ମା’ ଭୂମିକାରେ ସନ୍ତୁଷ୍ଟ ପ୍ରମିଳା

ଯାତ୍ରା ହେଉଛି ଜୀବନ ତଥା ସମାଜର ଛବି। ପାରିବାରିକ କାହାଣୀକୁ ଆଧାର କରି ପ୍ରସ୍ତୁତ ହୁଏ ନାଟକ। ଆଉ ପରିବାର ବିଷୟ ଉଠିଲେ ଗୋଟିଏ ମା’ର କଥା ନିଶ୍ଚୟ ମନକୁ ଆସେ। ମା’କୁ ବାଦ୍‌ଦେଇ ପରିବାର ସମ୍ପୂର୍ଣ୍ଣ ନୁହେଁ। ସେହିଭଳି ମା’ ଚରିତ୍ରକୁ ବାଦ୍‌ ଦେଲେ କାହାଣୀ ରଚନା ବି ସମ୍ଭବ ନୁହେଁ। ଯାତ୍ରା ଜଗତର ତଥା ନାଟକୀୟ କାହାଣୀର ଜଣେ ମା’ କଳାକାର ହେଉଛନ୍ତି ପ୍ରମିଳା ଲେଙ୍କା। ନୂଆ ଯାତ୍ରା ସିଜନ୍‌ରେ ଯାତ୍ରାନୁଷ୍ଠାନ ‘ସ୍ବପ୍ନମହଲ’ରେ ଅଭିନୟ କରିବାକୁ ଚୁକ୍ତିବଦ୍ଧ ହୋଇଥିବା ଏହି ଅଭିନେତ୍ରୀଙ୍କ ଯାତ୍ରା ଜୀବନ ଆରମ୍ଭ ହୋଇଥିଲା ଆଜିକୁ ୨୭ବର୍ଷ ତଳେ। ଭଦ୍ରକର ମାନ୍ତପୁର ଗ୍ରାମରେ ତାଙ୍କର ଜନ୍ମ। ତାଙ୍କର ଦୁଇଭଉଣୀ ଚମ୍ପା ଓ ମଲ୍ଲୀ ‘ଓଡ଼ିଶା ଅପେରା’ରେ ଅଭିନୟ କରୁଥିଲେ। ସେମାନଙ୍କ ଉତ୍ସାହରେ ମାତ୍ର ୧୪ବର୍ଷ ବୟସରେ ‘ଜଗାବଳିଆ ଅପେରା’ରେ ଜଣେ ଶିଶୁ କଳାକାର ଭାବରେ ଯୋଗ ଦେଇଥିଲେ ପ୍ରମିଳା। ପ୍ରଥମେ ସାନଭଉଣୀ ଭୂମିକା ମିଳୁଥିଲା। ପରେ ସେ ‘ଉର୍ବଶୀ ଗଣନାଟ୍ୟ’ରେ ଯୋଗଦେଲେ। ତେବେ ତାଙ୍କୁ ନାୟିକା ଭୂମିକା ମିଳିଲା ‘ଉତ୍କଳ ଗଣନାଟ୍ୟ’ରେ। ‘ପାଗଳୀ ଆସିଛି ଆମ ଗଁାକୁ’, ‘ବାଉନ ବଜାର ତେପନଗଳି’ ଆଦି ନାଟକରେ ଅଭିନୟ କରି ସେ ଯାତ୍ରା ଜଗତରେ ନିଜର ସ୍ଥିତିକୁ ସୁଦୃଢ଼ କରିଥିଲେ। ଇତିମଧ୍ୟରେ ସେ ‘ସତ୍ୟଶ୍ରୀ ଗଣନାଟ୍ୟ’, ‘ବାଣେଶ୍ୱରୀ, ତ୍ରିରଙ୍ଗା’, ‘ଦୁର୍ଗାଶ୍ରୀ’, ‘ଓମ୍‌ ଶ୍ରୀ’, ‘ଇନ୍ଦ୍ରମହଲ’ ଆଦି ଯାତ୍ରାନୁଷ୍ଠାନରେ ଅଭିନୟ କରିସାରିଛନ୍ତି। ସେ ଅଭିନୟ କରିଥିବା ନାଟକଗୁଡ଼ିକ ମଧ୍ୟରେ ରହିଛି ‘ପୂଜନୀୟ ବାପା’, ‘କାଖରେ କଳସୀ ମୁଣ୍ଡରେ ଗରା’, ‘ଧନରେ ଗେଲ କରିବାକୁ ମନ’, ‘ସଜେଇ ଦିଅଲୋ ବେଦିକି ଯିବି’, ‘ସ୍ବାମୀକୁ ଛୁଇଁଲେ ପାପ’, ‘ଟୋକିଟା ବଡ଼ ବୋକିଟା’, ‘ଫୁଲେଇ ଜହ୍ନ’, ‘ସରକାରୀ ସ୍ବାମୀ’, ‘ସତୀ-ଅସତୀ-ମହାସତୀ’, ‘ଆମ୍ମା ଏକ ରୁଟି ଦେ’, ‘ସିନ୍ଦୂର ପିନ୍ଧିଲେ ଲାଜ ଲାଗୁଛି’, ଉର୍ବଶୀ ଆସୁଛି ଇନ୍ଦ୍ରମହଲ’, ‘ବଡ଼ଲୋକକୁ ଉତ୍ତର ନାହିଁ’, ‘ଗଙ୍ଗା ପାପକଲେ ଧୋଇବ କିଏ’, ‘ଶ୍ରୀକୃଷ୍ଣ ମୋର ଶେଷ ସାକ୍ଷୀ’, ‘ଚୁପ୍‌ଚାପ୍‌ ରାତି ଟୁପ୍‌ଟାପ୍‌ କଥା’, ‘ବାସନ୍ତୀର ଚିଠି ମୁଖ୍ୟମନ୍ତ୍ରୀଙ୍କୁ’ ଏବଂ ଆହୁରି ଅନେକ। ଆସନ୍ତା ନୂଆ ଯାତ୍ରା ସିଜନ୍‌ ପାଇଁ ‘ସ୍ବପ୍ନମହଲ’ରେ ଜାରି ରହିଥିବା ପ୍ରଥମ ନାଟକ ‘ବାପା ବଉ ତୁମେ ଭୁଲକଲ’ରେ ତାଙ୍କୁ ଏକ ଟ୍ରାଜେଡି ମଦର ଚରିତ୍ର ମିଳିଛି ଯେଉଁ ଚରିତ୍ରଟିକୁ ନେଇ ଖୁବ୍‌ ଖୁସି ଅଛନ୍ତି ପ୍ରମିଳା। ସ୍ବାମୀ ତଥା ଅଭିନେତା ରତିକାନ୍ତ ଲେଙ୍କାଙ୍କ ପ୍ରେରଣା ଏବଂ ଦୁଇପୁଅ ସମୀର ଓ ଦିବ୍ୟ ଶେଖରଙ୍କ ସହଯୋଗ ତାଙ୍କୁ ଆଗକୁ ବାଟ କଢ଼େଇ ନେଉଛି ବୋଲି କହୁଥିବା ଏହି ଅଭିନେତ୍ରୀ ୨୭ବର୍ଷର କ୍ୟାରିଅରରେ ବହୁ ନାଟକରେ ଅଭିନୟ କରି ସାରିଥିଲେ ମଧ୍ୟ ଦୁଇଗୋଟି ନାଟକ ତାଙ୍କ ପାଇଁ ଅଭୁଲା ହୋଇ ରହିଯାଇଛି। ସେ ଦୁଇଟି ହେଉଛି ‘କାଖରେ କଳସୀ ମୁଣ୍ଡରେ ଗରା’ ଏବଂ ‘ଚୁପ୍‌ଚାପ୍‌ ରାତି ଟୁପ୍‌ଟାପ୍‌ କଥା’। କାରଣ ଏଥିରେ ତାଙ୍କୁ ତାଙ୍କ ମନଲାଖି ଭୂମିକା ମିଳିଥିଲା। ଆଉ ଦର୍ଶକମାନେ ବି ତାଙ୍କ ଅଭିନୟକୁ ଭୂରିଭୂରି ପ୍ରଶଂସା କରିଥିଲେ।


Enter your email to get our daily news in your inbox.

All Right Reserved By Dharitri.Com

ରାମ କେବଳ ଏକ ଧର୍ମର ନୁହନ୍ତି, ସବୁ ଭାରତୀୟଙ୍କ ରକ୍ତରେ ଅଛନ୍ତି: ଚର୍ଚ୍ଚାରେ ଜାଭେଦ ଅଖତରଙ୍କ ମନ୍ତବ୍ୟ

ବିଶିଷ୍ଟ ଗୀତିକାର ଓ ପଟ୍ଟକଥା ଲେଖକ ଜାଭେଦ ଅଖତର ଭଗବାନ ଶ୍ରୀରାମଙ୍କ ପ୍ରଶଂସା କରି କହିଛନ୍ତି। ରାମ ଏକ ପୂଜନୀୟ ବ୍ୟକ୍ତିତ୍ୱ। ତାଙ୍କ ମହତ୍ତ୍ୱ କୌଣସି ଗୋଟିଏ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?