ବ୍ରହ୍ମପୁର ଅଫିସ,୨୦।୭: ବ୍ରହ୍ମପୁର ମହାରାଜା କୃଷ୍ଣଚନ୍ଦ୍ର ଗଜପତି ଭେଷଜ ମହାବିଦ୍ୟାଳୟ ଓ ଚିକିତ୍ସାଳୟ ପରିସରରେ ଥିବା ସେବା ମହାବିଦ୍ୟାଳୟ ଛାତ୍ରଙ୍କ ଧାରଣା ଶନିବାର ଚତୁର୍ଥ ଦିନରେ ପହଞ୍ଚିଛି। ନୂତନ ଭାବେ ନିର୍ମିତ ଛାତ୍ରାବାସରେ ଛାତ୍ରଙ୍କୁ ରହିବାକୁ ଅନୁମତି ଦାବିନେଇ ଉଭୟ ଛାତ୍ରୀଛାତ୍ର ଚାରିଦିନ ଧରି ଶ୍ରେଣୀ ବର୍ଜନ କରିବା ସହ କଲେଜ ଫାଟକ ଆଗରେ ଧାରଣା ଦେଇଛନ୍ତି । ନିଜର ସମସ୍ତ ଜିନିଷ ତଥା ପୋଷାକପତ୍ର ଧାରଣାସ୍ଥଳରେ ରଖି ଶନିବାର ରୋଷେଇ କରିଛନ୍ତି। ତେବେ ଚାରିଦିନ ପରେ ବି କଲେଜ କର୍ତ୍ତୃପକ୍ଷଙ୍କ ପକ୍ଷରୁ କୋଣସି ପ୍ରତିକ୍ରିୟା ମିଳିନାହିଁ । ଅନ୍ୟପକ୍ଷରେ ଦାବି ପୂରଣ ନ ହେବା ପର୍ଯ୍ୟନ୍ତ ଆନ୍ଦୋଳନ ଅବ୍ୟାହତ ରହିବବୋଲି ଛାତ୍ରୀଛାତ୍ର କହିଛନ୍ତି ।
