‘ଓଡ଼ିଶାରେ କାହାଣୀ, କବିତା ଭରି ରହିଛି’

ପ୍ରିୟା ମଲ୍ଲିକ। କେବଳ ସେ ଜଣେ କବିତା ବା କାହାଣୀକାର ନୁହନ୍ତି, ଅଭିନେତ୍ରୀ, ଟେଡ୍‌ଏକ୍ସ ସ୍ପିକର୍‌, ଶିକ୍ଷୟିତ୍ରୀ, ହାସ୍ୟକାର ଭାବେ ପରିଚିତ। ୩୪ବର୍ଷୀୟ ପ୍ରିୟା ଟିଭି ଶୋ’ ମାଧ୍ୟମରେ ଦର୍ଶକଙ୍କ ପାଖେ ପହଞ୍ଚିଥିଲେ ବି ନିଜର କବିତାବୃତ୍ତି ମାଧ୍ୟମରେ ସେ ଦୀର୍ଘଦିନ ଧରି ଲୋକଙ୍କ ନିକଟରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି। ସୋସିଆଲ ମିଡିଆରେ ପ୍ରିୟା ସମ୍‌ଟାଇମ୍ସ ମାଧ୍ୟମରେ ସେ କବିତାବୃତ୍ତି କରି ଦର୍ଶକଙ୍କ ପାଖେ ପହଞ୍ଚାଇଥାନ୍ତି। ଦିନେ ଟିଭି ପରଦାରେ ଓ ମଞ୍ଚରେ ରହୁଥିବା ପ୍ରିୟା ନିଜ ପେଜ୍‌ ମାଧ୍ୟମରେ ଅଧିକ ଲୋକପ୍ରିୟ ହୋଇପାରିଛନ୍ତି। ପ୍ରେମ, ରୋମାନ୍ସ, ସୋସିଆଲ ବାର୍ତ୍ତା ଭଳି ଶବ୍ଦକୁ ସେ ନିଜ କବିତାରେ ସ୍ଥାନ ଦିଅନ୍ତି। କବିତା ଲେଖି ସେ ଆବୃତ୍ତି କରନ୍ତି। ତାଙ୍କ ସ୍ବରଚିତ ଏକାଧିକ କବିତା ବିଶ୍ୱସ୍ତରରେ ଆଦୃତି ଲାଭ କରିଛି। ଗତବର୍ଷ ସେ ‘ସୁଫି ଇସ୍କ’ ନାମକ ଏକ ପୁସ୍ତକ ରଚନା କରିଛନ୍ତି। ଭୁବନେଶ୍ୱରରେ ଆୟୋଜିତ ‘ଡଟ୍‌ ଫେଷ୍ଟ’ର ସୋମବାର ଦ୍ୱିତୀୟ ସାରେ ନିଜର ପ୍ରଦର୍ଶନ ଦେବାକୁ ଆସିଥିବା ସମୟରେ ଧରିତ୍ରୀ ସହ ତାଙ୍କର ସ୍ବତନ୍ତ୍ର ଆଳାପ।

