ବନ୍ତ,୨୫।୧୨(ସ୍ବ.ପ୍ର.)-ଗଛ ଓ ପ୍ରକୃତି ଭଗବାନଙ୍କ ବରଦାନ। ଏହାର ସୁରକ୍ଷା ବିନା ପରିବେଶରେ ସନ୍ତୁଳନ ବଜାୟ ରଖିବା ଅସମ୍ଭବ। ଏ ନେଇ ବିଭିନ୍ନ ସ୍ତରରେ ସଚେତନତା ସୃଷ୍ଟି କରାଯାଉଛି। ହେଲେ ଗଛକୁ ଭଲ ପାଇ ଗାଁମୁଣ୍ଡ ଜଙ୍ଗଲର ସୁରକ୍ଷା ଲାଗି ଦୀର୍ଘ ୧୭ବର୍ଷ ଧରି କାର୍ଯ୍ୟ କରି ଭଦ୍ରକ ଜିଲା ବନ୍ତ ବ୍ଲକ ଅଧୀନ ଆଡ଼ିଆ ପଞ୍ଚାୟତର ନିମଗଢିଆ (ଜିରିଣା) ଗ୍ରାମର ମଦନ ମୋହନ ଦାସ ଚର୍ଚ୍ଚାକୁ ଆସିଛନ୍ତି। କେହି କେହି ତାଙ୍କୁ ଗଛ ମଣିଷ ବୋଲି କହିଥାନ୍ତି।
ନିମଗଢିଆ ଗ୍ରାମର ପଶ୍ଚିମରେ ଥିବା ରହିଛି ଏକ ଛୋଟିଆ ଜଙ୍ଗଲ। ଏହା ଗାଁକୁ ସବୁଜିମାମଣ୍ଡିତ କରି ରଖିଛି। ଏହି ଜଙ୍ଗଲ ଗାଁକ ୁଦେଇଛି ଏକ ପରିଚୟ। ଏହି ଜଙ୍ଗଲରେ ରହିଛି କୋରେଇ, କଣ୍ଟାକସି, ସିମିଳି, ଅର୍ଜୁନ, ଲୁଣିକୋଳି, ପଳାସ ଆଦି ବିଭିନ୍ନ ପ୍ରକାରର ପ୍ରାୟ ୧୫୦ ରୁ ଊର୍ଦ୍ଧ୍ୱ ପ୍ରଜାତିର ଗଛ । ଆଗରୁ ଏହି ଜଙ୍ଗଲ କ୍ଷୟ ପାଇ ଏକପ୍ରକାର ବୃକ୍ଷଶୂନ୍ୟ ହେବାକୁ ବସିଥିଲା। ପରେ ଗଛ ଲଗାଯାଇ ଯନତ୍ ନିଆଯିବାରୁ ଏବେ ଜଙ୍ଗଲକୁ ଫେରିଛି ସବୁଜିମା। ମଦନ ଦିନରାତି ପରିଶ୍ରମ କରି ଏହି ଜଙ୍ଗଲକୁ ସୁରକ୍ଷା ଦେବା ସହ ସେଠାରେ ଥିବା ଗଛର ଯନତ୍ ନେଉଛନ୍ତି। ତାଙ୍କ ନିଜର ମାତ୍ର ୧୨ ଗୁଣ୍ଠ ଜମି ରହିଛି। ଆର୍ଥିକ ସମ୍ବଳ ଅଭାବରୁ ସେ ପରଘରେ ମୂଲ ମଜୁରି ଲାଗି ପରିବାର ଚଳାଇଥାନ୍ତି। ଏତେ ଅସୁବିଧାରେ ଥାଇ ମଧ୍ୟ ସେ ସମାଜର ହିତ ପାଇଁ ଜଙ୍ଗଲ ସୁରକ୍ଷା କାର୍ଯ୍ୟରେ ନିଜକୁ ନିୟୋଜିତ ରଖିଥିବାରୁ ସ୍ଥାନୀୟ ଲୋକେ ତାଙ୍କୁ ପ୍ରଶଂସା କରିବା ସହ ଉତ୍ସାହିତ କରିଥାନ୍ତି।
ମଦନ କହନ୍ତ, ବର୍ତ୍ତମାନ ନୂତନ ଜଙ୍ଗଲ ସୃଷ୍ଟି କରିବା ପରିବର୍ତ୍ତେ ଅବାଧରେ ଗଛ କାଟିଚାଲିଛନ୍ତି ା ପରିବେଶ ନଷ୍ଟ ହେଉ ଥିବାରୁ ପଥଚାରୀମାନେ ଖରାରେ ବିଶ୍ରାମ ନେବା ପାଇଁ ଛାଇ ଟିକେ ପାଇ ପାରୁ ନାହାନ୍ତି। ପଶୁପକ୍ଷୀମାନେ ହଉରାଣ ହେଉଛନ୍ତି। ଏ ସମ୍ପର୍କରେ ସଚେତନତାର ବାର୍ତ୍ତା ଦେବା ଲାଗି ସେ ଗାଁ ମୁଣ୍ଡ ଜଙ୍ଗଲକୁ ଜଗିବା ସହିତ ଗଛଗୁଡ଼ିକର ଯତ୍ନ ନେଉଛନ୍ତି ା ଏହି ଜଙ୍ଗଲରେ ସେ ବନଦେବୀଙ୍କୁ ପ୍ରତିଷ୍ଠା କରି ପୂଜାର୍ଚ୍ଚନା କରୁଛନ୍ତି। ପ୍ରତିବର୍ଷ ମାଘ ସପ୍ତମୀରେ ଗଁାରେ ଯୁବକମାନଙ୍କୁ ନେଇ ସେ ବନ ଦେବୀଙ୍କ ପୂଜା ଧୁମ୍ଧାମ୍ରେ କରିଥାନ୍ତି। ବନୀକରଣ ପାଇଁ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଥିବା ବେଳେ ବନ ବିଭାଗର କୌଣସି ଅଧିକାରୀଙ୍କର ଏହି ଗ୍ରାମ୍ୟଜଙ୍ଗଲ ପ୍ରତି ଦୃଷ୍ଟି ପଡ଼ିନାହିଁ ବୋଲି ସେ କହିଛନ୍ତି।
