ମୁନିଗୁଡ଼ା,୧୨।୧୨(ଡି.ଏନ୍.ଏ.): ରାୟଗଡ଼ା ଜିଲା ମୁନିଗୁଡ଼ା ନିକଟସ୍ଥ ଝିଲିଗୁଡ଼ାଠାରେ ଥିବା ୮ମ ବାଟାଲିୟନ ସିଆର୍ପିଏଫ୍ କ୍ୟାମ୍ପ୍ ପରିଦର୍ଶନରେ ଆସି ମାଓବାଦୀ ଅପରେଶନର ସମୀକ୍ଷା କରିଛନ୍ତି ଆଇଜି ଏସ୍ କେ ମହାନ୍ତି । ପ୍ରଥମ ଥର ପାଇଁ ନୂତନ ଭାବେ ଓଡ଼ିଶା ସେକ୍ଟର ଦାୟିତ୍ୱ ନେବା ପରେ ଦିନିକିଆ ମୁନିଗୁଡ଼ା ଗସ୍ତରେ ଆସି ସିଆରପିଏଫ୍ କ୍ୟାମ୍ପ ପରିସରରେ ଏକ ସମୀକ୍ଷା ବୈଠକରେ ଯୋଗଦେଇଛନ୍ତି। ବୈଠକରେ ଜିଲାରେ ମାଓବାଦୀଙ୍କ ସ୍ଥିତି ଓ ଆଗାମୀ ଦିନର ରଣନୀତି ସମ୍ପର୍କରେ ଆଲୋଚନା କରିଛନ୍ତି। ଏହି ଅବସରରେ ରାୟଗଡ଼ା ରେଞ୍ଜ ଡିଆଇଜି ସିଆର୍ପିଏଫ୍ ଏସ୍ ଡି ପାଣ୍ଡେ, ୮ମ ବାଟାଲିୟନ ସେକେଣ୍ଡ୍ କମାଣ୍ଡାଣ୍ଟ ରାମ ଅବତାର ବାଲତିଆ, ଡେପୁଟୀ କମାଣ୍ଡାଣ୍ଟ ଅରବିନ୍ଦ ସିଂ ଯାଦବଙ୍କ ସମେତ ଜିଲାର ଚନ୍ଦ୍ରପୁର, ରାଇବିଜ, ଡାଙ୍ଗସୋରଡ଼ା ଓ କନ୍ଧମାଳ ଜିଲାର କୋଟଗଡ଼, ଶ୍ରୀରାମପୁର ଆଦି କ୍ୟାମ୍ପର ବହୁ ଅଧିକାରୀ ଉପସ୍ଥିତ ଥିଲେ।
