କେସିଙ୍ଗା,୨୫।୮(ଡି.ଏନ.ଏ.):କଳାହାଣ୍ଡି ଜିଲା କେସିଙ୍ଗା ବ୍ଲକସ୍ଥିତ କୃଷି କାର୍ଯ୍ୟାଳୟ ପରିସରରେ ଆତ୍ମା ଆନୁକୂଲ୍ୟରେ କୃଷକ ସାଥି ଓ ଆତ୍ମାସଭ୍ୟମାନଙ୍କ ଏକ ସଚେତନତା ଶିବିର ରବିବାର ଅନୁଷ୍ଠିତ ହୋଇଯାଇଛି । ଏହି ଶିବିରରେ କୃଷି ବିଭାଗ, ପ୍ରାଣୀ ବିଭାଗ, ଉଦ୍ୟାନ ବିଭାଗର ବିଭିନ୍ନ ଯୋଜନାଗୁଡିକୁ କୃଷକମାନଙ୍କ ପାଖରେ ସରଳ ଉପାୟରେ ପହଞ୍ଚାଇବା ପାଇଁ ଏହି ଏକ ଦିନିଆ ସଚେତନା କାର୍ଯ୍ୟକ୍ରମରେ କୃଷକ ସାଥି ଓ ଆତ୍ମାର ସଭ୍ୟମାନଙ୍କୁ ତାଲିମ ପ୍ରଦାନ କରାଯାଇଥିଲା । ଏଥିରେ କୃଷି ବିଭାଗ ସହକାରୀ କୃଷି ଅଧିକାରୀ ବିଶ୍ୱନାଥ ମହାପାତ୍ର, ଉଦ୍ୟାନ ବିଭାଗ ଉଦ୍ୟାନ ସହକାରୀ ଅଧିକାରୀ ଅନନ୍ତ ନାରାୟଣ ପଣ୍ଡା, ପ୍ରାଣୀ ସମ୍ପଦ ବିଭାଗ ପ୍ରାଣୀ ଚିକିତ୍ସକ ଡ. ମନରଞ୍ଜନ ପରିଡା ପ୍ରମୁଖ ବିଶେଷଜ୍ଞମାନେ କୃଷକ ସାଥି ଓ ଆତ୍ମାର ସଭ୍ୟମାନଙ୍କୁ ତାଲିକ ପ୍ରଦାନ କରିଥିଲେ। ବ୍ଲକ ବୈଷୟିକ ଲୋକନାଥ ପାଇକରାୟ ଶିବିର ପରିଚାଳନା କରିଥିଲେ ।
