ସୋସିଆଲ ମିଡିଆରେ ବଲିଉଡ୍ ଅଭିନେତ୍ରୀମାନେ ବିନା ମେକ୍ଅପ୍ର ଫଟୋ ଶେୟାର କରି ଚର୍ଚ୍ଚାରେ ରହୁଛନ୍ତି। ସେମାନଙ୍କୁ ମଧ୍ୟରୁ ଜଣେ ପୂର୍ବତନ ବିଶ୍ୱସୁନ୍ଦରୀ ଫ୍ୟାନ୍ମାନଙ୍କ ପାଇଁ ଏକ ଫଟୋ ଶେୟାର କରିଛନ୍ତି । ଆଉ କେହି ନୁହନ୍ତି, ସେ ହେଉଛନ୍ତି ଲାରା ଦତ୍ତ। ଲାରା ସୋସିଆଲ ମିଡିଆରେ ବେଶ୍ ଆକ୍ଟିଭ୍ ରହୁଛନ୍ତି। ଯେଉଁଥିପାଇଁ ଫ୍ୟାନମାନଙ୍କ ସହ ତାଙ୍କର ଫଟୋ ଶେୟାର କରିବାକୁ ଆଦୌ ଭୁଲୁନାହାନ୍ତି। ସେ ତାଙ୍କ ଇନ୍ଷ୍ଟାଗ୍ରାମରେ ବିନା ମେକ୍ଅପ୍ରେ ଥିବା ଏକ ଫଟୋ ଶେୟାର କରିଛନ୍ତି। ଫଟୋଟି ବେଶ୍ ଭାଇରାଲ ହେବାରେ ଲାଗିଛି। ଏଥିରେ ଲାରା କ୍ୟାପ୍ଶନ ଲେଖିଛନ୍ତି ‘ସକାଳର ଚେହେରା’‘ଭୟ କରନା’। ନିଜ ଫଟୋ ସହିତ ପୋଷା କୁକୁର କିକିର ଫଟୋ ବି ଶେୟାର କରିଛନ୍ତି।
ଲାରାଙ୍କ ବିନା ମେକ୍ଅପ୍ ଫଟୋକୁ ୟୁଜରମାନେ ଖୁବ୍ ପସନ୍ଦ କରିଛନ୍ତି। ଜଣେ ୟୁଜର ଲେଖିଛନ୍ତି, ନ୍ୟାଚୁରାଲ। ଅନ୍ୟ ଜଣେ ଲେଖିଛନ୍ତି ଲାରା ଖୁବ୍ ସୁନ୍ଦର। ଏହା ପୂର୍ବରୁ ବିନା ମେକ୍ଅପ୍ରେ କରୀନା କପୁର, କାଜଲ ଅଗ୍ରଓ୍ବାଲ, ସୋନମ କପୁର ସୋସିଆଲ ମିଡିଆରେ ଫଟୋ ଶେୟାର କରିସାରିଛନ୍ତି। କିନ୍ତୁ ଲାରାଙ୍କ ଫଟୋକୁ ପ୍ରଶଂସକମାନେ ବହୁତ ପସନ୍ଦ କରି ସୁନ୍ଦର ମତାମତ ମଧ୍ୟ ଦେଇଛନ୍ତି। କହିରଖୁଛୁ, ୧୬ ବର୍ଷ ପୂର୍ବରୁ ଲାରା ପ୍ରଥମେ ‘ଅନ୍ଦାଜ’ ଫିଲ୍ମରେ ଅଭିନୟ କରିଥିଲେ। ପ୍ରଥମ ଫିଲ୍ମରେ ଲାରାଙ୍କୁ ଆଓ୍ବାର୍ଡ ମିଳିଥିଲା।
୨୦୧୧ରେ ଲାରା ଟେନିସ୍ ଖେଳାଳି ମହେଶ ଭୂପତିଙ୍କ ସହ ବିବାହ ବନ୍ଧନରେ ବାନ୍ଧି ହୋଇଥିଲେ। ତାଙ୍କର ଏକ ଝିଅ ଅଛି। ବିବାହ ପରେ ଲାରା କମ୍ ଫିଲ୍ମରେ ନଜର ଆସିଛନ୍ତି। ସିଙ୍ଗ୍ ଇଜ୍ କିଙ୍ଗ୍, ଡନ୍-୨, ଅଜହର, ଓ୍ବେଲକମ୍ ଟୁ ନ୍ୟୁୟର୍କ। ଏହା ପରଠାରୁ ସେ କୌଣସି ଫିଲ୍ମରେ ନଜର ଆସିନାହାନ୍ତି।
