ଟିକିରି, ୨୯।୪(ଡି.ଏନ୍.ଏ.)-ରାୟଗଡ଼ା ଜିଲା କାଶୀପୁର ବ୍ଲକ ବାଙ୍କମ୍ବା ପଞ୍ଚାୟତ ମାଙ୍କଡଝୋଲା ଗ୍ରାମସ୍ଥିତ ଏକ ଆମ୍ବ ଗଛରୁ ଟିକିରି ପୋଲିସ ଜଣେ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର କରିଛି। ମୃତକ ଜଣଙ୍କ ଉକ୍ତ ଗାଁର ଅଲି ମାତଗୁଲଙ୍କ ସ୍ତ୍ରୀ କମଳା(୩୬)। ପ୍ରକାଶ ଯେ, ଅଲି କୌଣସି କାମରେ ଘରୁ ବାହରକୁ ଯାଇଥିବା ବେଳେ କମଳା ତାଙ୍କ ବାରିପଟେ ଥିବା ଆମ୍ବ ଗଛରେ ଦଉଡି ଦେଇଥିଲେ। ଗ୍ରାମବାସୀ ଅପରାହ୍ନରେ କମଳାଙ୍କ ଝୁଲନ୍ତା ମୃତଦେହ ଦେଖି ଅଲି ଓ ଟିକିରି ପୋଲିସକୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚତ୍ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ କାଶୀପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ପଠାଇଥିଲେ। ପୋଲିସ ଘଟଣାସ୍ଥଳରୁ ଏକ ମୋବାଇଲ ଜବତ କରିଛି। ପାରିବାରିକ ଅଶାନ୍ତି ଯୋଗୁ କମଳା ଆତ୍ମହତ୍ୟା କରିଥିବା ଚର୍ଚ୍ଚା ହେଉଛି। ଏ ନେଇ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଛି।
