ନୂଆଦିଲ୍ଲୀ,୧୬।୫(ପି.ଟି.): ପାକିସ୍ତାନ ପୂର୍ବତନ ଅଲରାଉଣ୍ଡର ତଥା ଅଧିନାୟକ ସହିଦ ଆଫ୍ରିଦି ଏକ ଦୃଷ୍ଟାନ୍ତମୂଳକ କାର୍ଯ୍ୟ କରିଛନ୍ତି। ବାଂଲାଦେଶ ଉଇକେଟକିପର ବ୍ୟାଟ୍ସମ୍ୟାନ ମୁସ୍ଫକର ରହିମ କୋଭିଡ-୧୯ ମହାମାରୀ ମୁକାବିଲା ପାଇଁ ତାଙ୍କ ବ୍ୟାଟ ନିଲାମ କରିବାକୁ ନିଷ୍ପତ୍ତି ନେଇଥିଲେ। ତେବେ ଆଫ୍ରିଦି ଏହି ବ୍ୟାଟ୍କୁ ୨୦,୦୦୦ ଆମେରିକୀୟ ଡଲାର ବା ୧୫ ଲକ୍ଷ ଟଙ୍କାରୁ ଅର୍ଥ ବିନିମୟରେ କ୍ରୟ କରିଛନ୍ତି।
ଗତ ମାସ ବ୍ୟାଟ ନିଲାମ କରିବାକୁ ମୁସ୍ଫିକର ଘୋଷଣା କରିଥିଲେ। ଏହି ବ୍ୟାଟ୍ରେ ୨୦୧୩ରେ ଶ୍ରୀଲଙ୍କା ବିପକ୍ଷରେ ଦ୍ୱିଶତକ ଅର୍ଜନ କରିଥିଲେ। କରୋନା ମୁକାବିଲା ପାଇଁ ସେ ପାଣ୍ଠି ସଂଗ୍ରହ ଉଦ୍ଦ୍ୟେଶରେ ଏହି ନିଷ୍ପତ୍ତି ନେଇଥିଲେ। ଆଫ୍ରିଦି ତାଙ୍କା ଫାଉଣ୍ଡେଶନ ପାଇଁ ଏହି ବ୍ୟାଟ କ୍ରୟ କରିଛନ୍ତି। ଆଫ୍ରିଦିଙ୍କ ଭଳି ଜଣେ ମହାନ ଖେଳାଳି ମୋ ବ୍ୟାଟ୍ କ୍ରୟ କରିଥିବାରୁ ଗର୍ବ ଅନୁଭବ କରୁଛି ମୁସ୍ଫିକର କହିଛନ୍ତି।
ଗତ ସପ୍ତାହରେ କେତେକ ନକଲି ବିଡର ଏହି ନିଲାମରେ ସାମିଲ ହୋଇଥିଲେ ଓ ପୂରା ପ୍ରକ୍ରିୟାକୁ ଅନିଶ୍ଚିତତାକୁ ଟାଣି ନେଇଥିଲେ। ଫଳରେ ନିଲାମକୁ ସସ୍ପେଣ୍ଡ କରିବାକୁ ନିଷ୍ପତ୍ତି ନେଇଥିଲୁ। ଏଭଳି ସ୍ଥିତିରେ ଖରବ ପାଇଁ ସହିଦ ଭାଇ ବ୍ୟକ୍ତିଗତ ଭାବେ ମୋ ସହିତ କଥା ହୋଇଥିଲେ ଓ ମେ ୧୩ ତାରିଖରେ ଚିଠି ଲେଖି ୧୬.୮ ବାଂଲାଦେଶ ଟାକା ବିନିମୟରେ ବ୍ୟାଟ୍ କିଣିବାକୁ ଇଚ୍ଛା ପ୍ରକାଶ କରିଥିଲେ। ମୁସ୍ଫିକର ମଧ୍ୟ ତାଙ୍କ ଟୁଇଟର ହ୍ୟାଣ୍ଡଲ୍ରେ ଆଫ୍ରିଦିଙ୍କ ଭିଡିଓ ମେସେଜ ଅପଲୋଡ କରିଛନ୍ତି। ଭିଡିଓରେ ଆଫ୍ରିଦି ମୁସ୍ଫିକରଙ୍କୁ ତାଙ୍କ କାର୍ଯ୍ୟ ପାଇଁ ପ୍ରଶଂସା କରିଛନ୍ତି।
ଉଲ୍ଲେଖଥାଉ କି, କରୋନା ଭାଇରସ୍ ବିରୋଧ ଲଢେଇରେ ବହୁ କ୍ରିକେଟର ସାମିଲ ହୋଇଛନ୍ତି। ଭାରତୀୟ ଅଧିନାୟକ ବିରାଟ କୋହଲି, ପୂର୍ବତନ ଦକ୍ଷିଣ ଆଫ୍ରିକା ବ୍ୟାଟ୍ସମ୍ୟାନ ଏବି ଡିଭିଲର୍ସ ସେମାନଙ୍କ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) କିଟ୍ର ନିଲାମ କରିବାକୁ ନିଷ୍ପତ୍ତି ନେଇଥିଲେ। ଇଂଲଣ୍ଡ ଉଇକେଟକିପର ଜୋସ ବଟଲର ମଧ୍ୟ ତାଙ୍କ ବିଶ୍ୱକପ୍ ଫାଇନାଲ ଶାର୍ଟକୁ ନିଲା କରି ୬୫,୦୦୦ ପାଉଣ୍ଡ ଅର୍ଥର ପାଣ୍ଠି ସଂଗ୍ରହ କରିଥିଲେ।
