ମାଲକାନଗିରି,୩୦ା୬(ସ୍ବ.ପ୍ର.) : ମାଲକାନଗିରି ଜିଲା ସଦର ମହକୁମା ପୌରପରିଷଦ ଅଞ୍ଚଳର ବିଭିନ୍ନ ୱାର୍ଡ ଏବଂ ମୁଖ୍ୟ ରାସ୍ତାର ପରିମଳ ବ୍ୟବସ୍ଥା ବିଗିଡ଼ିଛି। ଜଳ ନିଷ୍କାସନ ହୋଇପାରୁ ନ ଥିବାରୁ ଜନଅସନ୍ତୋଷ ପ୍ରକାଶ ପାଇବା ସହ ଡ୍ରେନ୍ ନିର୍ମାଣ ଦାବି ହୋଇଛି। ବିଶେଷକରି ମୁଖ୍ୟରାସ୍ତା ସିନେମା ହଲ୍ ଛକ ଠାରୁ ଜିଲାପାଳଙ୍କ କାର୍ଯ୍ୟାଳୟ ଉଭୟ ପାର୍ଶ୍ୱର ନାଳ ଅଧିକାଂଶ ସ୍ଥାନରେ ସଫା ହୋଇ ନ ଥିବାରୁ ବର୍ଷା ହେଲେ ଆବର୍ଜନା ଜଳ ରାସ୍ତା ଉପରେ ପ୍ରବାହିତ ହେଉଛି ା ହାଇଟେକ୍ କଲୋନୀ ଡ୍ରେନ୍ କାମ ନିମ୍ନମାନର ହୋଇଥିବାରୁ କଲୋନୀର ପାଣି ନିଷ୍କାସନ ହୋଇପାରୁନାହିଁ। ବର୍ଷା ଋତୁ ଆରମ୍ଭ ହେଉଥିବାରୁ ଆଗାମୀ ଦିନରେ ନାଳ ସଫା କରା ନ ଗଲେ ଆବର୍ଜନା ପାଣି ବିଭିନ୍ନ ସାହିରେ ପ୍ରବେଶ କରିବାର ସମ୍ଭାବନା ରହିଛି। ଏ ସମ୍ବନ୍ଧରେ ପୌରପରିଷଦ ନିର୍ବାହୀ ଅଧିକାରୀ ନୀଳକଣ୍ଠ ନାଇଡୁଙ୍କ ଦୃଷ୍ଟି ଆକର୍ଷଣ କରିବାରୁ ସଂପୃକ୍ତ ବିଭାଗୀୟ ନିର୍ବାହୀଯନ୍ତ୍ରୀ ଓ କନିଷ୍ଠ ଯନ୍ତ୍ରୀଙ୍କ ସହ ସେ ଆଲୋଚନା କରିଛନ୍ତି ା ତୁରନ୍ତ ଡ୍ରେନ୍ ନିର୍ମାଣ କରାଯିବ ବୋଲି କହିଛନ୍ତି।
