ଅତୁଟ ସମ୍ପର୍କ

ସ୍ବାମୀସ୍ତ୍ରୀଙ୍କ ଯୋଡ଼ି ଏକ ଅପୂର୍ବ ସମ୍ପର୍କ, ଯେଉଁ ସମ୍ପର୍କ ଭିତରେ ଭରିରହିଥାଏ ଗଭୀର ଭଲ ପାଇବା, ସ୍ନେହ, କର୍ତ୍ତବ୍ୟବୋଧ। ଆଉ କେବେ କେବେ ମତାନ୍ତର ପୁଣି ମନାନ୍ତର ବି। ତେବେ
ଏ ସବୁ ଭିତରେ ଏହି ସମ୍ପର୍କକୁ ସାରା ଜୀବନ ଅତୁଟ ରଖିବା ନିର୍ଭର କରିଥାଏ ନିଜ ଉପରେ…

ସନ୍ଦେହ: ସନ୍ଦେହ ସମ୍ପର୍କରେ ଫାଟ ସୃଷ୍ଟି କରିବାର ସବୁଠୁ ବଡ଼ କାରଣ। ଅନେକେ ଏଭଳି ଅଛନ୍ତି, ଯେଉଁମାନେ ନିଜ ପାର୍ଟନରଙ୍କୁ ସନ୍ଦେହ କରିଥାନ୍ତି। ସେ କାହା ସହ ଖୁସିରେ କେଇ ପଦ କଥାହେଲେ ସେମାନଙ୍କ ଭିତରେ କିଛି ସମ୍ପର୍କ ଥିବା ସନ୍ଦେହ କରନ୍ତି। ଏମିତି କି ପାର୍ଟନରଙ୍କ ଅନୁପସ୍ଥିତିରେ ତାଙ୍କ ମୋବାଇଲ୍‌ର ମେସେଜ୍‌, ହ୍ବାଟ୍ସଆପ୍‌, ଫେସ୍‌ବୁକ୍‌, ମେସେଞ୍ଜର ଆଦି ଚେକ୍‌ କରିବାକୁ ବି ପଛାନ୍ତିନାହିଁି। କେହି କେହି ବାସ୍ତବ କଥା ନ ଜାଣି ପରକଥାରେ ଭାସିଯାଇ ନିଜ ପାର୍ଟନରଙ୍କୁ ସନ୍ଦେହ କରିବା ସହ ତାଙ୍କ କଥାକୁ ମିଛ ବୋଲି ଭାବିନିଅନ୍ତି। ଏ କ୍ଷେତ୍ରରେ ସମ୍ପର୍କ ମଜଭୁତ ହେବା ପରିବର୍ତ୍ତେ ଧୀରେ ଧୀରେ ଦୁର୍ବଳ ହୋଇ ଭାଙ୍ଗିଯିବାର ଆଶଙ୍କା ବି ରହିଛି। ତେଣୁ ସମ୍ପର୍କକୁ ଅତୁଟ ରଖିବାକୁ ହେଲେ କାହାରି କଥାରେ ଭାବପ୍ରବଣ ନ ହୋଇ ସନ୍ଦେହ ନାମକ ଶତ୍ରୁକୁ ମନଭିତରୁ ବାହାର କରନ୍ତୁ। ତଥାପି ଯଦି ସନ୍ଦେହ ହେଉଛି ତେବେ ମନଭିତରେ ଏହାକୁ ଚାପିରଖି କଷ୍ଟ ପାଇବା କିମ୍ବା ସମ୍ପର୍କ ଖରାପ କରିବା ଅପେକ୍ଷା କେବେ ସମୟ ସୁବିଧା ଦେଖି ନିଜ ପାର୍ଟନରଙ୍କ ସହ ସିଧାସଳଖ ଆଲୋଚନା କରିନେବା ଭଲ। ଏହା ଦ୍ୱାରା ପ୍ରକୃତ ସତ୍ୟ ଜଣାପଡ଼ିଯିବ।
କମ୍ୟୁନିକେଶନ ଗ୍ୟାପ୍‌: ସ୍ବାମୀସ୍ତ୍ରୀଙ୍କ ମଧ୍ୟରେ କେବେ କେବେ ଛୋଟମୋଟ ଝଗଡ଼ା ହେବା ଏକ ସାଧାରଣ ଘଟଣା। ହେଲେ ଅନେକେ ଏଭଳି ପରିସ୍ଥିତିରେ ଝଗଡ଼ାର ସମାଧାନ କରିବା ବଦଳରେ ପରସ୍ପର ମଧ୍ୟରେ କଥାବାର୍ତ୍ତା ବନ୍ଦ କରିଦିଅନ୍ତି। ଏହା ଦ୍ୱାରା ଧୀରେ ଧୀରେ କମ୍ୟୁନିକେଶନ ଗ୍ୟାପ୍‌ ବଢ଼ିଥାଏ। ତେଣୁ ଏପରି ହେବାକୁ ଆଦୌ ନ ଦେଇ ଝଗଡ଼ାକୁ ପରବର୍ତ୍ତୀ ସମୟରେ ଭୁଲିଯାଇ ପୁନର୍ବାର ଆଗଭଳି ହସଖୁସିରେ ଚଳିବା ଦ୍ୱାରା ସମ୍ପର୍କ ମଜଭୁତ ହୋଇଥାଏ।

