ମୁମ୍ବାଇ: ବଲିଉଡ୍ ପ୍ରେମ କାହାଣୀ ସବୁଠାରୁ ନିଆରା। ଏଠାରେ ନାୟିକାମାନଙ୍କର ନାଁ ସହ କେତେବେଳେ କାହା ନାଁକୁ ଯୋଡି ଦିଆଯାଇଥାଏ ତାହା ଅନୁମାନ କରିବା ମୁସ୍କିଲ। ଏମିତି ଏକ ନାଁ ହେଉଛି ବଲିଉଡ୍ର ସିଙ୍ଗଲ ମଦର ଭାବେ ପରିଚିତ ସୁସ୍ମିତା ସେନ୍। ଯଦିଓ ଆଜି ପର୍ଯ୍ୟନ୍ତ ସେ ସିଙ୍ଗଲ୍ ରହି ଯାଇଛନ୍ତି ତଥାପି ତାଙ୍କ ପ୍ରେମରେ ପାଗଳ ହୋଇଛନ୍ତି କେତେଜଣ ବଳିଉଡ୍ ସେଲିବ୍ରିଟି। ୧୯୮୨ରେ ବଲିଉଡରେ ସହ ନିର୍ଦ୍ଦେଶକ ଭାବେ କାମ କରିଥିବା ବିକ୍ରମ ଭଟ୍ଟ ତାଙ୍କ କ୍ୟାରିୟର ପାଇଁ ଯେତିକି ଚର୍ଚ୍ଚିତ ତାହା ସହ ତାଙ୍କ ପର୍ସନାଲ ଲାଇଫକୁ ନେଇ ମଧ୍ୟ ସେତିକି ଚର୍ଚ୍ଚିତ। ତାଙ୍କୁ ୨୭ ବର୍ଷ ହୋଇଥିବା ବେଳେ ସେ ପଡିଥିଲେ ନାୟିକା ସୁସ୍ମିତା ସେନ୍ଙ୍କ ପ୍ରେମରେ। ଆଉ ସେତେବେଳେ ସୁସ୍ମିତାଙ୍କ ବୟସ ଥିଲା ମାତ୍ର ୨୦ ବର୍ଷ। ଉଭୟଙ୍କ ରିଲେସନଶିପ ପରେ ବିକ୍ରମ ତାଙ୍କ ପ୍ରଥମ ସ୍ତ୍ରୀଙ୍କଠାରୁ ଅଲଗା ହୋଇଯାଇଥିଲେ ବୋଲି କୁହାଯାଏ। ହେଲେ ଏହାର କିଛିଦିନ ପରେ ସୁସ୍ମିତା ବି ତାଙ୍କ ଜୀବନରୁ ଦୂରେଇ ଯାଇଥିଲେ। ଆଉ ଏହି ବ୍ରେକ୍ଅପ୍ ପରେ ବିକ୍ରମ ନିଜକୁ ସମ୍ଭାଳି ନ ପାରି ଆତ୍ମହତ୍ୟା ଉଦ୍ୟମ କରିଥିଲେ ବୋଲି ଏକ ସାକ୍ଷାତ୍ କାରରେ କହିଥିଲେ। କେବଳ ସେତିକି ନୁହେଁ ଏହାପରେ ବିକ୍ରମଙ୍କ ଜୀବନରେ ଆସିଥିଲେ ମନିଷା ପଟେଲ। ହେଲେ ଏମାନଙ୍କ ପ୍ରେମ ସମ୍ପର୍କ ବି ବେଶିଦିନ ତିଷ୍ଠି ପାରି ନ ଥିଲା। ଆଉ ଶେଷରେ ସମ୍ପୂର୍ଣ୍ଣ ଏକେଲା ହୋଇଯାଇଥିଲେ ସହ ନିର୍ଦ୍ଦେଶକରୁ ବଲିଉଡ୍ର ହିଟ୍ ନିର୍ଦ୍ଦେଶକ ହୋଇ ସାରିଥିବା ବିକ୍ରମ ଭଟ୍ଟ। ଏକ ସାକ୍ଷାତ୍କାରରେ ସେ କହିଥିଲେ ତାଙ୍କ ଭୁଲ୍ ପାଇଁ ହିଁ ତାଙ୍କ ସାଂସାରିକ ଜୀବନ କଷ୍ଟକର ହୋଇଗଲା।
