ବରଗଡ଼ ଅଫିସ,୧୩।୬- ବରଗ ଜିଲା ଘେଁସ ଗ୍ରାମର ଉଚ୍ଚ ଶିକ୍ଷିତା ଝିଅ ରଶ୍ମିରେଖା ବାଗ ନିଜେ ଅଟୋ ଚଲାଇ ପାଠ ପଢିବା ସହିତ ପରିବାର ଗୁଜୁରାଣ ମେଣ୍ଟାଇ ଅନ୍ୟମାନଙ୍କ ପାଇଁ ଉଦାହରଣ ସାଜିଛନ୍ତି। ଜନ୍ମେଜୟ ବାଗ ଓ କ୍ଷୀରେଶ୍ବରୀ ବାଗଙ୍କ ଝିଅ ରଶ୍ମିରେଖାଙ୍କ ଏଭଳି କାମକୁ ଭରସା ପରିବାର ପ୍ରଶଂସା କରିଛି। ଏହି ପରିପ୍ରେକ୍ଷୀରେ ଶନିବାର ରଶ୍ମିରେଖାଙ୍କୁ ଭରସା ପରିବାର ପକ୍ଷରୁ କୋଭିଡ-୧୯ ସଂଗ୍ରାମୀଭାବେ ସମ୍ବର୍ଦ୍ଧିତ କରାଯାଇଛି। ଭରସା ପରିବାରର ମୁଖ୍ୟ ଉପଦେଷ୍ଟା ନିହାଲ ସିଂ ତତ୍ତ୍ୱାବଧାନରେ ଘେଁସଠାରେ ଅନୁଷ୍ଠିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ପଦ୍ମଶ୍ରୀ ଡଃ ହଳଧର ନାଗ ଏବଂ ପଦ୍ମଶ୍ରୀ ଡ ଜିତେନ୍ଦ୍ର ହରିପାଲ ତାଙ୍କୁ ସମ୍ବର୍ଦ୍ଧିତ କରିଥିଲେ। ଭରସା ପରିବାରର ସଭ୍ୟ ଚୈତନ ମୁନା ଏବଂ ଅନ୍ୟ ସଭ୍ୟମାନେ ଉପସ୍ଥିତ ଥିଲେ। ଉପସ୍ଥିତି ଥିଲେ । ରଶ୍ମିରେଖା ସ୍ନାତକ ଶେଷବର୍ଷରେ ପାଠ ପଢ଼ିବା ସହିତ ଅଟୋ ଚଲାଇ ଅନ୍ୟ ଝିଅମାନଙ୍କ ପାଇଁ ଏକ ଦୃଷ୍ଟାନ୍ତ ପାଲଟିଛନ୍ତି।
