ଯୋଗ ସ୍ବାସ୍ଥ୍ୟ ପାଇଁ ସବୁଠୁ ମହତ୍ତ୍ୱପୂର୍ଣ୍ଣ। କାରଣ ଏହାଦ୍ୱାରା ଇମିନ୍ୟୁ ସିଷ୍ଟମ ମଜଭୁତ ହେବା ସହ ଯେକୌଣସି ବ୍ୟାକ୍ଟେରିଆଲ ଇନ୍ଫେକ୍ସନ ଦୂର ହୁଏ। ବିଶେଷକରି ଶୀତଦିନରେ ଯୋଗାସନ କଲେ ଚେହେରାରୁ ଶୁଷ୍କତା ଦୂର ହୋଇ ଚମକ ଆସିଥାଏ। ଅନେକ ଯୋଗାସନ ରହିଛି। ସେଥିମଧ୍ୟରୁ ସର୍ବାଙ୍ଗାସନ ଅନ୍ୟତମ।
କେମିତି କରିବେ ସର୍ବାଙ୍ଗାସନ:
ପ୍ରଥମେ ଚଟାଣରେ ଆସନ ପକାଇ ଲମ୍ବ ହୋଇ ଉପରକୁ ଚାହିଁ ଶୋଇଯାଆନ୍ତୁ। ଦୁଇ ହାତକୁ ଚଟାଣ ଉପରେ ରଖନ୍ତୁ। ଏବେ ଦୁଇ ଗୋଡ଼କୁ ଏକା ସଙ୍ଗରେ ଧୀରେ ଧୀରେ ଉପରକୁ ଉଠାନ୍ତୁ। ୯୦ ଡିଗ୍ରୀରେ ପହଞ୍ଚିବା ପରେ ଅଣ୍ଟାକୁ ଦୁଇହାତରେ ଧରନ୍ତୁ। ପରେ ଦୁଇ ଆଖି ବନ୍ଦ କରିଦିଅନ୍ତୁ। ଏମିତି ୪/୫ ଥର କରନ୍ତୁ।
ଲାଭ:
ଏହି ଆସନ ରକ୍ତ ସଂଚାଳନକୁ ତୀବ୍ର କରିଥାଏ। ଏହା ଅମ୍ଳଜାନ ଏବଂ ପୋଷକତତ୍ତ୍ୱ ପହଞ୍ଚାଇବାରେ ସହାୟକ ହୋଇଥାଏ। ଓଜନ ନିୟନ୍ତ୍ରଣ କରିଥାଏ। ପାଚନ କ୍ରିୟା ସହଜ ହୁଏ। ଯୌନ ସମସ୍ୟା ଦେଖା ଦେଉଥିଲେ ଏହି ଆସନ ସବୁଠୁ ଭଲ।
ସାବଧାନ:
ଅଣ୍ଟା ଓ ବେକ ଦରଜ, ମୁଣ୍ଡ ବୁଲାଉଥିଲେ ଏହି ଆସନ କରିବା ଅନୁଚିତ। ହୃଦରୋଗୀ ମଧ୍ୟ ଏହି ଆସନ କରିବା ଉଚିତ୍ ନୁହେଁ। ଏହି ଯୋଗାସନ କରିବା ପୂର୍ବରୁ ଯୋଗଗୁରୁଙ୍କ ପରାମର୍ଶ ନେବା ନିହାତି ଜରୁରୀ।
