ମନୁଷ୍ୟ ଶରୀରର ଗୁରୁତ୍ୱପୂର୍ଣ୍ଣ ଅଙ୍ଗ ମଧ୍ୟରେ କିଡ୍ନୀ ବା ବୃକକ୍ ଅନ୍ୟତମ। ଶରୀରରେ ପାଣି ଭଳି ବିଭିନ୍ନ ତରଳପଦାର୍ଥ ଯଥା ମିନେରାଲ ଓ କେମିକାଲର ସ୍ତର ଠିକ୍ ରଖିବା ସହ ଶରୀରକୁ କ୍ଷତି ପହଞ୍ଚାଉଥିବା ଟକ୍ସିନ୍କୁ ବାହାର କରିଥାଏ। ଅନେକ ସମୟରେ ଖାଦ୍ୟପେୟରେ ଅନିୟମିତତା ଲାଗି କିଡ୍ନୀଜନିତ ବିଭିନ୍ନ ସମସ୍ୟା ଦେଖାଯାଇଥାଏ। ଏଥିମଧ୍ୟରୁ କିଡ୍ନୀ ଷ୍ଟୋନ୍ ଅନ୍ୟତମ। ଏହି ଷ୍ଟୋନକୁ ବାହାର କରିବା ଲାଗି ଅନେକ ସମୟରେ ଅସ୍ତ୍ରୋପଚାର କରିବାକୁ ପଡ଼ିଥାଏ, ମାତ୍ର କେତେକ ଘରୋଇ ଉପଚାର ମାଧ୍ୟମରେ ଏହି ସମସ୍ୟାରୁ ମୁକ୍ତି ପାଇପାରିବେ। ଜାଣନ୍ତୁ ସେ ସମ୍ପର୍କରେ-
ପାଣି: ଅଧିକ ମାତ୍ରାରେ ପାଣି ପିଇବା ଶରୀର ପାଇଁ ଲାଭଦାୟକ। ଦିନକୁ ୭ରୁ ୮ ଗ୍ଲାସ ପାଣି ପିଇବା ଜରୁରୀ। ଏପରି କରିବା ଦ୍ୱାରା ଶରୀରରେ ଥିବା ଟକ୍ସିନ୍ ପରିସ୍ରା ଦ୍ୱାରା ବାହାରକୁ ବାହାରିଥାଏ। ଏଥିସହ ଅଧିକ ପାଣିପିଇବା ଫଳରେ ଷ୍ଟୋନ ପରିସ୍ରାରେ ବାହାରକୁ ବାହାରି ଆସେ।
ଓଲିଭ୍ ଅଏଲ୍ ଓ ଲେମନ୍ ଜୁସ୍:
ଯଦି ଆପଣଙ୍କ କିଡ୍ନୀରେ ଷ୍ଟୋନ ସମସ୍ୟା ରହିଛି ଏବଂ ବିନା ଅସ୍ତ୍ରୋପଚାରରେ ଆପଣ ଏଥିରୁ ମୁକ୍ତିପାଇବାକୁ ଚାହଁୁଛନ୍ତି ତେବେ ଆପଣ ଓଲିଭ୍ ଅଏଲ୍ରେ ଲେମ୍ବୁରସ ମିଶାଇ ପିଇବା ଫଳରେ ଏହି ସମସ୍ୟା ଦୂର ହୋଇଥାଏ। ଲେମ୍ବୁରସ ଷ୍ଟୋନ୍କୁ ଭାଙ୍ଗିବାରେ ସାହାଯ୍ୟ କଲାବେଳେ ଓଲିଭ୍ ଅଏଲ୍ ଏହାକୁ ବାହାରକୁ କାଢ଼ିବାରେ ସହାୟକ ହୋଇଥାଏ।
ସେଓ ରସ:
ସେଓ ରସରେ ସାଇଟ୍ରିକ୍ ଏସିଡ୍ ରହିଥାଏ। ଏହା କିଡ୍ନୀ ଷ୍ଟୋନ୍କୁ ଭାଙ୍ଗି ଛୋଟ ଛୋଟ ଖଣ୍ଡରେ ପରିଣତ କରିଥାଏ। ଏଥିସହ ଶରୀରରୁ ଟକ୍ସିନ୍ କାଢ଼ିବାରେ ମଧ୍ୟ ସାହାଯ୍ୟ କରିଥାଏ।
ଡାଳିମ୍ବ ରସ:
ଡାଳିମ୍ବ ରସ ଆଣ୍ଟିଅକ୍ସିଡାଣ୍ଟ ଗୁଣରେ ଭରପୂର। ଏହା ଶରୀରର ପାଚନତନ୍ତ୍ରକୁ ଶକ୍ତ କରିଥାଏ। ଏହା ଶରୀରରୁ ଜଳୀୟଅଂଶ ସମସ୍ୟା ଦୂର କରି କିଡ୍ନୀ ଷ୍ଟୋନରୁ ମୁକ୍ତି ଦେଇଥାଏ।
ଅଁଳା:
ଅଁଳା ମଧ୍ୟ କିଡ୍ନୀ ଷ୍ଟୋନରୁ ମୁକ୍ତି ଦେଇଥାଏ। ପ୍ରତିଦିନ ଏକ ଚାମଚ
ଅଁଳା ଗୁଣ୍ଡ ଖାଇବା ଫଳରେ ଏଥିରୁ ମୁକ୍ତି ମିଳିଥାଏ।