ଅବିଶ୍ୱାସ: ବିଶ୍ୱାସ ଏକ ଉତ୍ତମ ସମ୍ପର୍କର ମୂଳଦୁଆ। ତେଣୁ ଥରେ ଏହା ଭାଙ୍ଗିଗଲେ ପୁନର୍ବାର ସୃଷ୍ଟି ହେବା ଖୁବ୍‌ କଷ୍ଟ। ତେଣୁ ଜୀବନସାଥୀଙ୍କୁ ଅବିଶ୍ୱାସ କରନ୍ତୁ ନାହିଁ। ନିଜେ ମଧ୍ୟ କେବେ ଏଭଳି କୌଣସି କାର୍ଯ୍ୟ କରନ୍ତୁ ନାହିଁ, ଯାହା ତାଙ୍କୁ ଆପଣଙ୍କ ପ୍ରତି ଅବିଶ୍ୱାସ ସୃଷ୍ଟି କରିବାର ସୁଯୋଗ ଦେବ। ବେଳେବେଳେ ବୁଝାମଣା ଅଭାବରୁ ଅବିଶ୍ୱାସ ଜନ୍ମିଥାଏ। ତେଣୁ ଝଗଡ଼ା କରିବା କିମ୍ବା ସମ୍ପୂର୍ଣ୍ଣ ଚୁପ୍‌ ରହି ସମ୍ପର୍କ ଖରାପ କରିବା ପରିବର୍ତ୍ତେ ପରସ୍ପର ମଧ୍ୟରେ କଥାହୋଇ ଏହାର ସମାଧାନ କରିବା ଦ୍ୱାରା ସମ୍ପର୍କ ମଧୁର ହୋଇଥାଏ।
ଲୁଚାଇବା: ନିଜ ଲାଇଫ୍‌ ପାର୍ଟନରଙ୍କ ଆଗରେ ସବୁବେଳେ ହୃଦୟ ଖୋଲା ରଖନ୍ତୁ ଏବଂ ସଚ୍ଚୋଟ ହୁଅନ୍ତୁ। କାରଣ ତାଙ୍କ ଆଗରେ କିଛି ଲୁଚାଇବାର ଅର୍ଥ ଅବିଶ୍ୱାସ ଏବଂ ସନ୍ଦେହର ମଞ୍ଜି ବୁଣିବା, ଯାହା ସମ୍ପର୍କରେ ଫାଟ ସୃଷ୍ଟି କରିବା ଲାଗି ଯଥେଷ୍ଟ।
ଜିଦ୍‌: ଅନେକେ ପାର୍ଟନରଙ୍କ ଆର୍ଥିକ ସ୍ଥିତି ନ ବୁଝି ନିଜ ଇଚ୍ଛା ପୂରଣ କରିବାକୁ ଜିଦ୍‌ କରିଥାନ୍ତି। ଉଦାହରଣ ସ୍ବରୂପ ଆମେ ଅନେକ ମହିଳାଙ୍କ ସୁନାଗହଣା କିଣିବା କିମ୍ବା ଅନ୍ୟାନ୍ୟ ଶପିଂ ନିଶାକୁ ନେଇପାରିବା। କେବଳ ଏତିକି ନୁହେଁ, କେହି କେହି ଓ୍ବିକେଣ୍ଡ ହେବା ମାତ୍ରେ ବୁଲିବାକୁ ଜିଦ୍‌ ଧରି ବସନ୍ତି। ହେଲେ ଛୁଟିଦିନ ମାତ୍ରେ ଯେ ସ୍ବାମୀ ସମ୍ପୂର୍ଣ୍ଣ ଫାଙ୍କା ଥିବେ କିମ୍ବା ଶପିଂ ଲାଗି ସବୁବେଳେ ପାଖରେ ପର୍ଯ୍ୟାପ୍ତ ଟଙ୍କା ଥିବ ତା’ ଭାବିବା ଠିକ୍‌ ନୁହେଁ। ଏହା ନ ବୁଝି ଅଯଥା ଜିଦ୍‌ କରିବା ଦ୍ୱାରା ପାର୍ଟନରଙ୍କ ଉପରେ ମାନସିକ ତଥା ଆର୍ଥିକ ଚାପ ପଡ଼ିବା ଦ୍ୱାରା ବି କେବେ କେବେ ସମ୍ପର୍କ ଖରାପ ହୋଇଥାଏ। ତେଣୁ ସମ୍ପର୍କ ଭଲ ରଖିବାକୁ ହେଲେ ଜୀବନସାଥୀଙ୍କୁ ଉଭୟ ଉଭୟଙ୍କ ପରିସ୍ଥିତି ବୁଝିବା ଦରକାର।
କଟୁ କଥା: ମନ ଭଲ ନ ଥିଲେ କିମ୍ବା ଅଫିସ ତଥା ଅନ୍ୟାନ୍ୟ ଟେନ୍‌ସନ ଥିଲେ ଅନେକେ ଏହାର ରାଗ ନିଜ ପାର୍ଟନରଙ୍କ ଉପରେ ଶୁଝାଇଥାନ୍ତି । ଏମିତି କି ରାଗରେ ପାଟିରୁ ବିଭିନ୍ନ କଟୁ କଥା ବି ବାହାରିଆସେ। ରାଗରେ ହେଉ ନା କାହିଁକି ପାଟିରୁ ଥରେ ବାହାରିଥିବା କଟୁ ବାକ୍ୟ ମନଭିତରେ ରହିଯାଏ ଏବଂ କ୍ରମଶଃ ଉଭୟଙ୍କ ମଧ୍ୟରେ ଦୂରତା ବଢ଼ି ବଢ଼ି ଚାଲେ। ମନେରଖନ୍ତୁ ଦୁଇପଦ ମିଠାକଥା ବି ସମ୍ପର୍କକୁ ମଧୁର କରିଥାଏ। ତେଣୁ କ୍ରୋଧରେ ଏମିତି କିଛି କଟୁ କଥା କହିବାଠୁ ନିଜକୁ ନିବୃତ୍ତ ରଖନ୍ତୁ, ନଚେତ ତାହା ସମ୍ପର୍କରେ ତିକ୍ତତା ଆଣିବ। ରାଗ ସମୟରେ ଚୁପ୍‌ ରହିଯିବା ବୁଦ୍ଧିମତ୍ତାର କାମ।
ତୁଳନା: ସବୁବେଳେ ଅନ୍ୟମାନଙ୍କ ସହ ନିଜ ପାର୍ଟନରଙ୍କ ତୁଳନା କରିବାର ବଦଭ୍ୟାସ କେତେକଙ୍କଠାରେ ରହିଛି। ବାରମ୍ବାର ଏପରି କରିବା ଦ୍ୱାରା ପାର୍ଟନରଙ୍କ ମନରେ ନକାରାତ୍ମକ ଭାବନା ସୃଷ୍ଟି କରିଥାଏ ଏବଂ ଧୀରେ ଧୀରେ ଏହା ମନଭିତରେ ରହି ରହି ମନାନ୍ତରର କାରଣ ସାଜିଥାଏ, ଯାହା ସମ୍ପର୍କକୁ ଅତୁଟ ରଖିବାରେ ସବୁଠୁ ବଡ଼ ବାଧକ ସାଜିପାରେ। ତେଣୁ ତୁଳନା ଛାଡ଼ି ନିଜ ପାର୍ଟନର ଯେମିତି ତାଙ୍କୁ ସେହିଭଳି ସ୍ବୀକାର କରନ୍ତୁ ଏବଂ ସେତିକିରେ ହିଁ ସନ୍ତୁଷ୍ଟ ରହିବାକୁ ଚେଷ୍ଟା କରନ୍ତୁ।


