ଅଦିନିଆ ବର୍ଷାରେ ଫସଲ ପ୍ରଭାବିତ

ରସୁଲପୁର,୯ା୨(ଡି.ଏନ୍‌.ଏ.): ପାଣିପାଗରେ ଅସ୍ବାଭାବିକ ପରିବର୍ତ୍ତନ ମାନବ ସମାଜ ପାଇଁ କାଳ ସାଜୁଛି। ଏଥିଯୋଗୁଁ ଲୋକମାନେ ବହୁ ଦୁଃସାଦ୍ଧ ରୋଗର ଶିକାର ମଧ୍ୟ ହେଉଛନ୍ତି। ଅନେକ ଗରୀବ ଦିନମଜୁରିଆ, ଖଟିଖିଆଙ୍କ ଭାତହାଣ୍ଡି ପ୍ରଭାବିତ ହେଉଛି। ବିଶେଷକରି ଚାଷୀକୂଳ ଋଣଯନ୍ତା ଭିତରକୁ ଠେଲି ହୋଇଯାଉଛି। ଗତ ୩ଦିନ ହେଲା ଚାଲିଥିବା ଅଦିନିଆ ବର୍ଷା ଓ କୋହଲା ପାଗରେ କୋବି ଫସଲ ବିଶେଷ ପ୍ରଭାବିତ ହେବାର ଆଶଙ୍କ କ୍ରମଶଃ ଦୃଢିଭୂତ ହୋଇଛି। ଏହାକୁ ନେଇ ଚାଷୀ ଆଖିରୁ ନିଦ ହଜି ଯାଇଛି। ବର୍ଷାର ସମ୍ଭାବନାକୁ ଦେଖି ଚାଷୀ ଅତି ତରବରିଆ ଭାବରେ ଅପରିପକ୍ୱ କୋବିକୁ କାଟି ଶାଗମାଛ ଦରରେ ବିକ୍ରିକରି କ୍ଷତି ସହିବାକୁ ବାଧ୍ୟ ହେଉଛି। ଏଭଳି ସ୍ଥିତି ଯାଜପୁର ଜିଲା ରସୁଲପୁର ବ୍ଲକ ଅଞ୍ଚଳରେ ଦେଖାଦେଇଛି। ଝିପ୍‌ ଝିପ୍‌ ବର୍ଷା ଯୋଗୁ ଶିତଦିନିଆ ପନିପରିବା ଫସଲ ପ୍ରଭାବିତ ହୋଇଛି। ଏହାଛଡ଼ା ରବି ଫସଲରେ କ୍ଷତି ପହଞ୍ଚତ୍ବା ସମ୍ଭାବନାକୁ ମଧ୍ୟ ଏଡ଼ାଇ ଦିଆଯାଇ ନ ପାରେ।
ଏହି ବ୍ଲକର ସିଂହାପୁର, ଓଡ଼ିଶୋ, ଜାବରା, ନଠୁଆବର, କଲଣ, ଭୋଟକା,ବଡ଼କଇଁଚି, ରାହାମ୍ବା, ଶ୍ରୀବନ୍ତପୁର, ଟିକରପଡ଼ା, ଗନ୍ଧଣ, ରାହାମ୍ବା, ରସୁଲପୁର ଆଦି ପଞ୍ଚାୟତରେ ଅଧିକାଂଶ ଚାଷୀ କୋବି ଚାଷ କରୁଛନ୍ତି। କୋବି ଏକ ଲାଭକାରୀ ଫସଲ ହୋଇଥିବାରୁ ଏସବୁ ଅଞ୍ଚଳର ଚାଷୀ ଶତାଧିକ ଏକର ଜମିରେ କୋବି ଫସଲ ଚାଷ କରୁଛନ୍ତି। ବର୍ତ୍ତମାନ ଅଧିକାଂଶ କୋବିଗଛରେ କଢ଼ ଧରିଆସୁଛି। ବନ୍ଧାକୋବି ବାନ୍ଧିବାକୁ ଲାଗିଛି। ତେବେ ବର୍ଷା ଯୋଗୁ କୋବିରେ ପୋକ ଲାଗିବ। ଫୁଲ କୋବି ପଚି ଯିବ। ଝାଉଁଳା ଓ ମୂଳସଢ଼ା ରୋଗ ସୃଷ୍ଟି ହେବାର ସମ୍ଭାବନା ବଢିଯାଇଛି। ତେବେ କୋବି କ୍ଷେତକୁ ବେଉଷଣ କରିବାରେ ଚାଷୀମାନେ ହଜାର ହଜାର ଟଙ୍କା ବ୍ୟୟ କରିଛନ୍ତି। ଏଥିପାଇଁ ଅଧିକାଂଶ ଚାଷୀ ଗାଁ ଗଣ୍ଡାର ବିଭିନ୍ନ ସଂଘରୁ ଓ ଧନୀକ ଶ୍ରେଣୀଙ୍କଠାରୁ ହାତଉଧାରେ ଟଙ୍କା ଆଣି ଖର୍ଚ୍ଚ କରିଛନ୍ତି। କୋବି ବିକ୍ରି କରି ଋଣ ମୁକ୍ତ ହେବା ସହ ପରିବାର ପ୍ରତିପୋଷଣ କରିବା ଲକ୍ଷ୍ୟକୁ ଅଦିନିଆ ବର୍ଷା ଭଣ୍ଡୁର କରିଦେଇଛି। ଶୀତଦିନିଆ ପରିବା ଫସଲ ଅଧିକ ଶୀତରେ ଭଲ ଅମଳ ହୋଇଥାଏ। ପରିବା ଗଛରେ ଅଧିକ ଫୁଲ ଫଳ ହୋଇଥାଏ। ମାତ୍ର ଏଥିରେ ବର୍ଷା ବାଧକ ସାଜିଛି। ବର୍ଷା ଯୋଗୁ ପରିବା ଅମଳ କମିବାର ସମ୍ଭାବନା ବି ବଢିଯାଇଛି। ଫୁଲକଷି ଧରିଥିବା ବାଇଗଣ, ବିନ୍‌ସ, ଝୁଡଙ୍ଗ ଆଦି ପରିବା ଫସଲରେ କ୍ଷତି ହେବ ବୋଲି ଚାଷୀମାନେ ଆକଳନ କରୁଛନ୍ତି। ବର୍ଷା ସାଙ୍ଗକୁ ୩/୪ଦିନ ହେବ କୋହଲା ପାଗ ଲାଗି ରହିଛି। ଫଳରେ ପରିବା ଫସଲକୁ ପୋକ ଖାଇଯିବେ ବୋଲି କୁହାଯାଉଛି। ଏଥିରୁ ମୁକୁଳିବା ପାଇଁ ଚାଷୀଙ୍କୁ ଆହୁରି ଅଧିକ ଖର୍ଚ୍ଚାନ୍ତ ହେବାକୁ ପଡ଼ିବ। ଡାଲିଜାତୀୟ ଫସଲ ବାଦାମ ଫସଲରେ ଗଛ ବହୁତ ବଢିବ। ମୂଳରେ ଖରା ନ ପଡ଼ିଲେ ବାଦାମ ଚେରେଇ ଯିବ। ଅମଳ ପ୍ରଭାବିତ ହେବ। କୋଡ଼ାଖୁସା ହୋଇଥିବା ବାଦାମ ଫସଲକୁ ପୁଣି କୋଡ଼ିବା ଆବଶ୍ୟକ ହେବ। ବର୍ଷାରେ ବାଦାମ ଗଛମୂଳ ଟାଣ ହୋଇଗଲେ ଉପାଡ଼ିବା ସମୟରେ ବାଦାମକୁ ତାଡ଼ିବାକୁ ପଡିବ। ଏଥିରେ ବି ଚାଷୀକୁ ଅଧିକ ଖର୍ଚ୍ଚାନ୍ତ ହେବାକୁ ପଡ଼ିବ। ଏସବୁ ସ୍ଥିତିରେ ଅଦିନିଆ ବର୍ଷାରେ ଚାଷୀକୂଳ ଉପରେ କୁପ୍ରଭାବ ପକାଇବା ଥୟ ବୋଲି ଚାଷୀ ପଦ୍ମନାଭ ସାହୁ, ସଞ୍ଜୟ ରାଉତ, ଅମୂଲ୍ୟ ରାଉତ, ପରମାନନ୍ଦ ଆଏଚ, ବାବାଜୀ ନାୟକଙ୍କ ସମେତ ବହୁ ଚାଷୀ ମତ ରଖିଛନ୍ତି। ଏହି ବର୍ଷାରେ କ୍ଷତି ହୋଇଥିବା ପରିବା ଓ ରବି ଫସଲ ସ୍ଥିତି ଆକଳନ କରାଯାଇ କ୍ଷତିପୂରଣ ତୁରନ୍ତ ପ୍ରଦାନ କରିବାକୁ ଚାଷୀ ମହଲରେ ଦାବି ହେଉଛି।


