ରସୁଲପୁର,୨।୪(ଡି.ଏନ୍.ଏ.): ନିଜାମୁଦ୍ଦିନରେ ଆୟୋଜିତ ମୁସଲମାନଙ୍କ ଧର୍ମସଭାରେ ଯୋଗଦେଇ ଫେରିଥିବା ବ୍ୟକ୍ତିମାନଙ୍କ ମଧ୍ୟରୁ ଆଉ ଜଣଙ୍କୁ ବୁଧବାର ଯାଜପୁର ଜିଲା ରସୁଲପୁର ବ୍ଲକର ବ୍ରହ୍ମବରଦା ଅଞ୍ଚଳରେ ଠାବ କରିଛି ପ୍ରଶାସନ। ସମ୍ପୃକ୍ତ ବ୍ୟକ୍ତିଙ୍କ ଘରେ ବୁଧବାର ସନ୍ଧ୍ୟାରେ ରସୁଲପୁର ତହସିଲଦାର ଜ୍ୟୋତିକାନ୍ତ ଭୁଜବଳଙ୍କ ନେତୃତ୍ୱରେ ଧର୍ମଶାଳା ଥାନା ଅଧିକାରୀ ସରୋଜ କୁମାର ସାହୁ, ବ୍ଲକ ଜନସ୍ବାସ୍ଥ୍ୟ ଅଧିକାରୀ ଡା. ସୁଧୀର କୁମାର ସାହୁ, ବ୍ରହ୍ମବରଦା ଫାଣ୍ଡି ଅଧିକାରୀ ପରମାନନ୍ଦ ସେଠୀ ପ୍ରମୁଖ ପଞ୍ଚତ୍ଥିଲେ। ଡାକ୍ତର ସାହୁ ସମ୍ପୃକ୍ତ ବ୍ୟକ୍ତିଙ୍କ ସ୍ବାସ୍ଥ୍ୟ ପରୀକ୍ଷା କରିବା ସହ ତାଙ୍କ ଯାତ୍ରାର ସବିଶେଷ ବିବରଣୀ ସଂଗ୍ରହ କରିଥିଲେ। ସେ ଧର୍ମସଭାରୁ ଫେରିବାର ପ୍ରାୟ ୧୮ଦିନ ବିତିଗଲାଣି। ତଥାପି ତାଙ୍କୁ ଆହୁରି ୧୪ଦିନ ହୋମ୍ କ୍ୱାରାଣ୍ଟାଇନରେ ରହିବାକୁ ପରାମର୍ଶ ଦିଆଯାଇଛି। ଏହାପୂର୍ବରୁ ମଙ୍ଗଳବାର ଜଣେ ନିଦ୍ଦାମୁଦିନ ଫେରନ୍ତାଙ୍କୁ ଏହି ଅଞ୍ଚଳରେ ଠାବ କରାଯାଇଥିଲା। ସେ ଦିଲ୍ଲୀରୁ ବିମାନ ଯୋଗେ ରାଞ୍ଚତ୍ ଆସିବା ପରେ ଟ୍ରେନ ଯୋଗେ କଟକ ଏବଂ କାରରେ ଘରକୁ ଫେରିଥିଲେ। ମାତ୍ର ଦ୍ୱିତୀୟ ବ୍ୟକ୍ତି ଜଣକ ସିଧା ଟ୍ରେନରେ ଫେରିଥିଲେ ବୋଲି ପଚରାଉଚୁରା ବେଳେ ଜଣାପଡ଼ିଛି। ଏହାଛଡ଼ା ଜଣେ ଦୁବାଇ ଫେରନ୍ତା ସୋମବାର ବ୍ରହ୍ମବରଦାରେ ପହଞ୍ଚତ୍ଥିବା ଜଣାପଡ଼ିଛି। ସେ ଦୁବାଇରୁ ବିମାନ ଯୋଗେ ମୁମ୍ବାଇ ଆସିଥିଲେ। ସେଠାରୁ ହାଇଦ୍ରାବାଦ ଓ ପରେ ଭୁବନେଶ୍ୱରରେ ପହଞ୍ଚତ୍ଥିଲେ। ସେଠାରେ ପ୍ରାୟ ଦୁଇ ସପ୍ତାହ ରହିବା ପରେ ସେ ବ୍ରହ୍ମବରଦାକୁ ଫେରିଥିଲେ। ବ୍ରହ୍ମବରଦା ପ୍ରାଥମିକ ସ୍ବାସ୍ଥ୍ୟକେନ୍ଦ୍ରର ଡାକ୍ତର ଓ ବ୍ଲକ ଜନସ୍ବାସ୍ଥ୍ୟ ଅଧିକାରୀ ଡା. ସାହୁ ସମ୍ପୃକ୍ତ ବ୍ୟକ୍ତିଙ୍କ ତଥ୍ୟ ସଂଗ୍ରହ କରିବା ସହ ତାଙ୍କ ସ୍ବାସ୍ଥ୍ୟାବସ୍ଥା ଯାଞ୍ଚ କରିଥିଲେ। ତାଙ୍କୁ ମଧ୍ୟ ହୋମ୍ କ୍ୱାରାଣ୍ଟାଇନରେ ରହିବାକୁ ପରାମର୍ଶ ଦିଆଯାଇଛି। ବ୍ରହ୍ମବରଦା ଅଞ୍ଚଳକୁ ବିଦେଶରୁ ବହୁ ବ୍ୟକ୍ତି ଫେରିଛନ୍ତି। ସେମାନଙ୍କୁ ଘରେ ରହିବାକୁ ପରାମର୍ଶ ଦିଆଯିବା ସହ ଅନ୍ୟ କାହା ସହିତ ମିଳାମିଶା କରିବାକୁ ବାରଣ କରାଯାଇଛି ବୋଲି ତହସିଲଦାର ଭୁଜବଳ କହିଛନ୍ତି।
