ଫୁଲନଖରା,୧୯।୭(ଡି.ଏନ୍.ଏ.)- କଟକ ସଦର ପୋଲିସ ଫୁଲନଖରା ଓଭରବ୍ରିଜଠାରୁ ଗୋପାଳପୁର ମଧ୍ୟରେ ନିୟମିତ ରାସ୍ତାରେ ସୁନାଚେନ ଚୋରି କରୁଥିବା ଦୁଇ ଲୁଟେରାଙ୍କୁ ଓ ଚୋରି ସୁନା କିଣୁଥିବା ଦୁଇ ଦୋକାନୀଙ୍କୁ ଗିରଫ କରି ଶୁକ୍ରବାର କୋର୍ଟଚାଲାଣ କରିିିଛି। ସେମାନେ ହେଲେ ବାରଙ୍ଗ ଥାନା ଜୟପୁର ସାମଲ ସାହିର ଆଲୋକ ସାମଲ(୨୪), ବିକାଶ ନାୟକ ଓରଫ ଅନୁ(୨୨), ପ୍ରଶାନ୍ତ ନାୟକ ଓରଫ ବାଟୁଆ(୩୭) ଓ ଭଦ୍ରକ ଧାମନଗର ଅଞ୍ଚଳର ଆଶିଷ କୁମାର ସାହୁ(୩୨)। ପୋଲିିସ ସେମାନଙ୍କଠାରୁ ୪୦ଗ୍ରାମ ଓଜନର ୬ଟି ସୁନାଚେନ, ଗୋଟିଏ ଓଡି ୦୫ ଏସି ୫୩୦୦ନଂ ବିଶିଷ୍ଟ ଅଟୋ, ଓଡି ୦୫ଏମ ୭୪୬୩ ନଂ ବିଶିଷ୍ଟ ଏକ କଳାରଙ୍ଗର ପଲସର ବାଇକ ଓ ୩ଟି ମୋବାଇଲ ଫୋନ ଜବତ କରିଛି। ଏ ନେଇ ଥାନାରେ ନଂ ୩୦୪/୨୦୧୯ରେ ଏକ ମାମଲା ରୁଜୁ ହୋଇଛି। ସୂଚନା ଅନୁଯାୟୀ, ଗତ ସୋମବାର ଜଗତ୍ସିଂହପୁର ତିର୍ତ୍ତୋଲ ଥାନା ଅନ୍ତର୍ଗତ ତନରା ଗ୍ରାମର ଧ୍ରୁବଚରଣ ଓଝା ନିଜ ସ୍କୁଟିରେ ସ୍ତ୍ରୀଙ୍କୁ ନେଇ ଭୁବନେଶ୍ୱରରୁ କଟକ ଫେରୁଥିଲେ। ଆଲୋକ ଓ ଅନୁ ପୂର୍ବରୁ ବାଇକରେ ତାଙ୍କର ପିଛାକରି ଫୁଲନଖରା ଛକ ଓଭରବ୍ରିଜ ଉପରୁ ଧ୍ରୁବଙ୍କ ସ୍ତ୍ରୀଙ୍କ ବେକରୁ ସୁନାଚେନ ଝାମ୍ପିବା ପାଇଁ ଉଦ୍ୟମ କରୁଥିବାବେଳେ ସେ ଲୁଟେରାଙ୍କ ଟି-ଶାର୍ଟକୁ ଧରି ଟାଣିଦେଇଥିଲେ। ଫଳରେ ଉଭୟେ ରାସ୍ତାରେ ପଡିଯାଇଥିଲେ। ଏହି ସମୟରେ ଦମ୍ପତିଜଣଙ୍କ ପାଟିକରିବାରୁ ଲୁଟେରାଦ୍ୱୟ ଚେନ ଲୁଟି ବ୍ରିଜ ଉପରୁ ତଳକୁ ଡେଇଁ ପଡିଥିଲେ। ସେଠାରୁ ଆଲୋକ ଫେରାର ହୋଇଯାଇଥିବାବେଳେ ସ୍ଥାନୀୟ ଲୋକେ ଅନକୁ କାବୁ କରି ପୋଲିସକୁୁ ଖବର ଦେଇଥିଲେ। ଖବରପାଇ ପୋଲିସ ପହଞ୍ଚତ୍ ଅନୁକୁ ଥାନାକୁ ନେଇ ପଚରାଉୁଚରା କରିବା ପରେ ସମ୍ପୃକ୍ତ ଅନ୍ୟମାନଙ୍କୁ ଗୁରୁବାର ଧରିବାରେ ସକ୍ଷମ ହୋଇପାରିଛି।
