ଭବାନୀପାଟଣା,୧୫।୯(ଡି.ଏନ୍.ଏ.): କଳାହାଣ୍ଡି ଜିଲା ଲାଞ୍ଜିଗଡ ବ୍ଲକ ବିଶ୍ୱନାଥପୁର ମୂଷାନାଳ ସେକ୍ସନ ପକ୍ଷରୁ ଲାଞ୍ଜି ପଞ୍ଚାୟତ ଜାମଚୁଆଠାରେ ଚଢ଼ାଉ ହୋଇଛି। ଏଥିରେ ଟାଟା ମ୍ୟାଜିକ୍ରୁ ୪୦ ଖଣ୍ଡ ଶାଳକାଠ ଜବତ କରାଯାଇଛି। ଗାଡ଼ିକୁ ବନ ବିଭାଗ ଅଟକ ରଖିଥିବା ବେଳେ ମାଲିକ ବିଭୀଷଣ ନାଗଙ୍କୁ ଗିରଫ କରିଛି।
ବନବିଭାଗ ସୂତ୍ରରୁ ପ୍ରକାଶ ଯେ, ଶୁକ୍ରବାର ଭୋରରୁ ଜାମଚୁଆ ଗାଁର ବିଭୀଷଣ ନାଗ ତାଙ୍କ ଟାଟା ମ୍ୟାଜିକ (ଓଆର ୧୭ଜି ୪୫୯୧)ରେ ୪୦ ଖଣ୍ଡ ଶାଳକାଠ ନେଇ ଭଟାଙ୍ଗପଦର ଯାଉଥିଲେ। କୌଣସି ସୂତ୍ରରୁ ଖବର ପାଇ ମୂଷାନାଳ ସେକ୍ସନ ଫରେଷ୍ଟର ଚିନ୍ତାମଣି ମାଝିଙ୍କ ନେତୃତ୍ୱରେ ଏକ ଟିମ୍ ଗାଡିକୁ ଅଟକାଇ ଥିଲେ। ଗାଡି ଭିତରୁ ୪୦ ଖଣ୍ଡ ଚୌକାଠ ଜବତ କରିଥିଲେ। ଏହି ଚଢାଉରେ ମାଝିଙ୍କ ସମେତ ଫରେଷ୍ଟ ଗାର୍ଡ ଦେବରାଜ ବରଡେ ଓ ଲୋଚନ ମାଝି ସାମିଲ ଥିଲେ।