Enter your email to get our daily news in your inbox.

All Right Reserved By Dharitri.Com

କରୋନା ଭୟରେ ଫିକା ପଡ଼ିପାରେ ହୋଲି: ସୁରକ୍ଷା ପାଇଁ ଘରେ ଏଭଳି ପ୍ରସ୍ତୁତ କରନ୍ତୁ ପ୍ରାକୃତିକ ରଙ୍ଗ

ଆସୁଛି ହୋଲି। ରଙ୍ଗର ଏହି ପର୍ବକୁ ପାଳନ କରିବାକୁ ଏବେଠୁ ରାସ୍ତାକଡ଼ରେ ଖୋଲିଲାଣି ବିଭିନ୍ନ ଦୋକାନ। ହେଲେ ଚଳିତ ବର୍ଷ କରୋନା ଯୋଗୁ ହୋଲି ପାଳନ...

ଉଚ୍ଚରକ୍ତଚାପରୁ ଦୂରେଇ ରହିବା ପାଇଁ ଆପଣାନ୍ତୁ ଏହି ଉପାୟ…

ପରିବର୍ତ୍ତିତ ଜୀବନ ଶୈଳୀରେ ବିଭିନ୍ନ କାରଣରୁ କେତେକଙ୍କ କ୍ଷେତ୍ରରେ ରକ୍ତଚାପ ଦେଖାଯାଇଥାଏ। ଆୟୁର୍ବେଦରେ ରକ୍ତଚାପରୁ ଦୂରେଇ ରହିବା ପାଇଁ ଅନେକ ସହଜ ଘରୋଇ ଉପଚାର ସମ୍ପର୍କରେ...

ମୁଣ୍ଡବ୍ୟଥା ହେଉଥିଲେ…ଘରୋଇ ଉପାୟ….

ମୁଣ୍ଡବ୍ୟଥା ସମସ୍ୟା ଅନେକଙ୍କଠାରେ ଥାଏ। ତେବେ ଘରୋଇ ଉପାୟରେ କିଭଳି ଏଥିରୁ ନିସ୍ତାର ପାଇବେ, ଜାଣନ୍ତୁ ସେ ସମ୍ପର୍କରେ.. ୧. ତେଜପତ୍ର ପଡ଼ିଥିବା ନାଲି ଚା’ରେ...

ଏସବୁ ଜିନିଷ ସହ ମିଶାଇ ଖାଆନ୍ତୁ ନାହିଁ ମହୁ…

ମହୁ ସ୍ବାସ୍ଥ୍ୟ ପାଇଁ  ଉପକାରୀ ହୋଇଥିବା ବେଳେ ଥଣ୍ଡା ଲାଗି ବରଦାନ ସଦୃଶ ହୋଇଥାଏ। ଥଣ୍ଡା ଜ୍ୱର ସମୟରେ ତୁଳସୀ ପତ୍ରରେ ମହୁ ମିଶାଇ ସେବନ...

ଏସିଡିଟିରୁ ମୁକ୍ତି ପାଇଁ ଘରୋଇ ଉପଚାର

ଏସିଡିଟି ଏକ ସାଧାରଣ ସମସ୍ୟା। ଅତ୍ୟଧିକ ତେଲ ମସଲାଯୁକ୍ତ ଖାଦ୍ୟ ଖାଇବା ଦ୍ୱାରା ଏପରି ସମସ୍ୟା ଦେଖାଦେଇଥାଏ। ଏହାର ଅନ୍ୟ କାରଣ ମଧ୍ୟ ରହିଛି। ଯେପରି...

ରକ୍ତଦାନ କଲେ ଶରୀରରୁ ରକ୍ତ କମେ ନାହିଁ : ମନରୁ ଦୂର କରନ୍ତୁ ଏହି ଭ୍ରମ

କୁହାଯାଏ ରକ୍ତଦାନ ମହାପୁଣ୍ୟ। ତଥାପି ଏହାକୁ ନେଇ ଲୋକଙ୍କ ମନରେ ଭ୍ରମଧାରଣା ରହିଛି। ରକ୍ତଦାନ କଲେ ଶରୀରରୁ ରକ୍ତ କମିଯାଏ ବୋଲି ଅନେକଙ୍କ ଧାରଣା। କିଛି...

ଏସିଡିଟିରୁ ଦୂରେଇ ରହିବାକୁ ଚାହୁଁଛନ୍ତି; ସକାଳେ ଅଧୁଆ ମୁହଁରେ କରନ୍ତୁ ଏପରି…

ପ୍ରତିଦିନ ସକାଳେ ମୁହଁ ନ ଧୋଇ ଦେଢ଼ ଗ୍ଲାସ୍‌ ବାସି ପାଣି ପିଇଲେ ଅନେକ ଉପକାର ମିଳିଥାଏ। ଏନେଇ ଆୟୁର୍ବେଦରେ ଉଲ୍ଲେଖ ରହିଛି। ଏପରି କଲେ...

ରସାବଳି

ଆବଶ୍ୟକ ସାମଗ୍ରୀ- ଏକ କପ୍‌ ପନିର, ଚିନି ପାଉଡର- ୧ କପ୍‌, ସୁଜି- ୨ ଚାମଚ, ବେକିଂ ସୋଡା- ଅଳ୍ପ ପରିମାଣରେ, ଅଳେଇଚ ପାଉଡର- ୧...

Coronavirus Update


Archives

Model This Week

Why Dharitri