ଜୟପୁର,୩୧।୧୨(ଡି.ଏନ.ଏ)ରାଜ୍ୟର ଅନ୍ୟତମ ପୁରାତନ ଜୟପୁର ଆକାଶବାଣୀ କେନ୍ଦ୍ର ଜାତୀୟସ୍ତରରେ ପୁରସ୍କୃତ ହୋଇଛି ା ଗତ ମଙ୍ଗଳବାର ଦିଲ୍ଲୀ ମହାନିର୍ଦ୍ଦେଶକଙ୍କ କାର୍ଯ୍ୟାଳୟଠାରେ ଅନୁଷ୍ଠିତ ୪୪ତମ ବାର୍ଷିକ ପୁରସ୍କାର ବିତରଣ ଉତ୍ସବରେ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାଭଡେକର ମୁଖ୍ୟଅତିଥି ଭାବେ ଯୋଗ ଦେଇ ଦୁଇଟି ପୁରସ୍କାର ପ୍ରଦାନ କରିଥିଲେ ା ୨୦୧୬ ନିମନ୍ତେ ଶ୍ରେଷ୍ଠ ଶିଶୁ କାର୍ଯ୍ୟକ୍ରମ ଲାଗି ଜୟପୁର କେନ୍ଦ୍ରର ବରିଷ୍ଠ ଉଦ୍ଘୋଷକ ରଞ୍ଜନ ବେହେରା ପୁରସ୍କାର ଗ୍ରହଣ କରିଥିଲେ ା ସେହିପରି ୨୦୧୭ରେ ଲୋକସେବା ପ୍ରସାରଣ ନିମନ୍ତେ ପ୍ରଯୋଜକ ଜଗଦିଶ ଅଧିକାରୀଙ୍କୁ ଏହି ପୁରସ୍କାର ପ୍ରଦାନ କରାଯାଇଥିଲା। ଦିଲ୍ଲୀଠାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପ୍ରସାର ଭାରତୀ ଅଧ୍ୟକ୍ଷ ଏ. ସୂର୍ଯ୍ୟପ୍ରକାଶ, ମୁଖ୍ୟ କାର୍ଯ୍ୟକାରୀ ଅଧିକାରୀ ଶିଶଶେଖର ଭୀମପତି, ମହାନିର୍ଦ୍ଦେଶକ ଏଫ. ଶେହରିୟାର ପ୍ରମୁଖ ଉପସ୍ଥିତ ଥିଲେ ା ଜୟପୁର ଆକାଶବାଣୀ କେନ୍ଦ୍ର ୧୯୮୭ରୁ ଲଗାତର ପ୍ରତ୍ୟେକବର୍ଷ ପୁରସ୍କାର ପାଉଥିବା ଜଣାଯାଇଛି ା