Enter your email to get our daily news in your inbox.

All Right Reserved By Dharitri.Com

ଜେଲରେ ମିଳିବ କନ୍ଧମାଳ ହଳଦୀ

ସମ୍ବଲପୁର, ୩ା୨(ବ୍ୟୁରୋ): ସମ୍ବଲପୁର ମଣ୍ଡଳ କାରାଗାରରେ ଏଣିକି କନ୍ଧମାଳ ହଳଦୀ ଉପଲବ୍ଧ ହେବ। ବୁଧବାର କାରାଗାର ପରିସରରେ ଏକ କାଉଣ୍ଟର ଖୋଲାଯାଇ ହଳଦୀ ସାଙ୍ଗକୁ ଅଟା,...

ପୁଣି ଫେରିଲେ ୧୩୧ ପ୍ରବାସୀ ଶ୍ରମିକ

ବୌଦ୍ଧ,୨୮ା୫ (ସ୍ବ.ପ୍ର.)-ଗୁରୁବାର ବୌଦ୍ଧ ଜିଲାରେ ପୁଣି ୧୩୧ ଜଣ ପ୍ରବାସୀ ଶ୍ରମିକ ପହଞ୍ଚିଥିବା ଜଣାଯାଇଛି। ଫଳରେ ଫେରିଥିବା ପ୍ରବାସୀ ଶ୍ରମିକଙ୍କ ସଂଖ୍ୟା ୨୬୩୧ରେ ପହଞ୍ଚତ୍ଛିି। ସେହିପରି...

ଚୋରା ପଥର ଚାଲାଣରେ ଦୁଇ ପୋଲିସ ଅଧିକାରୀ: ଇନ୍ସପେକ୍ଟର ବିକ୍ରମ ଜେନା ନିଲମ୍ବିତ

ଭୁବନେଶ୍ୱର, ୧୭।୧୧(ବ୍ୟୁରୋ)/ ଖୋର୍ଦ୍ଧା(ଡି.ଏନ୍‌.ଏ.): ଚୋରା ପଥର ଚାଲାଣ ର଼୍ୟାକେଟରେ ପୋଲିସ ଅଧିକାରୀ। କ୍ରାଇମ୍‌ବ୍ରାଞ୍ଚ ଏସ୍‌ଟିଏଫ୍‌ ସ୍କାନରରେ ଥିବା ଦୁଇ ଥାନା ଇନ୍ସପେକ୍ଟର ବିକ୍ରମ କେଶରୀ ଜେନା...

ଆକାଶ ପାଠକଙ୍କୁ ସର୍ତ୍ତମୂଳକ ଜାମିନ

କଟକ ଅଫିସ, ୨୬।୬: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଦ୍ୱାରା ଗିରଫ ହୋଇ ଝାରପଡ଼ା ଜେଲରେ ଥିବା ଆକାଶ ପାଠକଙ୍କୁ ଶୁକ୍ରବାର ହାଇକୋର୍ଟରୁ...

