ଭଞ୍ଜନଗର,୧୬।୧୨(ଡି.ଏନ.ଏ)-ଭଞ୍ଜନଗର ସହରର କେତେକ ଏଟିଏମ୍ରେ ରାତି ୮ଟାରୁ ତାଲା ପକାଇ ଦିଆଯାଉଛି । ଏଟିଏମ୍ ସମ୍ମୁଖରୁ ସୁରକ୍ଷା ବ୍ୟବସ୍ଥା ମଧ୍ୟ ହଟାଇ ନିଆଯାଉଛି । କିଛି ଏଟିଏମ୍ ରାତିସାରା ଖୋଲା ରହୁଥିଲେ ମଧ୍ୟ ଲୋକଙ୍କ ଆବଶ୍ୟକ ଅନୁଯାୟୀ ଟଙ୍କା ରହୁନି। ଫଳରେ ରାତିରେ ମେଡ଼ିକାଲ କିମ୍ବା ଅନ୍ୟ କୌଣସି ଜରୁରୀ କାମରେ ଟଙ୍କା ଆବଶ୍ୟକତା ପଡ଼ିଲେ ଗ୍ରାହକ ବହୁତ ଅସୁବିଧା ଭୋଗୁଛନ୍ତି । ଏ ନେଇ ଧରିତ୍ରୀରେ ଗତ ଶୁକ୍ରବାର ‘କ୍ୟାଶ୍ଲେସ୍ କାରବାର ପ୍ରତି ଆଗ୍ରହ ନାହିଁ’ ଶୀର୍ଷକ ଏକ ଖବର ପ୍ରକାଶ ପାଇଥିଲା। ଏହାପରେ ଭଞ୍ଜନଗର କଲେଜ ରୋଡ଼ ବାଇପାସ୍ ଛକରେ ଥିବା ଏଟିଏମ୍ କାଉଟଣ୍ଟର ପୁରୁଣା ବୋର୍ଡ଼ ବଦଳାଗଲା। ହେଲେ ଅଚଳ ଅବସ୍ଥାରେ ଏକ ଏକ ମେଶିନ୍କୁ ସଚଳ କରାଗଲା ନାହିଁ କି ଏଟିଏମ୍ ସମ୍ମୁଖରେ ଜମି ରହୁଥିବା ମଇଳା ପାଣି ହଟାଇବା ପାଇଁ ପଦକ୍ଷେପ ନିଆଗଲା ନାହିଁ । ଯାହାକୁ ନେଇ ଅସନ୍ତୋଷ ପ୍ରକାଶ ପାଇଛି । ବିଭାଗୀୟ ଉଚ୍ଚ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟିଦେଇ ମଇଳା ପାଣି କିଭଳି ଡ଼୍ରେନରେ ଯିବ ବ୍ୟବସ୍ଥା କରିବାକୁ ସାଧାରଣରେ ଦାବି ହୋଇଛି ।
