ମେକ୍ସିକୋ ସିଟି,୧୮।୯: ଏକ କବରସ୍ତାନରେ ପଡ଼ିଥିବା ଶହେଟି ପ୍ଲାଷ୍ଟିକ୍ ବ୍ୟାଗ୍ରୁ ପୋଲିସ ୨୯ଟି ମୃତ ଦେହ ଜବତ କରିଛି। ଏଭଳି ଏକ ଘଟଣା ମେକ୍ସିକୋର ଜଲିସ୍କୋସ୍ଥିତ ଜୈପୋପେନ୍ ନଗରପାଳିକା ଅଞ୍ଚଳରେ ଘଟିଛି। ଏଠାରେ ବହୁ ସମୟରେ ହିଂସାକାଣ୍ଡ ଘଟିଥାଏ। କେହି ଜାଣିଶୁଣି କବରସ୍ତାନରେ ଏଭଳି କରିଥିବା ପୋଲିସ କହିଛି। କବରସ୍ତାନରେ ଏତେ ସଂଖ୍ୟକ ପ୍ଲାଷ୍ଟିକ୍ ବ୍ୟାଗ୍ ପଡ଼ିଥିବା ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିଥିଲା। ମୃତଦେହ ଗୁଡ଼ିକୁ ଚିହ୍ନଟ ପାଇଁ ପୋଲିସ ପକ୍ଷରୁ ତନାଘନା ଆରମ୍ଭ ହୋଇଛି। ଗତ ୬ ମାସ ମଧ୍ୟରେ ଏଠାରେ ହତ୍ୟା ଘଟଣା ବୃଦ୍ଧି ପାଇବାରେ ଲାଗିଥିବା ପୋଲିସ କହିଛି। ଗତ ବର୍ଷ ମେକ୍ସିକୋରେ ୨୯,୧୧୧ ଜଣ ଲୋକଙ୍କୁ ହତ୍ୟା କରାଯାଇଥିଲା। ଏହି ଘଟଣା ନେଇ ଅଧିକ ତଦନ୍ତ ଜାରି ରହିଥିବା ଜଲିସ୍କୋ ଆଟର୍ନି ଜେନେରାଲ ଗେରାର୍ଡୋ ସୋଲିସ୍ ସୂଚନା ଦେଇଛନ୍ତି।
