ମୁମ୍ବାଇ,୨୬।୩(ପି.ଟି.)- କୋଭିଡ-୧୯ ମହାମାରୀର ରୂପ ନେଇ ସାରିଥିବା ବେଳେ ଏହି ଭାଇରସ୍ର ସଂକ୍ରମଣକୁ ରୋକିବା ପାଇଁ ମୁମ୍ବାଇ କ୍ରିକେଟ ଆସୋସିଏଶନ (ଏମ୍ସିଏ) ମହରାଷ୍ଟ୍ର ସରକାରଙ୍କୁ ୫୦ ଲକ୍ଷ ଟଙ୍କା ଦାନ କରିବ। ଏମ୍ସିଏ ସମ୍ପାଦକ ସଞ୍ଜୟ ନାଏକ ଏ ନେଇ ସୂଚନା ଦେଇଛନ୍ତି। ଗୁରୁବାର ଏମ୍ସିଏ ଆପେକ୍ସ କାଉନସିଲର ବୈଠକ ବସିଥିଲା। ଅର୍ଥ ଦାନ ନେଇ ଏହି ବୈଠକରେ ଆସୋସିଏଶନ ଅଧ୍ୟକ୍ଷ ଓ ସମ୍ପାଦକଙ୍କୁ ଅଧିକାର ପ୍ରଦାନ କରାଯାଇଥିଲା ବୋଲି ନାଏକ କହିଛନ୍ତି। ଏହି ଅର୍ଥ ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ପ୍ରଦାନ କରାଯିବ।
ଯଦି ସରକାର ଆବଶ୍ୟକ କରନ୍ତି ତାହେଲେ କ୍ୱାରେଣ୍ଟାଇନ୍ ପାଇଁ ଓ୍ବାଙ୍ଖଡେ ଷ୍ଟାଡିୟମକୁ ପ୍ରସ୍ତୁତ କରିବାକୁ ଆମେ ପ୍ରସ୍ତୁତ ଅଛୁ ବୋଲି ଏମସିଏ ତରଫରୁ କୁହାଯାଇଛି। ଉଲ୍ଲେଖଥାଉ କି, ମହାରାଷ୍ଟ୍ର ଦେଶର ସବୁଠାରୁ କୋଭିଡ-୧୯ ପ୍ରଭାବିତ ରାଜ୍ୟ ଭାବେ ପରିଗଣିତ ହେଉଛି।
