ପୁରୁଷୋତ୍ତମପୁର,୧୫ା୫(ଡି.ଏନ୍.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ବ୍ଲକର ବିଭିନ୍ନ ପଞ୍ଚାୟତର କ୍ୱାରାଣ୍ଟାଇନ୍ ସେଣ୍ଟରରେ ରହିଥିବା କୋମଳମତି ଶିଶୁଙ୍କୁ ଖେଳଣା, କଣ୍ଢେଇ, ବିସ୍କୁଟ ଦେଇ ସେମାନଙ୍କ ମନ ମୋହି ଚର୍ଚ୍ଚାକୁ ଆସିଛନ୍ତି ପୁରୁଷୋତ୍ତମପୁର ତହସିଲଦାର ଅରୁଣ କୁମାର ନାୟକ। ସରକାରଙ୍କ ପକ୍ଷରୁ ପ୍ରବାସୀଙ୍କ ରହିବା, ଖାଇବା ଆଦି ସମସ୍ତ ବ୍ୟବସ୍ଥା କରାଯାଇଛି ହେଲେ ଶିଶୁଙ୍କ ବିକାଶ ଲାଗି ସେଭଳି କିଛି ବ୍ୟବସ୍ଥା କରାଯାଇ ନାହିଁ। ଯଦ୍ୱାରା ଏକ ପ୍ରକାର ବନ୍ଦୀ ଭାବେ ଏହି ଶିଶୁମାନେ ଅଭିଭାବକଙ୍କ ପାଖରେ ରହି ଅଳି ଅଝଟ କରୁଛନ୍ତି। ଏହି ଘଟଣାକୁ ସେଣ୍ଟର ପରିଦର୍ଶନ ବେଳେ ତହସିଲଦାର ଦେଖି କୋମଳମତି ଶିଶୁଙ୍କ ବିକାଶ ଲାଗି ବିଭିନ୍ନ ପ୍ରକାରର ଖେଳଣା ଏବଂ ଅନ୍ୟାନ୍ୟ ଉପକରଣ ସହ ବିଭିନ୍ନ ସେଣ୍ଟରକୁ ଯାଇ ଶିଶୁମାନଙ୍କୁ ବଣ୍ଟନ କରିଛନ୍ତି। ସେମାନଙ୍କ ସହ ସମୟ ବିତାଇ ଉତ୍ସାହିତ କରି ଶିଶୁଙ୍କ ମନ ଜିଣିିବାରେ ଲାଗିଛନ୍ତି। ତହସିଲଦାରଙ୍କ ଏଭଳି ମାନବିକତାକୁ ନେଇ ସାଧାରଣରେ ବେଶ୍ ପ୍ରଶଂସା କରାଯାଇଛି।