କବିତାବୃତ୍ତିର ଯାତ୍ରା କିପରି ଆରମ୍ଭ ହୋଇଥିଲା?
୧୨ବର୍ଷରୁ ଲେଖିବା ଆରମ୍ଭ କରିଥିଲି। କିନ୍ତୁ ସେତେବେଳେ ଭାବି ନ ଥିଲି କବିତା ଏକ କ୍ୟାରିୟର ହୋଇପାରିବ। ଆଜିଠୁ ୫/୬ ବର୍ଷ ପୂର୍ବରୁ ଯେବେ ଦେଖିଲି ୟୁଟ୍ୟୁବ୍‌ରେ ଲୋକମାନେ ଏହାକୁ ଶୁଣୁଛନ୍ତି, ବାସ୍‌ ସେବେଠୁ ଆରମ୍ଭ ହୋଇଥିଲା କବିତାବବୃତ୍ତିର ଯାତ୍ରା। ଟଙ୍କା କି ଖ୍ୟାତି ପାଇଁ ନୁହେଁ, କେବଳ ଭଲପାଇବା ପାଇବା ପାଇଁ ଏହା ଆରମ୍ଭ କରିଥିଲି। ଆଉ ଯେଉଁଥିପାଇଁ ଆଜି ମୋତେ ଲୋକଙ୍କଠାରୁ ଏତେ ଭଲ ପାଇବା ମିଳୁଛି।
ଆପଣଙ୍କ ଏତେସବୁ କବିତା ଭିତରେ ଅତିପ୍ରିୟ କେଉଁଟା?
ସବୁଠୁ ପ୍ରିୟ କବିତା ହେଉଛି ସେହି କବିତା, ଯାହା ମୋ ଶ୍ରୋତାଙ୍କର ଅତି ପ୍ରିୟ। ‘ମେ ଦୋ ହଜାର ମେ ଉନିଶ ନେୟାନବେ ଢୁଣ୍ଡ ରେହି ହୁଁ।’ ମୁଁ ଭାବୁଛି ଏହା ହିଁ ଏକ ହନେଷ୍ଟ ଭର୍ସନ ଅଫ୍‌ ପ୍ରିୟା ।
କବିତା ମାଧ୍ୟମରେ କ’ଣ ଭେଟି ଦିଅନ୍ତି?
ମନୋରଞ୍ଜନ ସହିତ କିଛି ଭାବନା ରହିବା ଦରକାର। ସେଥିପାଇଁ ମୋର ସବୁ କବିତାରେ ଏମିତି କିଛି ଥାଏ, ଯାହା ଲୋକଙ୍କୁ ଭାବିବାକୁ ବାଧ୍ୟ କରେ। କବିତାରେ ସବୁବେଳେ ସାମାଜିକ ଧାରଣା ରହିଥାଏ। ଏବେ ମୁଁ ମୋ କବିତାରେ ଗୀତ ମଧ୍ୟ ଯୋଡିଛି। କବିତା ଓ ଗୀତର ଏହି ସଂଯୋଗ ମାଧ୍ୟମରେ ଶ୍ରୋତାଙ୍କୁ ନୂଆ ଅନୁଭବର ଭେଟି ଦେଉଛି।
ବର୍ତ୍ତମାନ ସମୟରେ କବିତାବୃତ୍ତିର ମୂଲ୍ୟ କ’ଣ ରହିଛି?
ଦେଶର ପରମ୍ପରା ହିଁ କବିତା ଓ କାହାଣୀ ଶୁଣାଇବା ସହ ଜଡ଼ିତ ରହିଛି। ପୁରୁଣା ସମୟରୁ ନେଇ ଆଜିଯାଏ ଜେଜେ ଓ ଜେଜେମା’ଙ୍କଠାରୁ କବିତା, ଗୀତ ଶୁଣିବାକୁ ମିଳେ। ସେହି ପରମ୍ପରାକୁ ଆଗକୁ ନେବାରେ ଏହା ହିଁ ଏକ ଉତ୍କୃଷ୍ଟ ମାଧ୍ୟମ। ଏହା କିଛି ନୂଆ ନୁହେଁ। କିନ୍ତୁ ଖାସ୍‌ କଥା ଏହା ଯେ, ଏହି ପରମ୍ପରା ବର୍ତ୍ତମାନ କ୍ୟାରିୟରେ ପରିଣତ ହେଉଛି। ମୁଁ ଗର୍ବରେ କହିବି ଯେ ମୁଁ ଜଣେ ଫୁଲ୍‌ ଟାଇମ କବିତା ଓ କାହାଣୀକାର।
