ଭୁବନେଶ୍ୱର, ୪। ୪(ବ୍ୟୁରୋ ): ସମଗ୍ର ବିଶ୍ଵରେ କରୋନା ସଂକ୍ରମଣ ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ରାଜ୍ୟରେ ଇତି ମଧ୍ୟରେ ୨୦ ଜଣ ସଂକ୍ରମିତଙ୍କୁ ଚିହ୍ନଟ କରାଯାଇଛି । ଏଣୁ ଗୋଷ୍ଠୀ ସଂକ୍ରମଣକୁ ରୋକିବା ପାଇଁ ସରକାର ତିନୋଟି ସହର ଭୁବନେଶ୍ୱର, କଟକ ଏବଂ ଭଦ୍ରକକୁ ୪୮ ଘଣ୍ଟା ପାଇଁ ସଟ୍ ଡାଉନ ଘୋଷଣା କରିଛନ୍ତି । ଘରେ ରହି ସୁରକ୍ଷିତ ରହିବାକୁ ସରକାରଙ୍କ ନିବେଦନ ସତ୍ତ୍ୱେ କିଛି ଲୋକ ଏହାକୁ ଭାଙ୍ଗୁ ଥିବା ଦେଖିବାକୁ ମିଳିଛି । ଶନିବାର ପୂର୍ବାହ୍ନ ୧୧.୩୦ ସୁଦ୍ଧା ୫୪ ଜଣଙ୍କୁ ବାଧ୍ୟତାମୂଳକ କ୍ୱାରାନଟାଇନ ରେ ପଠାଯାଇଛି l ସେଥିରୁ ଭଦ୍ରକର ୯, ଭୁବନେଶ୍ବରର ୪୫ ଜଣ ରହିଛନ୍ତି । ସେହିଭଳି ୬୮ ଜଣଙ୍କୁ ପୋଲିସ୍ ଅଟକ ରଖି ଥିବା ବେଳେ ୧୯ ଜଣଙ୍କ ନାମରେ ମାମଲା ରୁଜୁ ହୋଇ ଥିବା ସୂଚନା ମିଳିଛି । ତେବେ ଏହି ସଟ୍ ଡାଉନ ରବିବାର ରାତି ୮ ଟା ପର୍ଯ୍ୟନ୍ତ ଜାରି ରହିବ ।
