ଜୟପୁର,୨୪।୧୨: ଡାନ୍ସର ଅଙ୍କଲ, ଡାନ୍ସର ଚାଚା ପରେ ଏବେ ଇଣ୍ଟରନେଟ ଦୁନିଆରେ ସେନ୍ସେସନ୍ ପାଲଟିଛନ୍ତି ଡାନ୍ସର ଡାକ୍ତର। ୭୦ବର୍ଷ ବୟସରେ ଉକ୍ତ ଡାକ୍ତର ଜଣକ ବଲିଉଡ୍ ଅଭିନେତା ହ୍ରିତିକ ରୋଶନଙ୍କ ଭଳି ଡ୍ୟାନ୍ସ କରିଥିବା ଦେଖିବାକୁ ମିଳିଛି। ସୂଚନାଯୋଗ୍ୟ, ରାଜସ୍ଥାନ ଜୋଧପୁରର ଶିଶୁ ବିଶେଷଜ୍ଞ ଡାକ୍ତର ରାଜ ଧରିଓ୍ବାଲ ଏକ କାର୍ଯ୍ୟକ୍ରମରେ ଯୋଗଦେଇଥିଲେ। ସେଠାରେ ସେ ପିଲାଙ୍କ ଭଳି ଡ୍ୟାନ୍ସ କରୁଥିବା ନଜର ଆସିଥିଲେ।
କିଛି ଦିନ ପୂର୍ବରୁ ଜଣେ ସମ୍ପର୍କୀୟଙ୍କ ବିବାହରେ ଯୋଗଦେବାକୁ ଯାଇଥିବା ବେଳେ ସେଠାରେ ଧାରିଓ୍ବାଲ ଅଭିନେତା ଦେବାନନ୍ଦଙ୍କ ଷ୍ଟାଇଲ୍ର କ୍ୟାପ୍ ଓ ସ୍ଲିଭ୍ଲେଶ ଶାର୍ଟ ପିନ୍ଧି ଡ୍ୟାନ୍ସ କରିଥିଲେ। ଯେତେବେଳେ ଡାକ୍ତର ଡ୍ୟାନ୍ସ କରିବା ପାଇଁ ମଞ୍ଚ ଉପରକୁ ଯାଆନ୍ତି ସେହି ସମୟରେ ସେଠାରେ ଉପସ୍ଥିତ ଥିବା ଲୋକ ମଧ୍ୟ ଡ୍ୟାନ୍ସ କରିବାରୁ ନିଜକୁ ଅଟକାଇପାରି ନ ଥାନ୍ତି। ତାଙ୍କର ଏହି ଡ୍ୟାନ୍ସ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ସୂଚନା ମୁତାବକ ଡାକ୍ତର ଧରିଓ୍ବାଲଙ୍କର ବାଇପାସ୍ ସର୍ଜରୀ ହୋଇଥିବା ବେଳେ ସେ ଜଣେ ମଧୁମେହ ରୋଗୀ। କିନ୍ତୁ ନିୟମିତ ଯୋଗ ଓ ନିଜ ଲାଇଫ୍ ଷ୍ଟାଇଲ୍ ପାଇଁ ସେ ଏଭଳି ଫିଟ୍ ରହିଛନ୍ତି ବୋଲି କହିଛନ୍ତି। ଯଦି ଜଣେ ବ୍ୟକ୍ତିଙ୍କର ଆତ୍ମବିଶ୍ୱାସ ରହିଛି ତେବେ ସେ କିଛି ବି କରିପାରିବ ବୋଲି ଡାକ୍ତର ଧରିଓ୍ବାଲ କହିଛନ୍ତି।
