ୱାଶିଂଟନ, ୪ ।୪: ପୃଥିବୀରେ କରୋନ ସଂକ୍ରମଣ ଯୋଗୁ ଆତଙ୍କ ଜାରି ରହିଛି । ଏପରିସ୍ଥଳେ କଲୋରାଡୋ ବିଶ୍ୱବିଦ୍ୟାଳୟର ପାଣିପାଗ ବିଭାଗ ହୋଇଥିବା ଏକ ଅନୁଧ୍ୟାନରୁ ଜଣା ପଡ଼ିଛି ଯେ, ଚଳିତ ୨୦୨୦ ବର୍ଷରେ ୧୬ରୁ ଅଧିକ ସାମୁଦ୍ରିକ ଝଡ଼ ଯୋଗୁ ପୃଥିବୀର ବିଭିନ୍ନ ଦେଶ ଉପରେ ବିପଦ ଦେଖାଦେବ । ଆଟଲାଣ୍ଟିକ୍ ମହାସାଗର ଉପରେ ବାୟୁର ଗତିରୁ ଏପରି ପୂର୍ବାନୁମାନ କରାଯାଇଛି । ବାତ୍ୟା ମଧ୍ୟରେ ୮ ହରିକେନ୍ ରହିବାର ଅନୁମାନ କରାଯାଇଛି । ସେଥିମଧ୍ୟରୁ ୪ଟି ହରିକେନ୍ ବେଶ୍ ଶକ୍ତିଶାଳୀ ହେବ । ଏସବୁ ଦ୍ୱାରା ବହୁ କ୍ଷୟକ୍ଷତିର ଆଶଙ୍କା ମଧ୍ୟ ରହିଛି । ଏହାଯୋଗୁ ପ୍ରଭାବିତ ଅଞ୍ଚଳରେ ଘଣ୍ଟାପ୍ରତି ୧୧୧ କିଲୋମିଟରୁ ଅଧିକ ବେଗରେ ପବନ ବହିବାର ସମ୍ଭାବନା ରହିଛି । ଜୁନ୍ ୧ରୁ ନଭେମ୍ବର ୩୦ ମଧ୍ୟରେ ଏସବୁ ସାମୁଦ୍ରିକ ଝଡ଼ ଅନୁଭୁତ ହେବାର ସମ୍ଭାବନା ରହିଥିବା ପାଣିପାଗ ବିଭାଗ ପକ୍ଷରୁ ପୂର୍ବାନୁମାନ କରାଯାଇଛି । ସାମୁଦ୍ରିକ ଝଡ଼ ଯୋଗୁ ଆମେରିକାରେ ୬୯ ପ୍ରତିଶତ ଭୂସ୍ଖଳନ ହେବାର ଆଶଙ୍କା ଥିବା ପାଣିପାଗ ବିଭାଗ କହିଛି ।
