ବଲିଉଡ୍ର ପ୍ରସିଦ୍ଧ ନିର୍ଦ୍ଦେଶକ ତଥା ପ୍ରଯୋଜକ କରଣ ଜୋହର ଆଜି ୪୮ ବର୍ଷରେ ପଦାର୍ପଣ କରିଛନ୍ତି। ନିର୍ଦ୍ଦେଶକ ଏବଂ ପ୍ରଯୋଜକ ଛଡା ସେ ଜଣେ ଅଭିନେତା ବୋଲି ଖୁବ୍ କମ୍ ଲୋକ ଜାଣିଥିବେ। କରଣଙ୍କୁ ମାତ୍ର ୧୪ ବର୍ଷ ହୋଇଥିବାବେଳେ ସେ ଦୂରଦର୍ଶନରେ ପ୍ରସାରିତ ଟିଭି ଶୋ’ରେ ଅଭିନୟ କରିଥିଲେ। ପରେ ସେ ଅଭିନୟ ଛାଡି ଫିଲ୍ମ ନିର୍ଦ୍ଦେଶନା ଦେଇଥିଲେ। କଭି ଖୁସି କଭି ଗମ, କଭି ଅଲବିଦା ନା କେହେନା, ମାଇଁ ନେମ ଇଜ ଖାନ ଭଳି ଫିଲ୍ମରେ ନିର୍ଦ୍ଦେଶନା ଦେଇଥିଲେ। କରଣ ଜୋହରଙ୍କ ଜୀବନୀକୁ ନେଇ ପୁସ୍ତକ ପ୍ରକାଶିତ ହୋଇଛି। କରଣ ନିଜ ବ୍ୟକ୍ତିଗତ ଜୀବନକୁ ନେଇ ବେଶ୍ ଚର୍ଚ୍ଚାରେ ଥାନ୍ତି। ପ୍ରଯୋଜିକା ଏକତା କପୁରଙ୍କ ସହ ତାଙ୍କ ପ୍ରେମ ସମ୍ପର୍କକୁ ନେଇ ବେଶ୍ ଚର୍ଚ୍ଚା ଉଠିଥିଲା। କରଣ କିନ୍ତୁ ଏନେଇ କୌଣସି ପ୍ରତିକ୍ରିୟା ଦେଇ ନ ଥିଲେ। ୨୦୧୭ ସେ ସରୋଗେସି ପଦ୍ଧତି ଆପଣାଇ ଦୁଇ ସନ୍ତାନ ରୁହି ଏବଂ ୟସ୍ଙ୍କ ପିତା ହେବାର ସୌଭାଗ୍ୟ ଲାଭ କରିଥିଲେ।
