ଗୋପାଳପୁର,୫ା୧ -ପଶ୍ଚିମବଙ୍ଗ ଚବିଶପ୍ରଗଣା ଅଞ୍ଚଳର କେତେଜଣ ପର୍ଯ୍ୟଟକ ଗୋପାଳପୁର ବେଳାଭୂମି ବୁଲିବା ପାଇଁ ଯୋଜନା କରିଥିଲେ। ଏନେଇ ଗୁଗଲ୍ରେ ସର୍ଚ୍ଚ କରି ଗୋପାଳପୁର ବେଳାଭୂମିରେ ଥିବା ଏକ ରିସର୍ଟ ମ୍ୟାନେଜରଙ୍କ ମୋବାଇଲ ନମ୍ବର ପାଇଥିଲେ। ତାଙ୍କୁ ଫୋନ କରି ୧୭ଟି ରୁମ୍ ବୁକିଂ କରିବା ସହ ଅଗ୍ରିମ ବାବଦକୁ ୩୦ ହଜାର ଟଙ୍କା ସେ ଦେଇଥିବା ଆକାଉଣ୍ଟକୁ ପଠାଇଥିଲେ। ମାତ୍ର ୪ ତାରିଖରେ ଆସି ଗୋପାଳପୁରରେ ପହଞ୍ଚତ୍ବାପରେ ସମ୍ପୃକ୍ତ ବ୍ୟକ୍ତି ଫେରାର ହୋଇଯାଇଥିବା ଜାଣିବାକୁ ପାଇଥିଲେ। ହୋଟେଲରେ ରୁମ୍ ନ ମିଳିବାରୁ ଶେଷରେ ଥାନାର ଦ୍ୱାରସ୍ଥ ହେବାପରେ ପୋଲିସ ହୋଟେଲ ମାଲିକଙ୍କୁ ଗିରଫ କରିଛି।
ଯେ, ୧୩ ସେପ୍ଟେମ୍ବର ୨୦୧୯ରେ ଚବିଶିପ୍ରଙ୍ଗଣା ଅଞ୍ଚଳର ଲକ୍ଷ୍ମଣ ତାଲୁକଦାର ଗୁଗୁଲ୍ରେ ସର୍ଚ୍ଚ କରି ଗୋପାଳପୁର ବେଳାଭୂମିରେ ଥିବା ସି ଭ୍ୟୁ ରିସୋର୍ଟ ମ୍ୟାନେଜର ତମଲ ବାନାର୍ଜୀଙ୍କ ଫୋନ ନମ୍ବର ପାଇଥିଲେ। ତାଙ୍କୁ କଲ୍ କରି ଜାନୁୟାରୀ ୪ ଓ ୫ ପାଇଁ ୧୭ଟି ରୁମ ବୁକ୍ କରିଥିଲେ। ଭଡା ବାବଦକୁ ୩୦ ହଜାର ଟଙ୍କା ଦେବାକୁ ବାନାର୍ଜୀ କହିଥିଲେ। ବାନାର୍ଜୀ ତାଙ୍କର ଜଣେ ସାଙ୍ଗଙ୍କ ବ୍ୟାଙ୍କ ଆକାଉଣ୍ଟ ନମ୍ବର ଦେଇ ସେଥିରେ ୨୫ ହଜାର ଟଙ୍କା ଅଗ୍ରିମ ପୈଠ କରିବାକୁ କହିଥିଲେ। ତାଲୁକଦାର ଉକ୍ତ ଆକାଉଣ୍ଟରେ ୨୫ ହଜାର ଟଙ୍କା ଡିପୋଜିଟ୍ କରିଥିଲେ। ଶୁକ୍ରବାର ବାନାର୍ଜୀଙ୍କୁ ଫୋନ କରି ଶନିବାର ସକାଳେ ପହଞ୍ଚତ୍ବୁ ବୋଲି କହିଥିଲେ। ୬୦ ଜଣ ପର୍ଯ୍ୟଟକ ଏକ ଟୁରିଷ୍ଟ ବସ୍ ଯୋଗେ ଶନିବାର ସକାଳେ ଗୋପାଳପୁର ବେଳାଭୂମିରେ ପହଞ୍ଚତ୍ଥିଲେ। ସି ଭ୍ୟୁ ରିସୋର୍ଟ ଲଜ୍କୁ ଯାଇ ମାଲିକ ସୁବାଶିଷ ଦତ୍ତଙ୍କ ସହ ତାଲୁକ୍ଦାର ରୁମ୍ ବିଷୟରେ ଆଲୋଚନା କରିଥିଲେ। ମାତ୍ର ସେ ଏ ବିଷୟରେ କିଛି ଜାଣିନାହାନ୍ତି, ତେଣୁ ରୁମ୍ ଦେଇପାରିବେ ନାହିଁ ବୋଲି କହିଥିଲେ। ଫଳରେ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ପରେ ପର୍ଯ୍ୟଟକମାନେ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ। ଗୋପାଳପୁର ଥାନାଧିକାରୀ ବିବେକାନନ୍ଦ ମହନ୍ତ ଲଜ୍କୁ ଯାଇ ମାଲିକଙ୍କ ସହ ଆଲୋଚନା କରିଥିଲେ। କୌଣସି ସମାଧାନ ନ ହେବାରୁ ନଂ.୧/୨୦ରେ ମାମଲା ରୁଜୁ କରି ଲଜ୍ ମାଲିକ ସୁବାଶିଷଙ୍କୁ ଗିରଫ କରି ଅପରାହ୍ନରେ କୋର୍ଟ ଚାଲାଣ କରିଛନ୍ତି। କମଲ ବାନାର୍ଜୀ ଫେରାର ହୋଇଯାଇଛନ୍ତି। ପୋଲିସ ଉକ୍ତ ପର୍ଯ୍ୟଟକଙ୍କୁ ରହିବା ପାଇଁ ୟୁଥ୍ ହଷ୍ଟେଲ ଓ ଗୋପାଳପୁର ନୂଆ ବସ୍ଷ୍ଟାଣ୍ଡରେ ରୁମ୍ ଯୋଗାଇଥିବା ଜଣାପଡ଼ିଛି।
