ବରଗଡ଼ ଅଫିସ୍,୧୪ା୫- ବରଗଡ଼ ବ୍ଲକ ଅନ୍ତର୍ଗତ ବେହେରା ମାର୍କେଟ୍ ୟାର୍ଡ଼ରେ ପ୍ରତି ସପ୍ତାହର ଶୁକ୍ରବାର ଉଭୟ କୃଷକ ବଜାର ଏବଂ କପଡ଼ା ବଜାର ବସୁଥିଲା। ତେବେ ବର୍ତ୍ତମାନ କରୋନା ସଂକ୍ରମଣ ଭୟ ରହିଥିବାବେଳେ ଉକ୍ତ ବଜାରରେ ଅସମ୍ଭାଳ ଭିଡ଼ ଯୋଗୁ ସାମାଜିକ ଦୂରତା ରହୁ ନଥିବା ପରିଲକ୍ଷିତ ହୋଇଥିଲା । ଫଳରେ ସ୍ଥାନୀୟ ଗ୍ରାମବାସୀ ସେଠାରୁ କପଡ଼ା ବଜାର ବନ୍ଦ କିମ୍ବା ସ୍ଥାନାନ୍ତର ପାଇଁ ଦାବି କରି ଜିଲା ପ୍ରଶାସନକୁ ଫେରାଦ ହେବା ସହିତ ମୁଖ୍ୟମନ୍ତ୍ରୀଙ୍କୁ ଲେଖି ଜଣାଇଥିଲେ । ଗ୍ରାମବାସୀଙ୍କ ଦାବିକୁ ଦୃଷ୍ଟିରେ ଜିଲା ପ୍ରଶାସନ ଉକ୍ତ ବଜାରରେ ଉଭୟ କୃଷକ ବଜାର ଏବଂ କପଡ଼ା ବଜାର ପାଇଁ ପୃଥକ ଦିବସ ନିର୍ଦ୍ଧାରୀତ କରିଛନ୍ତି । ଅନ୍ୟାଦେଶ ପର୍ଯ୍ୟନ୍ତ ଏଣୁ ଏଣିକି ପ୍ରତି ଶୁକ୍ରବାର ବେହେରା ମାର୍କେଟ୍ ୟାର୍ଡ଼ରେ କୃଷକ ବଜାର ଏବଂ ପ୍ରତି ସୋମବାର କପଡ଼ା ବଜାର ବସିବ ବୋଲି ନିଷ୍ପତ୍ତି ନିଆଯାଇଛି । ବରଗଡ଼ ଜିଲା ନିୟନ୍ତ୍ରୀତ ବଜାର କମିଟିର ଅଧ୍ୟକ୍ଷ ତଥା ଅତିରିକ୍ତ ଜିଲାପାଳ ମିର୍ଦ୍ଧା ଟପ୍ପୋ ତାଙ୍କ ପତ୍ରସଂଖ୍ୟା- ୪୩୩ ତା୧୪।୫।୨୦୨୦ରିଖରେ ଏହା ଉଲ୍ଲେଖ କରିଛନ୍ତି ।
