ଗାଁ ଡ୍ରାମାରୁ ଆରମ୍ଭ

କେତେବେଳେ ସେ ନାୟିକା ହେଇ ମଞ୍ଚକୁ ଆସନ୍ତି ତ ପୁଣି କେତେବେଳେ ଖଳନାୟିକା ସାଜି। ଯେଉଁ ଭୂମିକାରେ ବି ଆସନ୍ତୁ, ଦର୍ଶକମାନେ ତାଙ୍କୁ ଗ୍ରହଣ କରନ୍ତି। ତାଙ୍କର ଅଭିନୟ ଦର୍ଶକଙ୍କୁ ମତୁଆଲାକରେ। ଆଉ ସାରା ରାତି ମଞ୍ଚ ତଳେ ବାନ୍ଧିରଖେ। ଏଠାରେ ଯେଉଁ ଅଭିନେତ୍ରୀଙ୍କ କଥା କୁହାଯାଉଛି ସେ ହେଉଛନ୍ତି ଅଭିନେତ୍ରୀ ସୁଇଟି। ଘର ନୟାଗଡ଼ ଜିଲାର ରଣପୁର। ପିଲାଟି ବେଳୁ ଅଭିନୟରେ ରୁଚି ଥିଲା। ଗାଁ ଡ୍ରାମାରେ ଅଭିନୟ କରୁଥିଲେ। ବାହାବା ପାଉଥିଲେ। ଯାତ୍ରାକୁ ନେଇ ସ୍ବପ୍ନ ଦେଖୁଥିଲେ। ଦିନେ ଗୋଟିଏ ଗାଁ ଡ୍ରାମା କରୁଥିଲେ ସୁଇଟି। ସେଠାକୁ ଯାଇଥିଲେ ଯାତ୍ରାଜଗତର ଜଣେ ଜଣାଶୁଣା ଯାତ୍ରା ପରିଚାଳକ ମଧୁବାବୁ। ମଧୁବାବୁ ସେତେବେଳେ ଇଷ୍ଟର୍ନ ଗ୍ରୁପ୍‌ ପାଇଁ ପରିଚାଳନା ଦାୟିତ୍ୱ ନିର୍ବାହ କରୁଥିଲେ। ସୁଇଟିଙ୍କର ଅଭିନୟ ତାଙ୍କୁ ଭଲ ଲାଗିଲା। ସେ ତାଙ୍କୁ ପେସାଦାର ମଞ୍ଚକୁ ଆସିବା ପାଇଁ ପ୍ରସ୍ତାବ ଦେଲେ। ସେତେବେଳକୁ ସୁଇଟିଙ୍କର ବାହାଘର ସରିଯାଇଥାଏ। ତେବେ ଯାତ୍ରାକୁ ଆସିବେ କି ଆସିବେ ନାହିଁ ତାହାକୁ ନେଇ ଦ୍ୱନ୍ଦ୍ୱରେ ପଡ଼ିଲେ ସୁଇଟି। ବାପଘର ଲୋକେ ଆଦୌ ରାଜି ନ ଥିଲେ ସେ ଯାତ୍ରାକୁ ଆସନ୍ତୁ ବୋଲି। ମାତ୍ର ସୁଇଟିଙ୍କର ଇଚ୍ଛା ଥାଏ ସେ ଯାତ୍ରାକୁ ଯିବେ। ତାଙ୍କ ଭିତରେ ଈଶ୍ୱର ଯେଉଁ ପ୍ରତିଭା ଭରି ଦେଇଛନ୍ତି ତାହାକୁ ସେ ଲୋକଲୋଚନକୁ ଆଣିବେ। ତା’ଛଡ଼ା ଯାତ୍ରା ତ ତାଙ୍କର ପିଲାଦିନ ସ୍ବପ୍ନ ଥିଲା। ଆଜି ଯେତେବେଳେ ମନକୁ ମନ ସେହି ସ୍ବପ୍ନ ପୂରଣ ହେବାକୁ ଯାଉଛି ସେ ତାହାକୁ ହାତଛଡ଼ା କରିବେ କିପରି? ତେବେ ତାଙ୍କର ଯାତ୍ରାକୁ ଆସିବା ନେଇ ଶାଶୁଘର ପକ୍ଷରୁ କୌଣସି ଆପତ୍ତି ନ ଥିଲା। ଅତଏବ ଆସିଲେ ଯାତ୍ରାକୁ ସୁଇଟି। ତାଙ୍କର ପ୍ରଥମ ନାଟକ ଥିଲା ସୁନାର ପଞ୍ଜୁରି ମାଟିର ଶାରୀ। ଏଥିରେ ସେ ଖଳନାୟିକା ବା ଡେଭିଲ୍‌ ଚରିତ୍ରରେ ଆସିଥିଲେ ମଞ୍ଚ ଉପରକୁ। ଆଉ ଦର୍ଶକମାନେ ବି ତାଙ୍କର ଚରିତ୍ର ତଥା ଅଭିନୟକୁ ବେଶ୍‌ ପସନ୍ଦ କରିଥିଲେ। ଏହାପରେ ଆଉ ପଛକୁ ଫେରି ଚାହିଁନାହାନ୍ତି ସୁଇଟି। ଏବେ ଆସି ପହଞ୍ଚତ୍ଛନ୍ତି ରାଜଧାନୀ ଅପେରାରେ। ଇତିମଧ୍ୟରେ ସେ ଅନେକ ନାଟକରେ ଅଭିନୟ କରି ସାରିଲେଣି। ତାଙ୍କର କେତୋଟି ସଫଳ ନାଟକ ମଧ୍ୟରେ ରହିଛି ସୁନାର ପଞ୍ଜୁରି ମାଟିର ଶାରୀ, ଗଁାକୁ ଆସିଛି ଗଉରି ନାନୀ, ଗୋଲାପି ଗଁାର ଗୋଲାପି ଝିଅ, ବାଦୀପାଲା, ରାମ ରାବଣ, ଲକ୍ଷେ ଶିବ ପୂଜି ପାଇଛି ତତେ, କେମିତି ଅଛ ନିହାରିକା, ତତେ ଭଲପାଇ ଭୁଲ୍‌ ହେଇଗଲା, ସବୁ ରାଜନୀତି ରାଜଧାନୀରେ ଏବଂ ଆହୁରି ଅନେକ। ଉଭୟ ନେଗେଟିଭ୍‌ ତଥା ପଜିଟିଭ୍‌ ଚରିତ୍ରରେ ଅଭିନୟ କରୁଥିଲେ ମଧ୍ୟ ନେଗେଟିଭ୍‌ ଚରିତ୍ର ତାଙ୍କର ବେଶି ପସନ୍ଦ ବୋଲି କହନ୍ତି ଏହି ଅଭିନେତ୍ରୀ। ତାଙ୍କ ମତରେ ସେ ଜଣେ କଳାକାର ହୋଇଥିବାରୁ ସବୁ ଚରିତ୍ରକୁ ଆପଣାର କରନ୍ତି। ହେଲେ ବି ଦର୍ଶକମାନେ ତାଙ୍କୁ ଅଧିକ ନେଗେଟିଭ୍‌ ଭୂମିକାରେ ଚାହାନ୍ତି।


Enter your email to get our daily news in your inbox.

All Right Reserved By Dharitri.Com

ରାମ କେବଳ ଏକ ଧର୍ମର ନୁହନ୍ତି, ସବୁ ଭାରତୀୟଙ୍କ ରକ୍ତରେ ଅଛନ୍ତି: ଚର୍ଚ୍ଚାରେ ଜାଭେଦ ଅଖତରଙ୍କ ମନ୍ତବ୍ୟ

ବିଶିଷ୍ଟ ଗୀତିକାର ଓ ପଟ୍ଟକଥା ଲେଖକ ଜାଭେଦ ଅଖତର ଭଗବାନ ଶ୍ରୀରାମଙ୍କ ପ୍ରଶଂସା କରି କହିଛନ୍ତି। ରାମ ଏକ ପୂଜନୀୟ ବ୍ୟକ୍ତିତ୍ୱ। ତାଙ୍କ ମହତ୍ତ୍ୱ କୌଣସି ଗୋଟିଏ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?