ବଲିଉଡ୍ ସିଙ୍ଗର ମିକା ସିଂ ପାକିସ୍ତାନରୁ ଇଣ୍ଡିଆ ଫେରିଆସିଛନ୍ତି। କେବେ ଫେରିଛନ୍ତି ସେ ସମ୍ପର୍କରେ ଜଣାନାହିଁ। ମାତ୍ର ମିକାଙ୍କ ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓରେ ଦେଖାଯାଇଛି ମିକା ଓ୍ବାଘା ବର୍ଡରରେ ଭାରତ ମାତାର ଜୟଗାନ କରୁଛନ୍ତି। ଭିଡିଓଟିକୁ ମିକା ସ୍ବାଧୀନତା ଦିବସରେ ଶେୟାର କରିଛନ୍ତି। ଭିଡିଓ ଶେୟାର କରି ମିକା କ୍ୟାପଶନ ଲେଖିଛନ୍ତି, ଭାରତ ମାତାର ଜୟ। ଆମର ଦେଶର ଯବାନମାନଙ୍କୁ ସାଲୁଟ୍ କରୁଛି। କିନ୍ତୁ ମିକାଙ୍କର ଏପରି ଲେଖାରେ ୟୁଜରମାନେ ଖୁସି ନାହାନ୍ତି। ଜଣେ ୟୁଜର ଲେଖିଛନ୍ତି, ଏବେ କ’ଣ ଲାଭ? ପାକିସ୍ତାନରେ ସଂଗୀତ ପରିବେଷଣ କରି ତୁମ କ୍ୟାରିୟର ତ ଗଲା। ଆଉ ଜଣେ ୟୁଜର ଲେଖିଛନ୍ତି, ନଷ୍ଟ ହୋଇସାରିଛନ୍ତି। କହିରଖୁଛୁ, ଅତୀତରେ ମିକା ସିଂଙ୍କ ଏକ ଭିଡିଓ ନଜର ଆସିଥିଲା। ସେଥିରେ ପୂର୍ବତନ ରାଷ୍ଟ୍ରପତି ଜେନେରାଲ (ଅବସରପ୍ରାପ୍ତ) ପରଭେଜ୍ ମୁଶାରଫ୍ଙ୍କ ଜଣେ ସମ୍ପର୍କୀୟଙ୍କ ବିବାହ ଉତ୍ସବରେ ମିକା ସଂଗୀତ ପରିବେଷଣ କରିଥିଲେ। ଏହା ପରେ ଲୋକେ ମିକାଙ୍କୁ ପ୍ରବଳମାତ୍ରାରେ ବିରୋଧ କରିଥିଲେ। ଫ୍ୟାନ୍ମାନେ ମିକାଙ୍କୁ ଟ୍ରୋଲ୍ କରିବା ସହ ଫିଲ୍ମ ଇଣ୍ଡଷ୍ଟ୍ରୀରୁ ବାଦ୍ ଦେବାକୁ ଦାବି କରିଥିଲେ। ଫଳରେ ଅଲ୍ ଇଣ୍ଡିଆ ସିନେ ଓ୍ବାର୍କର୍ସ ଆସୋସିଏଶନର (AICWA) ସିଙ୍ଗରଙ୍କ ସହିତ ମିକା କାମ ନ କରିବା ପାଇଁ ଘୋଷଣା କରାଯାଇଥିଲା।
