ଯୁବତୀଙ୍କ ବେକ କାଟି ହତ୍ୟା ଉଦ୍ୟମ:ଗୁରୁତର ଅବସ୍ଥାରେ ମାଲକାନଗିରିରେ ଚିକିତ୍ସାଧୀନ
3:52 pmApril 24, 2019 / 21

କାଲିମେଳା,୨୪ା୪(ଡି.ଏନ.ଏ.)-ମାଲକାନଗିରି ଜିଲା କାଲିମେଳା ବ୍ଲକ ମୋଟୁ ଥାନା ଅନ୍ତର୍ଗତ ଏମଭି-୮୨ ଗ୍ରାମରେ ଗତ ସୋମବାର ବିଳମ୍ବିତ ରାତିରେ ଜଣେ ଯୁବତୀଙ୍କୁ କେତେକ ଦୁର୍ବୃତ୍ତ ହତ୍ୟା ଉଦ୍ୟମ କରିଛନ୍ତି। ତାଙ୍କ ବେକ କାଟି ଦେଇଥିବା ଜଣାପଡିଛି। ଯୁବତୀ ଜଣକ ହେଉଛନ୍ତି ଏମଭି-୮୨ ଗ୍ରାମର ପ୍ରଣବ ହାଲଦାରଙ୍କ ଝିଅ ପ୍ରିୟଙ୍କା ହାଲଦାର (୨୦)। ଏବେ ଗୁରୁତର ଅବସ୍ଥାରେ ମାଲାକନଗିରି ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି। ଘଟଣା ନେଇ ମୋଟୁ ଥାନାରେ କୌଣସି ଅଭିଯୋଗ ହୋଇ ନଥିବା ବେଳେ ମୋଟୁ ଥାନା ଅଧିକାରୀ ରଘୁନାଥ ମାଝି ଖବର ପାଇ ଯୁବତୀଙ୍କ ଏମଭି-୮୨ଗ୍ରାମକୁ ଯାଇ ପରିବାର ଲୋକଙ୍କୁ ପଚରାଉଚରା କରି ପ୍ରାଥମିକ ତଦନ୍ତ ଆରମ୍ଭ କରିଛନ୍ତି। ମାଲକାନଗିରିରେ ଯୁବତୀଙ୍କୁ ଭେଟି ଘଟଣା ସମ୍ପର୍କରେ ପଚାରି ବୁଝିଥିବା ମାଝି କହିଛନ୍ତି। ଖବରରୁ ଜଣାପଡିଛି ବୁଧବାର ବିଳମ୍ବିତ ରାତି ପ୍ରାୟ ୧ଟାରେ ଯୁବତୀ ଜଣକ ବାହାରକୁ ଶୌଚ ପାଇଁ ବାହାରିଥିବା ବେଳେ ହଠାତ ୩/୪ ଜଣ ଯୁବକ ପ୍ରିୟଙ୍କାଙ୍କୁ ଆକ୍ରମଣ କରି ତାଙ୍କ ମୁହଁରେ କପଡା ବାନ୍ଧି ଘରଠାରୁ କିଛି ଦୂର ନେଇ ଯାଇଥିଲେ ା ଏକ ନିଛାଟିଆ ସ୍ଥାନରେ ସେମାନେ ଏକ ଧାରୁଆ ଅସ୍ତ୍ରରେ ପ୍ରଥମେ ତାଙ୍କ ହାତ କାଟିଦେବା ସହ ପରେ ବେକ କାଟି ଦେଇ ଫେରାର ହୋଇଯାଇଥିଲେ ା ରକ୍ତ ଜୁଡୁବୁଡୁ ଅବସ୍ଥାରେ ତାଙ୍କୁ ପରିବାର ଲୋକେ ସେଠାରୁ ଉଦ୍ଧାର କରି ପ୍ରଥମେ ଏମଭି-୭୯ ପରେ ମାଲାକନଗିରି ମେଡିକାଲକୁ ନେଇଥିଲେ। ଘଟଣା କଣ ପାଇଁ ଘଟିଛି ଜଣାପଡି ିନ ଥିବା ବେଳେ ପ୍ରେମଜନିତ କାରଣରୁ ଏପରି ହୋଇଥାଇପାରେ ବୋଲି ଅନୁମାନ କରାଯାଉଛି। ସୂଚନାଯୋଗ୍ୟଯେ, ପ୍ରିୟଙ୍କାଙ୍କ ବାପା ଆନ୍ଧ୍ରରେ ରହି କାମ କରୁଛନ୍ତି। ଗ୍ରାମରେ ତାଙ୍କ ପରିବାରବର୍ଗ ରହୁଛନ୍ତି।