ଭୋପାଳ,୧୩।୬: ମଧ୍ୟପ୍ରଦେଶରେ ଏକ ବିବାହରେ ଅଜବ ଦୃଶ୍ୟ ଦେଖିବାକୁ ମିଳିିଛି। ସ୍ଥାନୀୟ ବ୍ୟାବରାଠାରେ ଥିବା ବିଠଲ୍ ବାଟିକାରେ ଅନୁଷ୍ଠିତ ବିବାହରେ ଆହତ ଅବସ୍ଥାରେ ବର ହ୍ବିଲ୍ ଚେୟାରରେ ବସି କନ୍ୟା ସହିତ ସାତ ଫେରା ନେଇଛନ୍ତି। ବର ଦିଲ୍ଲୀପ୍ଙ୍କର କନ୍ୟା ଦିପ୍ତୀ ସହିତ ବିବାହ ହେବାର ଥିଲା। ତେବେ ଜୁନ୍ ୬ରେ ଏକ ସଡ଼କ ଦୁର୍ଘଟଣାରେ ଦିଲ୍ଲୀପ ଆହତ ହୋଇଥିଲେ। ପରେ ତାଙ୍କୁ ସ୍ଥାନୀୟ ହସ୍ପିଟାଲରେ ଆଇସିୟୁରେ ଭର୍ତ୍ତି କରାଯାଇଥିଲା। ଦିଲ୍ଲୀପଙ୍କ ପରିବାର ପକ୍ଷରୁ ବିବାହ ତାରିଖ ଘୁଞ୍ଚାଇବା ପାଇଁ କନ୍ୟାଘରକୁ ପ୍ରସ୍ତାବ ଦେଇଥିଲେ। ତେବେ କନ୍ୟା ଦୀପ୍ତି ଏଥିରେ ଅମଙ୍ଗ ହୋଇଥିଲେ। ତେଣୁ ଦିଲ୍ଲୀପଙ୍କୁ ହ୍ବିଲ୍ ଚେୟାରରେ ବସାଇ ବିବାହ ମଣ୍ଡପକୁ ଅଣାଯାଇଥିଲା। ଏହି ବିବାହରେ ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି।