ବାଲିଆପାଳ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ବହିଃବିଭାଗ ଉଦ୍‌ଘାଟିତ: ଫଳକରେ ଏମ୍‌ପିଙ୍କ ନାମ ନ ଥିବାରୁ ପ୍ରତିବାଦ

ବାଲିଆପାଳ, ୧୩।୧୨(ସ୍ବ.ପ୍ର./ଡି.ଏନ.ଏ.)-ଜାତୀୟ ଗ୍ରାମୀଣ ସ୍ବାସ୍ଥ୍ୟ ମିଶନର ଅନୁଦାନରେ ବାଲିଆପାଳ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଭିତରେ ନବନିର୍ମିତ ବହିଃବିଭାଗକୁ ଗୁରୁବାର ବସ୍ତା ବିଧାୟକ ନିତ୍ୟାନନ୍ଦ ସାହୁ ମୁଖ୍ୟଅତିଥି ଭାବେ...

ଅଭିଯୋଗ ସତ୍ତ୍ୱେ ପୋଲିସ ନୀରବଦ୍ରଷ୍ଟା: ସ୍ବାମୀଙ୍କ ଅତ୍ୟାଚାରରେ ଅତିଷ୍ଠ ହୋଇ ରାସ୍ତାକୁ ଓହ୍ଲାଇଲେ ସ୍ତ୍ରୀ, ଗୁରୁତର ଆହତ ଅବସ୍ଥାରେ ମାଗିଲେ ନ୍ୟାୟ

ଜଗନ୍ନାଥପ୍ରସାଦ,୨୦।୧୨(ଡି.ଏନ୍‌.ଏ.): ଗଞ୍ଜାମ ଜିଲା ଜଗନ୍ନାଥପ୍ରସାଦ ଥାନl ପଞ୍ଚୁଭୂତି ମୁଖ୍ୟ ରାସ୍ତା ୨୧ନଂ ରାଜ୍ୟ ରାଜପଥରେ ଶୁକ୍ରବାର ସକାଳେ ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି। ନ୍ୟାୟ...

୨ ମାସ ହେଲା ଝିଅ ପତ୍ତା ମିଳୁନି; ହତ୍ୟା ସନ୍ଦେହ: ଥାନାରେ ଅଭିଯୋଗ କଲେ ମା’

ବୁଗୁଡ଼ା,୨ା୧୦(ଡି.ଏନ.ଏ.)-ବୁଗୁଡ଼ା ଥାନା ଅଞ୍ଚଳରେ ଜଣେ ଝିଅଙ୍କୁ ତାଙ୍କ ଶ୍ୱଶୁର ଘର ଲୋକେ ହତ୍ୟା କରିଥିବା ନେଇ ମା’ ଥାନାରେ ଅଭିଯୋଗ କରିଛନ୍ତି। ଏନେଇ ଥାନାରେ କୌଣସି...

ହାଥରସ ଘଟଣାକୁ ନେଇ ବଲାଙ୍ଗୀର ଜିଲା ମହିଳା କଂଗ୍ରେସର ବିକ୍ଷୋଭ

ବଲାଙ୍ଗୀର ଅଫିସ,୮ା୧୦: ଉତ୍ତରପ୍ରଦେଶର ହାଥରସ ଗଣବଳାତ୍କାର ଘଟଣା ସମାଜରେ ମର୍ମାହତ ସୃଷ୍ଟି କରିଛି। ଏକ ଦଳିତ ନାବାଳିକା ଗଣବଳାତ୍କାର ଘଟଣାରେ ଉତ୍ତରପ୍ରଦେଶ ସରକାରଙ୍କ ପୋଲିସ ପ୍ରଶାସନ...

Advertisement


Archives

Model This Week