ନିକଟରେ ଆପଣ ବିବାହ କରିଛନ୍ତି। ନୂଆ ଜୀବନକୁ ନେଇ ଦୁଇପଦ?
ବଡ଼ ବଡ଼ ଲୋକମାନେ କହିଛନ୍ତି, ବିବାହ ଏକ ଏମିତି ଲଡ଼ୁ ଯିଏ ଖାଇବ ପସ୍ତେଇବ ଯିଏ ନ ଖାଇବ ମଧ୍ୟ ପସ୍ତେଇବ। କିନ୍ତୁ ବିବାହ ଏକ ସୁନ୍ଦର ବନ୍ଧନ। ନିଜ ନିଜ ମଧ୍ୟରେ ଭଲପାଇବା ସହ ଭୁଲ୍‌ ବୁଝାମଣାଠୁ ଦୂରରେ ରହିଲେ ଏହା ପୃଥିବୀର ଏକ ଶ୍ରେଷ୍ଠ ସମ୍ପର୍କ।
ଫ୍ୟାନ୍ସମାନଙ୍କ ପାଇଁ କ’ଣ କହିବେ?
ମୁହଁରୁ ଶୁଣୁଥିବାରୁ ସମସ୍ତଙ୍କୁ ଧନ୍ୟବାଦ। ଜଣେ କଳାକାର ତା’ ଶ୍ରୋତାଙ୍କ ବିନା କିଛି ନୁହେଁ। ଆମ ପାଇଁ ଦର୍ଶକଙ୍କ ଉପସ୍ଥିତି ସବୁଠ ବେଶି ଜରୁରୀ। ଦର୍ଶକ ହୋଇ ଶୁଣୁଥିବା ପାଇଁ କୃତଜ୍ଞତା ଜଣାଉଛି।
ଓଡ଼ିଶାର ଶ୍ରୋତାଙ୍କ ପାଇଁ ଆପଣଙ୍କ ମୁହଁରୁ କିଛି?
ଶ୍ରୋତା ନିହାତି ଭାବେ ସୁନ୍ଦର। ଓଡ଼ିଶାର କଳା ଓ ସଂସ୍କୃତି ବହୁତ ବଡ ବୋଲି ମୁଁ ଅନୁଭବ କରିଛି। ଲୋକେ ମୁମ୍ବାଇ, ଦିଲ୍ଲୀରେ ବସି ଭାବନ୍ତି ଯେ ଏହାହିଁ ଦୁନିଆ। କିନ୍ତୁ ଆମେ ଯେବେ ବାହାରକୁ ଆସନ୍ତି, ଜାଣିପାରନ୍ତି ଯେ ଦୁନିଆ ପ୍ରକୃତରେ କେତେ ସୁନ୍ଦର। ମୁଁ ଓଡ଼ିଶାର ଝାରସୁଗୁଡ଼ା, ରାଉରକେଲା, ଭୁବନେଶ୍ୱର ବୁଲିଛି। ଏଠାରେ କାହାଣୀ ଓ କବିତା ଭରି ରହିଛି। ମୋତେ ଦେଖି ଏସବୁ ବେଶି ଖୁସି ଲାଗୁଛି।
ଆଗାମୀ ଦିନରେ ଓଡ଼ିଶା ଆସିବାକୁ ଚାହିଁବେ?
ପୂର୍ବରୁ ଥରେ ଭୁବନେଶ୍ୱର ଆସିଥିଲି। କିନ୍ତୁ ଓଡ଼ିଶାର ବାକି ଜାଗା ଏଥର ଦେଖୁଛି। ଏଠାରେ ବହୁତ ମନ୍ଦିର ଅଛି, ଯାହା ଏଯାଏ ମୁଁ ଦେଖିନାହଁ। ଆଗକୁ ଏକ ସ୍ବତନ୍ତ୍ର୍‌ ଟ୍ରିପ୍‌ କରି ଏଠାକୁ ଆସି ସବୁ ମନ୍ଦିର ଦର୍ଶନ କରିବି।
ସାକ୍ଷତ୍‌କାର: ଶର୍ମିଷ୍ଠା ପାଣିଗ୍ରାହୀ


