନେଜର ସୌରଭ ଯାଦବଙ୍କଠାରୁ ୫ଲକ୍ଷ ଟଙ୍କା ଲୁଟ୍‌ ଘଟଣାରେ ସମ୍ପୃକ୍ତ ଡକାୟତି ଗ୍ୟାଙ୍ଗର ମାଷ୍ଟର ମାଇଣ୍ଡ୍‌ଙ୍କ ସମେତ...

କୌଳିକ ବୃତ୍ତି ଦେଇଛି ସମ୍ମାନ: ଗୋପାଳନରୁ ଛେନାପୋଡ଼ ବ୍ୟବସାୟୀ

ଭାପୁର,୫।୧(ଶୁଭେନ୍ଦ୍ର କୁମାର ପଟ୍ଟନାୟକ): ଅଭାବ ଅନଟନ ସତ୍ତ୍ୱେ ନିଜର କୌଳିକ ବୃତ୍ତିକୁ ଆଦରି ଗୁଜୁରାଣ ମେଣ୍ଟାଉଥିବା ୨ ପରିବାର ନିଷ୍ଠା ଓ ପରିଶ୍ରମ ବଳରେ ଆଜି...

ତେଲ ଟ୍ୟାଙ୍କରରୁ ଗଞ୍ଜେଇ ଜବତ, ଜଣେ ଗିରଫ

ରାଇକିଆ,୨୨।୫(ଡି.ଏନ୍‌.ଏ.)- କନ୍ଧମାଳ ଜିଲା ରାଇକିଆ ପୋଲିସ ଏକ ତେଲ ଟ୍ୟାଙ୍କରରୁ ଗଞ୍ଜେଇ ଜବତ କରିବା ସହ ଚାଳକଙ୍କୁ ଗିରଫ କରିଛି। ସେ ହେଲେ ନୟାଗଡ ଜିଲାର...

୬୩ କଳାକାରଙ୍କୁ ମିଳିଲା ୪ ମାସର ଅଗ୍ରୀମ ଭତ୍ତା

ଦିଗପହଣ୍ଡି,୧୭ା୪(ଡି.ଏନ୍‌.ଏ.): କରୋନା ଲକ୍‌ଡାଉନ୍‌ ଅବସରରେ ଗଞ୍ଜାମ ଜିଲା ଦିଗପହଣ୍ଡି ବ୍ଲକର ବିଭିନ୍ନ ଗ୍ରାମାଞ୍ଚଳରେ ବସବାସ କରୁଥିବା ୬୩ କଳାକାରଙ୍କୁ ୪ ମାସର ଅଗ୍ରୀମ କଳାକାର ଭତ୍ତା...

ଭଦ୍ରକ ଜିଲାର ଜଣେ ବିଡିଓଙ୍କୁ କରୋନା: ଜାଣନ୍ତୁ ସେ କେଉଁ ବ୍ଲକର

ପଦ୍ମପୁର:(ଡି.ଏନ୍‌.ଏ.): ଭଦ୍ରକ ଜିଲା ବାସୁଦେବପୁର ବ୍ଲକ ବିଡିଓ, ସାମାଜିକ ନିରାପତ୍ତା ଅଧିକାରୀ, ଓ ଜଣେ କନିଷ୍ଠ ଯନ୍ତ୍ରୀ କରୋନା ଆକ୍ରାନ୍ତ ହୋଇଛନ୍ତି। ଏହାକୁ ନେଇ ବ୍ଲକର...


Coronavirus Update

Archives

Model This Week

Why Dharitri