ଛୋଟ ପରଦାର କୁଇନ୍ ଏକତା କପୁରଙ୍କ ଆଜି ହେଉଛି ୪୪ତମ ଜନ୍ମଦିନ। ମେ’ ୭ରେ ଜନ୍ମଗ୍ରହଣ କରିଥିବା ଏକତା ବର୍ତ୍ତମାନ ସମୟରେ ଟେଲିଭିଜନ ଦୁନିଆର ଜଣେ ସଫଳ ତଥା ଚର୍ଚ୍ଚିତ ପ୍ରଯୋଜିକା। ଧାରାବାହିକଠାରୁ ଆରମ୍ଭ କରି ଓ୍ବେବ୍ ସିରିଜ୍ ପର୍ଯ୍ୟନ୍ତ ସବୁଠି ତାଙ୍କର ରାଜ୍। ଏକତାଙ୍କୁ ଷ୍ଟାର ମେକର କହିଲେ ମଧ୍ୟ କିଛି ଭୁଲ ହେବ ନାହିଁ। ସେ ହେଉଛନ୍ତି ଏପରି ଜଣେ ପ୍ରଯୋଜିକା ଯିଏକି ଛୋଟ ପରଦାରୁ ମୋଟା ଅଙ୍କର ଆୟ କରୁଛନ୍ତି।
୨୩ ବର୍ଷ ପୂର୍ବେ ଏକତା ‘ମାନୋ ୟା ନା ମାନେ’ ସିରିିଏଲ୍ରୁ ଟେଲିଭିଜନ ଦୁନିଆରେ ପାଦ ରଖିଥିଲେ। ଏହା ପରେ ‘ହମ୍ ପାଞ୍ଚ’, ‘କୋଶିଶ-ଏକ ଆଶା ଏବଂ କସମ ଆଦି ଧାରାବାହିକ କରିଥିଲେ। ଏହି ଧାରାବାହିକଗୁଡିକ ତାଙ୍କୁ ଛୋଟ ପରଦାରେ ସ୍ବତନ୍ତ୍ର ପରିଚୟ ଆଣିଦେଇଥିଲା। ଏହା ପରେ ସେ ଆଉ ପଛକୁ ଫେରି ଚାହିଁ ନାହାନ୍ତି। ଗୋଟିଏ ପରେ ଗୋଟିଏ ସଫଳ ଧାରାବାହିକ ଦର୍ଶକଙ୍କୁ ଭେଟିଦେଇ ଚାଲିଛନ୍ତି। ତାଙ୍କ ସଫଳ ଧାରାବାହିକ ମଧ୍ୟରେ ରହିଛି ‘କ୍ୟୁଁ କି ଶାସ ଭି କଭି ବୋହୂ ଥୀ’, ‘କାହାନୀ ଘର୍ ଘର୍ କି’, ‘କସୌଟି ଜିନ୍ଦେଗୀ କି’, ‘କହିଁ ତୋ ହୋଗା’, ’କୁଟୁମ୍ବ’ ।
