ଭାରତୀୟ ମହିଳାମାନେ ସାଧାରଣତଃ ବ୍ରତ ଉପବାସ କରିଥାନ୍ତି। କିନ୍ତୁ ଗୋଟିଏ ପକ୍ଷୀ ନିର୍ଜଳା ବ୍ରତ କରୁଥିବା କେବେ ଶୁଣିଛନ୍ତି। ଅବିଶ୍ୱାସ ଲାଗୁଥିଲେ ବି ସତ। ଆସନ୍ତୁ ଜାଣିବା ଏହି ପକ୍ଷୀ ସମ୍ପର୍କରେ…
ପକ୍ଷୀଟି ଦିନେ ନୁହେଁ କି ମାସେ ନୁହେଁ ପୂରା ବର୍ଷସାରା ପାଣି ପିଇ ନ ଥାଏ। କେବଳ ସ୍ବାତୀ ନକ୍ଷତ୍ରରେ ବର୍ଷା ହେଲେ ପାଣି ପିଇଥାଏ। ଯଦି ଏହି ନକ୍ଷତ୍ରରେ ବର୍ଷା ନ ହେଲା ତେବେ ବର୍ଷସାରା ପକ୍ଷୀଟି ପାଣି ନ ପିଇ ରହିଥାଏ। ପକ୍ଷୀଟିର ନାମ ହେଲା ଚାତକ।
ଏହି ପକ୍ଷୀ ଦେଖିବାକୁ ମିଶ୍ରିିତ କଳାଧଳା। ସମସ୍ତ ଗରମ ଦେଶରେ ଏହା ଦେଖିବାକୁ ମିଳିଥାଏ। କୋଇଲି ପରି ଚାତକ ମଧ୍ୟ ଅଲଗା ଚଢ଼େଇ ବସାରେ ଅଣ୍ଡା ରଖିଥାଏ। ସମୟ ଆସିଲେ ଅଣ୍ଡାରୁ ଛୁଆ ଫୁଟି ଉଡ଼ି ଯାଇଥାଏ। ଏହା କୀଟପତଙ୍ଗ ଖାଇଥାଏ। ଏହି ପକ୍ଷୀ ଅତ୍ୟନ୍ତ ଶାନ୍ତ ସ୍ବଭାବର। ଭାରତ, ପାକିସ୍ତାନ, ବାଂଲାଦେଶ ଏବଂ ଶ୍ରୀଲଙ୍କାରେ ଏହା ଦେଖିବାକୁ ମିଳିଥାଏ। ଚାତକର ସ୍ବର କୋଇଲି ସହ ଟିକେ ମେଳ ଖାଇଥାଏ। ଘଞ୍ଚ ଜଙ୍ଗଲରେ ମଧ୍ୟ ଏହି ପକ୍ଷୀ ଦେଖାଯାଏ। ବିଶେଷକରି ଜହ୍ନରାତିରେ ଏହାର ସୁଲଳିତ ସ୍ବର ଶୁଣିବାକୁ ମିଳିଥାଏ। ବର୍ଷା ହେଲେ ଚାତକ ଉପରକୁ ମୁହଁ କରି ପାଣି ପିଇଥାଏ।