Enter your email to get our daily news in your inbox.

All Right Reserved By Dharitri.Com

‘ଅକ୍ୱାନ’ ମୁକାବିଲାରେ ଲୋକଙ୍କ ସାଙ୍ଗରେ ରୁହ: ନବୀନ

ଭୁବନେଶ୍ୱର, ୧୮।୧୧(ସୁନିତ୍‌ ମିଶ୍ର): ବାତ୍ୟା ‘ଅକ୍ୱାନ୍‌’କୁ ଦୃଷ୍ଟିରେ ରଖି ବିପଦ ସମୟରେ ଲୋକଙ୍କ ସହିତ ରହିବା ପାଇଁ ସମସ୍ତ ବିଜେଡି ନେତା ଓ କର୍ମୀଙ୍କୁ ଦଳର ସଭାପତି…

IMDର ବଡ଼ ସୂଚନା; ଦୁର୍ବଳ ହେଉଛି ଅକ୍ୱାନ୍‌, ଲ୍ୟାଣ୍ଡଫଲ ସମୟରେ…..

ଭୁବନେଶ୍ୱର,୧୮।୧୧: ସମ୍ଭାବ୍ୟ ବାତ୍ୟା ‘ଅକ୍ୱାନ୍‌’କୁ ନେଇ ଆସିଛି ନୂଆ ସୂଚନା। ଦୁଇଟି ଗୁରୁଚାପ ବଳୟ ମଧ୍ୟରେ ବାତ୍ୟା କ୍ରମଶଃ ଦୁର୍ବଳ ହେଉଥିବା ନେଇ ଭାରତୀୟ ପାଣିପାଗ ବିଭାଗ…

ମୁଖ୍ୟମନ୍ତ୍ରୀଙ୍କ ବାତ୍ୟା ଅକ୍ବାନ୍ ସମୀକ୍ଷା ; ଓଡ଼ିଶାରେ ଲ୍ୟାଣ୍ଡଫଲ୍‌! ୪୬ ହଜାରରୁ ଅଧିକ ଲୋକ ସ୍ଥାନାନ୍ତର

ଭୁବନେଶ୍ୱର,୧୮।୧୧: ସମ୍ଭାବ୍ୟ ବାତ୍ୟାର ମୁକାବିଲା ପାଇଁ ବ୍ୟାପକ ପ୍ରସ୍ତୁତି କରିଛନ୍ତି ସରକାର। ଏହାରି ଭିତରେ ବୁଧବାର ମୁଖ୍ୟମନ୍ତ୍ରୀ ମୋହନ ମାଝୀ SRCଙ୍କ କାର୍ଯ୍ୟାଳୟରେ ବାତ୍ୟା ସମୀକ୍ଷା କରିଛନ୍ତି…

ଜିନ୍‌ପିଙ୍ଗ, ପୁଟିନ୍‌ଙ୍କ ବଡ଼ ନିଷ୍ପତ୍ତି: ମୁକ୍ତ, ଅବାଧ ବାଣିଜ୍ୟକୁ ସମର୍ଥନ

ସେନ୍‌ଝେନ୍‌,୧୮ା୧୧: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ଙ୍କ ସହ ତ୍ରିପାକ୍ଷିକ ଆଲୋଚନାର ଦିନକ ପୂର୍ବରୁ ଚାଇନା ରାଷ୍ଟ୍ରପତି ଶି ଜିନ୍‌ପିଙ୍ଗ୍‌ ଏବଂ ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନ୍‌ ପାଶ୍ଚାତ୍ୟ…

ଚାଇନାରେ ଏକାଠି ହେଲେ ଟ୍ରମ୍ପ୍‌-ପୁଟିନ୍‌-ଜିନ୍‌ପିଙ୍ଗ, ବୈଠକ ଉପରେ ବିଶ୍ବର ନଜର

ବେଜିଂ, ୧୮ା୧୧: ଚାଇନା ଗସ୍ତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଚାଇନାରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଛି । ପ୍ରୋଟୋକଲ ଭାଙ୍ଗି ଚୀନ…

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?