ଦେଓଗାଁ,୨୧ା୭(ଡି.ଏନ.ଏ.)ବଲାଙ୍ଗୀର ଜିଲା ଦେଓଗାଁ ବ୍ଲକ କେନ୍ଦୁଘାଟ ଗ୍ରାମର ମହିଳା ଗୋଷ୍ଠୀର ସଦସ୍ୟାମାନେ ରବିବାର ଜଣେ ବେପାରୀଙ୍କଠାରୁ ମଦ ଓ ବାଇକ ଜବତ କରି ପୋଲିସ ଜିମା ଦେଇଛନ୍ତି। ଗ୍ରାମରେ ପ୍ରତିଦିନ ଦେଶୀରନ୍ଧା ମଦ ବିକ୍ରୀ କରୁଥିବାରୁ ଅସାମାଜିକ ବ୍ୟକ୍ତିଙ୍କ ପ୍ରାର୍ଦୁଭାବ ବୃଦ୍ଧି ପାଇବାରେ ଲାଗିଥିଲା। ଅଞ୍ଚଳର ଗରିବ ପରିବାରଗୁଡିକ ଦିନକୁ ଦିନ ତଳିତଳାନ୍ତ ହେଉଥିବାରୁ ମହିଳାମାନେ ଏହାର ପ୍ରତିବାଦ କରିଥିଲେ। ମଦ ବିକ୍ରୀ ବନ୍ଦ କରି କାର୍ଯ୍ୟାନୁଷ୍ଠାନ ନେବାକୁ ସ୍ଥାନୀୟ ପୋଲିସର ସେମାନେ ସହାୟତା ଲୋଡିଥିଲୋ ଗ୍ରାମର ସ୍ବୟଂସହାୟକ ଗୋଷ୍ଠୀର ମହିଳାମାନେ ସମ୍ପୃକ୍ତ ବେପାରୀଙ୍କୁ ମନା କରିବା ସତ୍ତ୍ୱେ କାହାରି କଥା ନ ମାନି ସେ ପ୍ରତିଦିନ ମଦବିକ୍ରି କରିଆସୁଥିଲେ। ଫଳରେ ଗ୍ରାମବାସୀ ତଥା ମହିଳାମାନଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଥିଲା ା ରବିବାର ସମ୍ପୃକ୍ତ ବ୍ୟବସାୟୀ ଜଣକ ଏକ ବାଇକରେ ଦେଶୀମଦ, ଚାଖଣା ଓ ଜରି ଧରି ଗାଁକୁ ଆସିବାବେଳେ ଗାଁର ମହିଳା ଗୋଷ୍ଠୀ ତାଙ୍କୁ ଘେରିଯାଇ ମଦବିକ୍ରି ବନ୍ଦ କରିବାକୁ କହିଥିଲେ ା ଏହାସହ ସ୍ଥାନୀୟ ସରପଞ୍ଚ ଜୟ ରଣା ଓ ସମିତି ସଭ୍ୟାଙ୍କ ସ୍ବାମୀ ବିଜୟ ରଣାଙ୍କୁ ଘଟଣାସ୍ଥଳକୁ ଡକାଇ ସମସ୍ୟା ଉପରେ ଅବଗତ କରିବାସହ ମଦ ଓ ବାଇକକୁ ଜବତ କରିଥିଲେ ା ପରେ ତୁଷୁରା ଥାନା ଅଧିକାରୀ ଯଶୋବନ୍ତ ପ୍ରଧାନୀଙ୍କ ନିର୍ଦ୍ଦେଶକ୍ରମେ ପୋଲିସ ଭ୍ୟାନ ଘଟଣାସ୍ଥଳରେ ପହଞ୍ଚତ୍ ଦେଶୀମଦ, ବାଇକ ଓ ଜନୈକ ବ୍ୟକ୍ତିଙ୍କୁ ଗିରଫ କରିଥିଲେ ା
