ବିନିକା,୧୪ା୬(ଡି.ଏନ୍.ଏ.)-ସୁବର୍ଣ୍ଣପୁର ଜିଲା ବିନିକା ଥାନା ଅଧୀନ ଖଇରମାଳ ଗ୍ରାମରେ ରବିବାର ସକାଳେ ଏକ ହତ୍ୟାକାଣ୍ଡ ଘଟିଛି ା ଜଣେ ଯୁବକ ଜନ୍ମଦାତ୍ରୀ ମା’ଙ୍କୁ କାଠ ଫାଳିଆରେ ପିଟି ହତ୍ୟା କରିଛିି ା ଏହି ଘଟଣାରେ ପୋଲିସ ଅଭିଯୁକ୍ତ ପୁଅ ଗଣେଶ ଭୁଏ(୩୦)ଙ୍କୁ ଗିରଫ କରିଛି ା ହତ୍ୟାକାଣ୍ଡରେ ବ୍ୟବହୃତ ରକ୍ତ ଜୁଡୁବୁଡୁ କାଠଫାଳିଆକୁ ଜବତ କରାଯାଇଛି ା
ପ୍ରକାଶ ଯେ, ଗଣେଶ ସକାଳୁ ଉଠି କୌଣସି କାରଣ ନେଇ ଘରର ସଦସ୍ୟଙ୍କୁ ଗାଳିଗୁଲଜ କରିବା ସହ ପାଟିତୁଣ୍ଡ କରିଥିଲେ ା ଏହି ସମୟରେ ତାଙ୍କ ମା’ ସତ୍ୟ ଭୁଏ(୬୦) ଘର ସମ୍ମୁଖରେ ନିଜ ମୁହଁ ହାତ ଧୋଉଥିଲେ ା ତେବେ ସେ ହଠାତ୍ ନିଜର ହିତାହତ ଜ୍ଞାନ ଭୁଲିଯାଇ ନିକଟରେ ପଡିଥିବା ଏକ କାଠଫାଳିଆରେ ମା’ଙ୍କୁ ପିଟିଥିଲେ ା ତଳେ ପଡିଯିବା ପରେ ସେ ମାଙ୍କ ମୁଣ୍ଡକୁ ବାରମ୍ବାର ପ୍ରହାର କରି ଚାଲିଥିଲେ ା ଏହାଦେଖି ଗଣେଶଙ୍କ ବାପା ଫଗୁନୁ ଭୁଏ (୬୫) ଓ ବିବାହିତା ବଡ ଭଉଣୀ ମାଳତୀ ତାଙ୍କୁ ଏଥିରୁ ନିବୃତ୍ତ ହେବା ପାଇଁ ଚେଷ୍ଟା କରିଥିଲେ ହେଁ ବିଫଳ ହୋଇଥିଲେ ା ଶେଷରେ ବୃଦ୍ଧା ମା’ଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିଲା। ଖବର ପାଇ ବିନିକା ଥାନା ଆଇଆଇସି କୁଶ ପାଣିଗ୍ରାହୀ ଘଟଣାସ୍ଥଳରେ ପହଞ୍ଚି ଗଣେଶଙ୍କୁ ଗିରଫ କରିଥିଲେ। ଏହାପରେ ପୋଲିସ ଜବତ ମୃତଦେହକୁ ବିନିକା ମେଡିକାଲରେ ବ୍ୟବଚ୍ଛେଦ କରାଇ ପରିବାର ଲୋକଙ୍କୁ ହସ୍ତାନ୍ତର କରିଥିଲା। ଏ ନେଇ ବିନିକା ଥାନାରେ ଏକ ମାମଲା (ନଂ. ୧୫୧/୨୦) ରୁଜୁ ହୋଇଛି ା ଥାନା ଅଧିକାରୀ ପାଣିଗ୍ରାହୀଙ୍କୁ ପଚାରିବାରୁ ଲକ୍ଡାଉନ୍ ସମୟରେ ମା’ କାମ କରିଯିବାକୁ ବାରମ୍ବାର କହିବାରୁ ଗଣେଶ ଏଭଳି କାଣ୍ଡ କରିଥିବା ପୋଲିସ ନିକଟରେ ପ୍ରକାଶ କରିଛନ୍ତି ା ତେବେ ତଦନ୍ତ ଜାରୀ ରହିଛି ବୋଲି ସେ କହିଛନ୍ତି।
